ಕಚ್ಚಾ ತೈಲ ಬೆಲೆ ಗಗನಕ್ಕೇರುತ್ತಿದ್ದಂತೆಯೇ 'ರೂಪಾಯಿʼ ದರ ಸಾರ್ವಕಾಲಿಕ ಕನಿಷ್ಠ ಮಟ್ಟಕ್ಕೆ ಕುಸಿತ !

ಹೊಸದಿಲ್ಲಿ: ಜಾಗತಿಕ ಕಚ್ಚಾ ತೈಲ ಬೆಲೆಗಳು  130 ಡಾಲರ್ ಗಿಂತ ಹೆಚ್ಚು  ಏರಿಕೆ ಕಂಡ ಪರಿಣಾಮ  ರೂಪಾಯಿ ಮೌಲ್ಯ ಸೋಮವಾರದ ಆರಂಭಿಕ ವಹಿವಾಟಿನಲ್ಲಿ ಸಾರ್ವಕಾಲಿಕ ಕನಿಷ್ಠ ಮಟ್ಟವನ್ನು ತಲುಪಿತು.

76.96 ಅನ್ನು ಮುಟ್ಟಿದ ನಂತರ ರೂಪಾಯಿಯು ಸುಮಾರು 1 ಶೇಕಡಾ ದುರ್ಬಲವಾಗಿ ಪ್ರತಿ ಡಾಲರ್‌ಗೆ 76.92 ಕ್ಕೆ ವಹಿವಾಟು ನಡೆಸುತ್ತಿದೆ, ಇದು ಇದುವರೆಗಿನ ದುರ್ಬಲ ಮಟ್ಟವಾಗಿದೆ.

 ಶುಕ್ರವಾರದಂದು ಕರೆನ್ಸಿ ಅಮೆರಿಕದ  ಡಾಲರ್ ಎದುರು 76.17 ಕ್ಕೆ ಕುಸಿಯಿತು, ಇದು ಡಿಸೆಂಬರ್ 15, 2021 ರಿಂದ ಅದರ ಕಡಿಮೆ ಮುಕ್ತಾಯದ ಮಟ್ಟವಾಗಿದೆ.

ರಷ್ಯಾದ ತೈಲ ಆಮದುಗಳ ಮೇಲೆ ಅಮೆರಿಕ ಹಾಗೂ  ಯುರೋಪಿಯನ್ ದೇಶಗಳು ನಿಷೇಧ ವಿಧಿಸಿದ ನಂತರ ಸೋಮವಾರದಂದು ತೈಲ ಬೆಲೆಗಳು 130 ಡಾಲರ್ ಕ್ಕಿಂತ ಹೆಚ್ಚಾಯಿತು.  ಇದು 2008 ರ ನಂತರದ ಅತ್ಯಧಿಕವಾಗಿದೆ.