ಪಾಕ್ಗೆ ಮರಳಲಿರುವ ಮಾಜಿ ಪ್ರಧಾನಿ ನವಾಝ್ ಶರೀಫ್
Update: 2022-11-12 17:30 GMT
ಇಸ್ಲಮಾಬಾದ್, ನ.12: ಪಾಕಿಸ್ತಾನ್ ಮುಸ್ಲಿಂ ಲೀಗ್ ನವಾಝ್(ಪಿಎಂಎಲ್-ಎನ್) ಮುಖಂಡ ನವಾಝ್ ಶರೀಫ್(Nawaz Sharif) ಲಂಡನ್ನಲ್ಲಿನ ತಮ್ಮ ಸ್ವಯಂ ದೇಶಭ್ರಷ್ಟತೆಯನ್ನು ಕೊನೆಗೊಳಿಸಿ ಪಾಕಿಸ್ತಾನಕ್ಕೆ ಹಿಂತಿರುಗಬಹುದು ಮತ್ತು ಮುಂದಿನ ಸಾರ್ವತ್ರಿಕ ಚುನಾವಣೆಯಲ್ಲಿ ತಮ್ಮ ಪಕ್ಷವನ್ನು ಮುನ್ನಡೆಸಬಹುದು ಎಂದು ಮಾಧ್ಯಮಗಳು ಶನಿವಾರ ವರದಿ ಮಾಡಿವೆ.
ಮೂರು ಬಾರಿ ಪ್ರಧಾನಿಯಾಗಿರುವ 72 ವರ್ಷದ ಶರೀಫ್ಗೆ ಪಿಎಂಎನ್-ಎಲ್ ಪಕ್ಷದ ನೇತೃತ್ವವಿರುವ ಸರಕಾರವು ರಾಜತಾಂತ್ರಿಕ ಪಾಸ್ಪೋರ್ಟ್ ಒದಗಿಸಿದೆ. ಶರೀಫ್ ಡಿಸೆಂಬರ್ನಲ್ಲಿ ಸ್ವದೇಶಕ್ಕೆ ಹಿಂತಿರುಗುವ ನಿರೀಕ್ಷೆಯಿದೆ. ಆದರೆ ದೇಶದಲ್ಲಿ ಅವಧಿ ಪೂರ್ಣ ಚುನಾವಣೆ ನಡೆಯುತ್ತದೆ ಎಂಬುದು ಇದರರ್ಥವಲ್ಲ ಎಂದು ಪಕ್ಷದ ಮುಖಂಡರು ಹೇಳಿದ್ದಾರೆ. ಹಾಲಿ ಸಂಸತ್ನ ಅವಧಿ 2023ರ ಆಗಸ್ಟ್ಗೆ ಅಂತ್ಯವಾಗಲಿದೆ.