ಅಭಿಮಾನಿಗೆ ಹೂ ನೀಡಿ ಮದುವೆ ಪ್ರಸ್ತಾಪ ಮುಂದಿಟ್ಟ ರೋಹಿತ್‌ ಶರ್ಮಾ: ತಮಾಷೆಯ ವೀಡಿಯೊ ವೈರಲ್

ಹೊಸದಿಲ್ಲಿ: ವಿಶಾಖಪಟ್ಟಣದಲ್ಲಿ ರವಿವಾರ ನಡೆದ ಆಸ್ಟ್ರೇಲಿಯ ವಿರುದ್ಧದ ಎರಡನೇ ಏಕದಿನ ಪಂದ್ಯದಲ್ಲಿ ಭಾಗವಹಿಸಲು   ರೋಹಿತ್ ವಿಮಾನ ನಿಲ್ದಾಣದಲ್ಲಿ ನಡೆದುಕೊಂಡು ಹೋಗುವಾಗ ಅಭಿಮಾನಿಯೊಬ್ಬನಿಗೆ ಗುಲಾಬಿ ಹೂ ಕೊಟ್ಟು ಮದುವೆ ಪ್ರಸ್ತಾವ ಮುಂದಿಟ್ಟು ಶಾಕ್ ನೀಡಿದ್ದಾರೆ.

 ರೋಹಿತ್ ಹಾಗೂ ಅವರ ಸಹ ಆಟಗಾರರು ವಿಮಾನ ನಿಲ್ದಾಣದಲ್ಲಿ  ನಡೆದುಕೊಂಡು ಹೋಗುತ್ತಿರುವಾಗ ಅಭಿಮಾನಿಯೊಬ್ಬ ಸೆಲ್ಫಿ ರೆಕಾರ್ಡ್ ಮಾಡುತ್ತಿದ್ದ. ಆಗ ರೋಹಿತ್ ತನ್ನ ಬಳಿಯಿದ್ದ ಗುಲಾಬಿ ಹೂವನ್ನು ಅಭಿಮಾನಿಗೆ ನೀಡುತ್ತಾ, "ಯೇ ಲೋ, ಆಪ್ಕೆ ಲಿಯೇ  (ಇದನ್ನು ತೆಗೆದುಕೊ, ಇದು ನಿನಗಾಗಿ)" ಎಂದು ಹೇಳಿದರು. ಅಷ್ಟರಲ್ಲಾಗಲೇ ಅಭಿಮಾನಿ ಧನ್ಯವಾದ ಹೇಳಲು ಮುಂದಾದಾಗ ರೋಹಿತ್, ‘ನನ್ನನ್ನು ಮದುವೆಯಾಗುತ್ತೀರಾ? ಎಂದು ಕೇಳಿ ಶಾಕ್ ನೀಡಿದರು.

ಮುಂಬೈನಲ್ಲಿ ನಡೆದ ಮೊದಲ ಏಕದಿನ ಪಂದ್ಯದಲ್ಲಿ ಕೌಟುಂಬಿಕ ಕಾರಣಕ್ಕಾಗಿ ಆಡದ ರೋಹಿತ್ 2ನೇ ಪಂದ್ಯದಲ್ಲಿ ತಂಡವನ್ನು ನಾಯಕನಾಗಿ ಮುನ್ನಡೆಸಿದ್ದಾರೆ. ಆದರೆ ಭಾರತವು ಭಾರೀ ಬ್ಯಾಟಿಂಗ್ ವೈಫಲ್ಯಕ್ಕೆ ಒಳಗಾಗಿ 10 ವಿಕೆಟ್ ಗಳ ಅಂತರದಿಂದ ಸೋಲುಂಡಿದೆ. 2ನೇ ಪಂದ್ಯವನ್ನು ಜಯಿಸಿರುವ  ಆಸ್ಟ್ರೇಲಿಯ 1-1ರಿಂದ ಸಮಬಲ ಸಾಧಿಸಿ ಮರು ಹೋರಾಟ ನೀಡಿದೆ.

Rohit Sharma is an amazing character - what a guy! pic.twitter.com/YZzPmAKGpk

— Mufaddal Vohra (@mufaddal_vohra) March 19, 2023