ಡ್ಯಾನಿಶ್ ಓಪನ್ ಈಜು ಸ್ಪರ್ಧೆ: ಚಿನ್ನ ಗೆದ್ದ ನಟ ಆರ್. ಮಾಧವನ್ ಪುತ್ರ ವೇದಾಂತ್

ಡೆನ್ಮಾರ್ಕ್: ನಟ ಆರ್. ಮಾಧವನ್ ಅವರ ಪುತ್ರ ವೇದಾಂತ್ ಮಾಧವನ್  ಡ್ಯಾನಿಶ್ ಓಪನ್ 2022 ರಲ್ಲಿ ಸ್ವಿಮ್ಮಿಂಗ್‌ ಸ್ಪರ್ಧೆಯಲ್ಲಿ ಚಿನ್ನದ ಪದಕವನ್ನು ಜಯಿಸಿದ್ದಾರೆ.

ವೇದಾಂತ್ 800 ಮೀ.  ಈಜು ಸ್ಪರ್ಧೆಯಲ್ಲಿ 8:17.28 ಕ್ಕೆ ಗುರಿ ತಲುಪಿ ಚಿನ್ನದ ಪಕದ ಜಯಿಸಿದರು.

ಪದಕ ಪ್ರದಾನ ಸಮಾರಂಭದಲ್ಲಿ ವೇದಾಂತ್ ಹೆಸರನ್ನು ಘೋಷಿಸುತ್ತಿರುವ ಕ್ಲಿಪ್ ಅನ್ನು '3 ಈಡಿಯಟ್ಸ್ ' ನಟ ಮಾಧವನ್ ಹಂಚಿಕೊಂಡಿದ್ದಾರೆ.

ತಮ್ಮ ಇನ್‌ಸ್ಟಾಗ್ರಾಮ್ ಹ್ಯಾಂಡಲ್‌ನಲ್ಲಿ ಕ್ಲಿಪ್ ಅನ್ನು ಹಂಚಿಕೊಂಡಿರುವ ಮಾಧವನ್ ಅವರು, "ಗೋಲ್ಡ್.... ನಿಮ್ಮೆಲ್ಲರ ಆಶೀರ್ವಾದ ಹಾಗೂ  ದೇವರ ಕೃಪೆಯಿಂದ ವಿಜಯದ ಓಟ  ಮುಂದುವರಿದಿದೆ.. ಇದು ವೇದಾಂತ ಮಾಧವನ್‌ಗೆ 800 ಮೀಟರ್‌ನಲ್ಲಿ ಲಭಿಸಿದ ಚಿನ್ನವಾಗಿದೆ ಎಂದು ಬರೆದಿರುವ ಮಾಧವನ್  ಅವರು ವೇದಾಂತ್‌ನ ಕೋಚ್, ಈಜು ಫೆಡರೇಶನ್ ಹಾಗೂ  ಇಡೀ ತಂಡಕ್ಕೆ ಧನ್ಯವಾದ ಹೇಳಿದ್ದಾರೆ.

ಶನಿವಾರ ಡ್ಯಾನಿಶ್ ಓಪನ್  ಈಜು ಕೂಟದಲ್ಲಿ ವೇದಾಂತ್  ಮಾಧವನ್‌ 1,500 ಮೀಟರ್ ಫ್ರೀಸ್ಟೈಲ್ ಈಜು ಸ್ಪರ್ಧೆಯಲ್ಲಿ 15:57:86 ಸೆಕೆಂಡ್ ನಲ್ಲಿ ಗುರಿ ತಲುಪಿ ಬೆಳ್ಳಿ ಪದಕ ಜಯಿಸಿದ್ದರು.

And So TODAY the winning streak continues.. @VedaantMadhavan gets a GOLD at Denmark open.Pradeep Sir @swimmingfedera1 #ANSAdxb & all of you for the continued blessings . pic.twitter.com/UhNXMostqx

— Ranganathan Madhavan (@ActorMadhavan) April 17, 2022