ನಟ ಯಶ್‌ ಕುರಿತು ಮಲಯಾಳಂ ಸೂಪರ್‌ ಸ್ಟಾರ್‌ ದುಲ್ಕರ್ ಸಲ್ಮಾನ್‌ ಹೇಳಿದ್ದೇನು?
ತಿರುವನಂತಪುರ/ ಬೆಂಗಳೂರು: ಮಲಯಾಳಂ ದಿಗ್ಗಜ ನಟ ಮಮ್ಮುಟ್ಟಿ ಅವರ ಪುತ್ರ, ಬಹುಭಾಷಾ ನಟ ದುಲ್ಕರ್ ಸಲ್ಮಾನ್‌ (Dulquer Salmaan) ಕನ್ನಡದ ನಟ ಯಶ್‌ (Yash) ಕುರಿತು ನೀಡಿದ ಪ್ರತಿಕ್ರಿಯೆಗೆ ಯಶ್‌ ಅಭಿಮಾನಿಗಳು ಫಿದಾ ಆಗಿದ್ದಾರೆ.
ಟ್ವಿಟರಿನಲ್ಲಿ ತನ್ನ ಅಭಿಮಾನಿಗಳೊಂದಿಗೆ ಪ್ರಶ್ನೋತ್ತರ ಸಂವಾದ ನಡೆಸಿದ ದುಲ್ಕರ್ ಸಲ್ಮಾನ್‌ ತಮ್ಮ ಅಭಿಮಾನಿಗಳ ವಿವಿಧ ರೀತಿಯ ಪ್ರಶ್ನೆಗಳಿಗೆ ವಿನೋದವಾಗಿ ಉತ್ತರಿಸಿದ್ದಾರೆ. ಈ ವೇಳೆ ಕೆಜಿಎಫ್‌ ಖ್ಯಾತಿಯ ಯಶ್‌ ಅಭಿಮಾನಿಯೊಬ್ಬರು ಯಶ್‌ ಕುರಿತು ಒಂದೆರಡು ಮಾತು ಹೇಳುವಂತೆ ದುಲ್ಕರ್ ಬಳಿ ವಿನಂತಿಸಿಕೊಂಡಿದ್ದಾರೆ.
ಇದಕ್ಕೆ ಪ್ರತಿಕ್ರಿಯೆ ನೀಡಿದ ದುಲ್ಕರ್, ಯಶ್‌ ಅವರ ಅತಿಥಿ ಸತ್ಕಾರ ಗುಣವನ್ನು ಕೊಂಡಾಡಿದ್ದಾರೆ.
“ಯಶ್‌ ಸಹೃದಯಿ, ಮತ್ತು ಅತ್ಯುತ್ತಮ ಅತಿಥೇಯ. ನಾವಿಬ್ಬರೂ ಮೈಸೂರಿನಲ್ಲಿ ಚಿತ್ರೀಕರಣ ಮಾಡುವಾಗ ತಿಂದು ಮುಗಿಸದಾಗದಷ್ಟು ಆಹಾರವನ್ನು ನನಗೆ ಮತ್ತು ನನ್ನ ತಂಡಕ್ಕೆ ಕಳುಹಿಸಿದ್ದರು. ಸೋ ಮಚ್‌ ಲವ್‌ ಫಾರ್‌ ರಾಕಿಂಗ್‌ ಸ್ಟಾರ್‌!” ಎಂದು ದುಲ್ಕರ್ ಸಲ್ಮಾನ್‌ ಯಶ್‌ ಬಗ್ಗೆ ಹೇಳಿಕೊಂಡಿದ್ದಾರೆ.
ಇದನ್ನೂ ಓದಿ: ಪರೀಕ್ಷಾ ಕೊಠಡಿಯಲ್ಲಿ 500ಕ್ಕೂ ಹೆಚ್ಚು ಬಾಲಕಿಯರನ್ನು ಕಂಡು ತಲೆಸುತ್ತಿ ಬಿದ್ದ ಬಾಲಕ: ಆಸ್ಪತ್ರೆಗೆ ದಾಖಲು
The kindest and best host. Sent me and my team more food than we could eat when we were both filming in Mysore. So much love for the Rocking Star !
— Dulquer Salmaan (@dulQuer) January 31, 2023