ಆನ್‌ಲೈನ್ ಹಗರಣಕ್ಕೆ ಬಲಿಯಾದ ಐಸಿಸಿ, ಸುಮಾರು 2.5 ಮಿಲಿಯನ್ ಡಾಲರ್ ನಷ್ಟ: ವರದಿ
Update: 2023-01-21 07:54 GMT
ದುಬೈ: ಸೈಬರ್ ಅಪರಾಧಕ್ಕೆ ಬಲಿಯಾದ ನಂತರ ಅಂತರ್ ರಾಷ್ಟ್ರೀಯ ಕ್ರಿಕೆಟ್ ಕೌನ್ಸಿಲ್ (ICC ) ಸುಮಾರು 2.5 ಮಿಲಿಯನ್ ಅಮೆರಿಕನ್ ಡಾಲರ್ ನಷ್ಟ ಅನುಭವಿಸಿದೆ ಎಂದು ವರದಿಯೊಂದು ತಿಳಿಸಿದೆ.
"ಹಣಕಾಸಿನ ಹಗರಣವನ್ನು ಮಾಡಲು ವಂಚಕರು ಬಳಸಿದ ಮಾರ್ಗವೆಂದರೆ ಬಿಸಿನೆಸ್ ಇ-ಮೇಲ್ ಕಾಂಪ್ರಮೈಸ್ (BEC), ಇದನ್ನು ಇ-ಮೇಲ್ ಅಕೌಂಟ್ ಕಾಂಪ್ರಮೈಸ್ ಎಂದೂ ಕರೆಯುತ್ತಾರೆ, ಇದು 'ಆರ್ಥಿಕವಾಗಿ ಅತ್ಯಂತ ಹಾನಿಕಾರಕ ಆನ್‌ಲೈನ್ ಅಪರಾಧಗಳಲ್ಲಿ ಒಂದಾಗಿದೆ ಎಂದು ಫೆಡರಲ್ ಬ್ಯೂರೋ ಆಫ್ ಇನ್ವೆಸ್ಟಿಗೇಷನ್ (FBI) ವಿವರಿಸುತ್ತದೆ ' ಎಂದು ವರದಿ ಹೇಳಿದೆ.
ಐಸಿಸಿ ಖಾತೆಯಿಂದ ಹಣವನ್ನು ವರ್ಗಾವಣೆ ಮಾಡಲು ವಂಚಕರು ನಿಖರವಾಗಿ ಯಾವ ಮಾರ್ಗವನ್ನು ಕಂಡುಕೊಂಡಿದ್ದಾರೆ ಎಂಬುದು ಇನ್ನೂ ತಿಳಿದಿಲ್ಲ. ಅವರು ನೇರವಾಗಿ ದುಬೈನ ಮುಖ್ಯ ಕಚೇರಿಯಲ್ಲಿ ಯಾರನ್ನಾದರೂ ಸಂಪರ್ಕಿಸಿದ್ದರೆ ಅಥವಾ ಐಸಿಸಿ ಸಲಹೆಗಾರರನ್ನು ಗುರಿಯಾಗಿಸಿಕೊಂಡಿದ್ದಾರೆಯೇ ಎನ್ನುವುದು ಗೊತ್ತಾಗಿಲ್ಲ.