ಅಂಜುಮನ್ ಪದವಿ ಕಾಲೇಜು, ಪಿಜಿ ಸೆಂಟರ್‌ಗೆ ಉತ್ತಮ ಫಲಿತಾಂಶ
ಭಟ್ಕಳ: ಅಂಜುಮನ್ ಪದವಿ ಕಾಲೇಜು ಮತ್ತು ಪಿಜಿ ಸೆಂಟರ್ ಬಿಎ ಅಂತಿಮ (ಫೈನಲ್) ಮತ್ತು ಎಂಕಾಂ ಫೈನಲ್‍ನಲ್ಲಿ ಶೇ.100 ಫಲಿತಾಂಶ ದಾಖಲಿಸಿದೆ ಎಂದು ಸಂಸ್ಥೆ ಪ್ರಕಟಣೆಯಲ್ಲಿ ತಿಳಿಸಿದೆ.
ಕರ್ನಾಟಕ ವಿಶ್ವವಿದ್ಯಾನಿಲಯ ಧಾರವಾಡ ಆಯೋಜಿಸಿದ್ದ ವಾರ್ಷಿಕ ಪರೀಕ್ಷೆಯಲ್ಲಿ ಅಂಜಮಾನ್ ಪದವಿ ಕಾಲೇಜು ಮತ್ತು ಪಿಜಿ ಸೆಂಟರ್ ಭಟ್ಕಳದ ಕಲಾ ವಿಭಾಗದ ಬಿಎ ಅಂತಿಮ ಮತ್ತು ಎಂಕಾಂ ಅಂತಿಮ ವರ್ಷದ ವಿದ್ಯಾರ್ಥಿಗಳು 100% ಫಲಿತಾಂಶವನ್ನು ದಾಖಲಿಸಿದ್ದಾರೆ.
ಕಲಾ ವಿಭಾಗದ ಬಿಎ ಫೈನಲ್‍ನ 10 ವಿದ್ಯಾರ್ಥಿಗಳು ವಾರ್ಷಿಕ ಪರೀಕ್ಷೆಯಲ್ಲಿ ಭಾಗವಹಿಸಿದ್ದು, ಅದರಲ್ಲಿ 3 ವಿದ್ಯಾರ್ಥಿಗಳು ಡಿಸ್ಟಿಂಕ್ಷನ್, 2 ಪ್ರಥಮ ದರ್ಜೆ ಮತ್ತು 5 ದ್ವಿತೀಯ ದರ್ಜೆಯಲ್ಲಿ ತೇರ್ಗಡೆಯಾಗಿದ್ದಾರೆ ಎಂದು ಪ್ರಾಂಶುಪಾಲರು ತಿಳಿಸಿದ್ದಾರೆ.
ಕಾಲೇಜು ಮಟ್ಟದಲ್ಲಿ, ಶ್ರೇಯಸ್ ನಾಯ್ಕ್ 88% ನೊಂದಿಗೆ ಪ್ರಥಮ ಸ್ಥಾನ, ಅಬ್ದುಲ್ ರುಮಾನ್ 72% ನೊಂದಿಗೆ ದ್ವಿತೀಯ ಮತ್ತು ನಾಗೇಶ್ ಗೊಂಡ್ 69% ಗಳಿಸಿದ್ದಾರೆ.
19 ವಿದ್ಯಾರ್ಥಿಗಳು ಎಂ.ಕಾಂ ಅಂತಿಮ ಪರೀಕ್ಷೆಗೆ ಹಾಜರಾಗಿದ್ದರು, ಇದರಲ್ಲಿ ಮನೋಜ್ ನಾಯ್ಕ್ 73% ನೊಂದಿಗೆ ಪ್ರಥಮ, ಲಿಖಿತಾ 72.80% ನೊಂದಿಗೆ ದ್ವಿತೀಯ ಮತ್ತು ಲತಾ ಜೈನ್ 71.20% ನೊಂದಿಗೆ ತೃತೀಯ ಸ್ಥಾನ ಪಡೆದಿದ್ದಾರೆ ಎಂದು ಪ್ರಕಟನೆ ತಿಳಿಸಿದೆ.