ಲೆಜೆಂಡರಿ ನಟ ರಾಜ್ ಕಪೂರ್ ಅವರ ಮುಂಬೈ ಬಂಗಲೆ ಸ್ವಾಧೀನಪಡಿಸಿಕೊಂಡ ಗೋದ್ರೇಜ್ ಪ್ರಾಪರ್ಟೀಸ್
Update: 2023-02-17 12:20 IST
ಮುಂಬೈ: ಐಷಾರಾಮಿ ವಸತಿ ಯೋಜನೆಯನ್ನು ಅಭಿವೃದ್ಧಿಪಡಿಸಲು ಮುಂಬೈನ ಚೆಂಬೂರ್ನಲ್ಲಿರುವ ಪ್ರಸಿದ್ಧ ಚಲನಚಿತ್ರ ನಟ, ನಿರ್ದೇಶಕ ಹಾಗೂ ನಿರ್ಮಾಪಕ ರಾಜ್ ಕಪೂರ್ ಅವರ ಬಂಗಲೆಯನ್ನು ಸ್ವಾಧೀನಪಡಿಸಿಕೊಂಡಿರುವುದಾಗಿ ಗೋದ್ರೇಜ್ ಪ್ರಾಪರ್ಟೀಸ್ ಲಿಮಿಟೆಡ್ ಶುಕ್ರವಾರ ಹೇಳಿದೆ.
ರಾಜ್ ಕಪೂರ್ ಅವರ ಕಾನೂನುಬದ್ಧ ಉತ್ತರಾಧಿಕಾರಿಗಳಾದ ಕಪೂರ್ ಕುಟುಂಬದಿಂದ ಭೂಮಿಯನ್ನು ಖರೀದಿಸಲಾಗಿದೆ ಎಂದು ಕಂಪನಿಯು ನಿಯಂತ್ರಕ ಫೈಲಿಂಗ್ನಲ್ಲಿ ತಿಳಿಸಿದೆ.
ಒಪ್ಪಂದದ ಮೌಲ್ಯವನ್ನು ಬಹಿರಂಗಪಡಿಸಲಾಗಿಲ್ಲ
ಈ ಸ್ಥಳವು ಮುಂಬೈನ ಚೆಂಬೂರ್ನ ಡಿಯೋನಾರ್ ಫಾರ್ಮ್ ರಸ್ತೆಯಲ್ಲಿ ಟಾಟಾ ಇನ್ಸ್ಟಿಟ್ಯೂಟ್ ಆಫ್ ಸೋಶಿಯಲ್ ಸೈನ್ಸಸ್ (TISS) ಪಕ್ಕದಲ್ಲಿದೆ.
ಗೋದ್ರೇಜ್ ಆರ್ಕೆಎಸ್ ಅನ್ನು ಅಭಿವೃದ್ಧಿಪಡಿಸಲು ಕಪೂರ್ ಕುಟುಂಬದಿಂದ ಚೆಂಬೂರಿನ ಆರ್. ಕೆ. ಸ್ಟುಡಿಯೋಸ್ ಅನ್ನು ಮೇ 2019 ರಲ್ಲಿ ಗೋದ್ರೇಜ್ ಪ್ರಾಪರ್ಟೀಸ್ ಸ್ವಾಧೀನಪಡಿಸಿಕೊಂಡಿತ್ತು.