ಅಸ್ಸಾಂ: ಪ್ರವಾಹ ರಕ್ಷಣಾ ಕಾರ್ಯಕರ್ತರ ಬೆನ್ನಿನ ಮೇಲೆ ಬಿಜೆಪಿ ನಾಯಕನ ಸವಾರಿಗೆ ವ್ಯಾಪಕ ಆಕ್ರೋಶ

ಅಸ್ಸಾಂ: ಪ್ರವಾಹ ಪೀಡಿತ ಪ್ರದೇಶದ ಪರಿಶೀಲನೆಗೆ ಹೊರಟ ಬಿಜೆಪಿ ಶಾಸಕರು ಪ್ರವಾಹ ರಕ್ಷಣಾ ಕಾರ್ಯಕರ್ತರ ಬೆನ್ನಿನ ಮೇಲೆ ಸವಾರಿ ಮಾಡಿರುವ ಘಟನೆ ಈಗ ವ್ಯಾಪಕ ಆಕ್ರೋಶಕ್ಕೆ ಕಾರಣವಾಗಿದೆ. ನಿರಂತರ ಮಳೆಯಿಂದಾಗಿ ಪ್ರವಾಹಕ್ಕೆ ತುತ್ತಾಗಿರುವ ಅಸ್ಸಾಂ ರಾಜ್ಯದಲ್ಲಿ ಈ ಘಟನೆ ನಡೆದಿದೆ. 

ಶಾಸಕನನ್ನು ಸಿಬು ಮಿಸ್ರಾ ಎಂದು ಗುರುತಿಸಲಾಗಿದ್ದು, ಇವರು ಲುಂದಿಂಗ್‌ ವಿಧಾನಸಭಾ ಕ್ಷೇತ್ರದ ಬಿಜೆಪಿ ಶಾಸಕರಾಗಿದ್ದಾರೆ. 

ಅಸ್ಸಾಮ್‌ ರಾಜ್ಯದ 27 ಜಿಲ್ಲೆಗಳಲ್ಲಿ ಪ್ರವಾಹ ಉಂಟಾಗಿದ್ದು, 6.6 ಲಕ್ಷಕ್ಕೂ ಅಧಿಕ ಮಂದಿ ಪ್ರವಾಹ ಸಂತ್ರಸ್ತರಾಗಿದ್ದಾರೆ. ಈ ನಡುವೆ, ಪರಿಶೀಲನೆಗೆಂದು ಬಂದ ಶಾಸಕ ರಕ್ಷಣಾ ತಂಡದ ಸಿಬ್ಬಂದಿಯೋರ್ವರ ಬೆನ್ನೇರಿ ದೋಣಿಗೆ ಹೋಗಿರುವುದು ಕಂಡು ಬಂದಿದೆ, ಅಲ್ಲಿ ಕೇವಲ ಮೊಣಕಾಲು ಮುಳುಗುವಷ್ಟೇ ನೀರಿದ್ದರೂ, ರಕ್ಷಣಾ ಸಿಬ್ಬಂದಿಯಲ್ಲಿ ತನ್ನನ್ನು ಹೊರಿಸಿದ್ದು ನೆಟ್ಟಿಗರ ಆಕ್ರೋಶಕ್ಕೆ ಕಾರಣವಾಗಿದೆ. ʼಸಂವೇದನಾರಹಿತ ಶಾಸಕʼ ಎಂದು ಹಲವರು ಟೀಕಿಸಿದ್ದಾರೆ.

#WATCH | Assam: BJP MLA from Lumding Assembly, Sibu Misra was seen taking a piggyback ride to a boat, on the back of a flood rescue worker yesterday, May 18th. He was in Hojai to review the flood situation in the area. pic.twitter.com/Rq0mJ8msxt

— ANI (@ANI) May 19, 2022