ನಾನು ಗುಂಡೇಟಿಗೆ ಬಲಿಯಾಗುವ ಸಾಧ‍್ಯತೆ ಇದೆ: ಆತಂಕ ಹೊರ ಹಾಕಿದ ಎಲಾನ್ ಮಸ್ಕ್
ಕ್ಯಾಲಿಫೋರ್ನಿಯಾ: ವಿಶ್ವದ ಅತ್ಯಂತ ಶ್ರೀಮಂತ ಉದ್ಯಮಿ ಹಾಗೂ ಟ್ವಿಟರ್ ಮಾಲಕ ಎಲಾನ್ ಮಸ್ಕ್ ತನಗೆ ಜೀವ ಬೆದರಿಕೆ ಇದೆ ಎಂಬ ಸ್ಫೋಟಕ ಹೇಳಿಕೆ ನೀಡಿದ್ದಾರೆ.
ಟ್ವಿಟರ್ ನ ಸಂಭಾಷಣೆ ವೇದಿಕೆಯಲ್ಲಿ ತನ್ನ ಕೇಳುಗರೊಂದಿಗೆ ಎರಡು ಗಂಟೆಗಳ ಕಾಲ ಮಾತುಕತೆ ನಡೆಸಿರುವ ಎಲಾನ್ ಮಸ್ಕ್, "ತಾನು ಇನ್ನು ಮುಂದೆ ತೆರೆದ ಕಾರಿನಲ್ಲಿ ಮೆರವಣಿಗೆ ನಡೆಸುವುದಿಲ್ಲ” ಎಂದು ಹೇಳಿಕೊಂಡಿದ್ದಾರೆ ಎಂದು ವರದಿಯಾಗಿದೆ.
“ಮುಕ್ತವಾಗಿ ಹೇಳುವುದಾದರೆ ನನಗೆ ಏನಾದರೂ ಕೆಡುಕಾಗುವ ಸಾಧ‍್ಯತೆ ಇದೆ. ನಾನು ಅಕ್ಷರಶಃ ಗುಂಡೇಟಿಗೆ ಬಲಿಯಾಗುವ ಸಾಧ‍್ಯತೆಯೂ ದಟ್ಟವಾಗಿದೆ” ಎಂದು ಹೇಳಿದ್ದಾರೆ.
“ನೀವು ಯಾರನ್ನಾದರೂ ಹತ್ಯೆ ಮಾಡಬೇಕು ಎಂದುಕೊಂಡರೆ ಅದು ಅಸಾಧ್ಯದ ಸಂಗತಿಯೇನಲ್ಲ. ಹೀಗಾಗಿ ನಾನಿರುವ ಸನ್ನಿವೇಶದ ಮೇಲೆ ವಿಧಿಯು ವಿಕಟ ನಗೆ ಬೀರುತ್ತಿದೆ. ಆದರೆ, ಅದೃಷ್ಟವಶಾತ್ ಹಾಗಾಗದಿರಲಿ ಎಂದು ಆಶಿಸುತ್ತೇನೆ. ನನಗೆ ಖಂಡಿತವಾಗಿಯೂ ಅಪಾಯವಿದೆ” ಎಂದೂ ಹೇಳಿದ್ದಾರೆ.
ಟೆಸ್ಲಾದ ಮುಖ್ಯ ಕಾರ್ಯ ನಿರ್ವಹಣಾಧಿಕಾರಿ ಹಾಗೂ ಟ್ವಿಟರ್ ನ ಮುಖ್ಯಸ್ಥರಾಗಿರುವ ಎಲಾನ್ ಮಸ್ಕ್, ತಮ್ಮನ್ನು ತಾವು ‘ಮುಕ್ತ ವಾಕ್ ಸ್ವಾತಂತ್ರ್ಯವಾದಿ” ಎಂದೇ ಗುರುತಿಸಿಕೊಂಡಿದ್ದಾರೆ. ‘ಮುಕ್ತ ವಾಕ್ ಸ್ವಾತಂತ್ರ್ಯ ದಮನಕ್ಕೊಳಗಾಗದ ಭವಿಷ್ಯ ನಮಗೆ ಬೇಕಿದೆ” ಎಂದೂ ತಮ್ಮ ಮಾತುಕತೆಯಲ್ಲಿ ಹೇಳಿಕೊಂಡಿದ್ದಾರೆ.
Elon Musk Says His Assassination Risk is “Quite Significant”: “Frankly the risk of something bad happening to me or literally being shot is quite significant. I am definitely not going to be doing any open-air car parades.”
— Wittgenstein (@backtolife_2023) December 4, 2022
Source: https://t.co/thJ94gap7b pic.twitter.com/P4vQ2gTQZz