`ಬಿಳಿಯರು ಮಾತ್ರ ಅರ್ಜಿ ಸಲ್ಲಿಸಬಹುದು' ಅಮೆರಿಕದ ಸಂಸ್ಥೆಯ ಜಾಹೀರಾತು ವಿವಾದ

ವಾಷಿಂಗ್ಟನ್, ಎ.6: ಅಮೆರಿಕದ ದಲಾಸ್ ನಲ್ಲಿರುವ ಸಂಸ್ಥೆಯೊಂದು ಉದ್ಯೋಗಿಗಳ ನೇಮಕಕ್ಕೆ ಜಾಹೀರಾತು ಪ್ರಕಟಿಸುವಾಗ `ಬಿಳಿಯ ಅಭ್ಯರ್ಥಿಗಳು ಮಾತ್ರ ಅರ್ಜಿ ಸಲ್ಲಿಸಬಹುದು' ಎಂದು ಉಲ್ಲೇಖಿಸಿರುವುದು ವ್ಯಾಪಕ ವಿವಾದಕ್ಕೆ ಕಾರಣವಾಗಿದೆ.

ದಲಾಸ್ ನಲ್ಲಿರುವ ಟೆಕ್ ಸಂಸ್ಥೆ `ಆರ್ಥರ್ ಗ್ರ್ಯಾಂಡ್ ಟೆಕ್ನಾಲಜೀಸ್' ಮಂಗಳವಾರ ಬ್ಯುಸಿನೆಸ್ ಅನಾಲಿಸ್ಟ್ ಹುದ್ದೆಗೆ ಜಾಹೀರಾತು ನೀಡುವಾಗ ಈ ಷರತ್ತು ವಿಧಿಸಿದೆ. ‌

ಈ ಕುರಿತು ವ್ಯಾಪಕ ಆಕ್ರೋಶ, ಖಂಡನೆ ವ್ಯಕ್ತವಾಗುತ್ತಿದ್ದಂತೆಯೇ ಸಂಸ್ಥೆ ಕ್ಷಮೆ ಯಾಚಿಸಿದೆ.

ಹೊಸದಾಗಿ ನೇಮಕಗೊಂಡಿದ್ದ ಸಿಬ್ಬಂದಿ ಈ ಪ್ರಮಾದಕ್ಕೆ ಹೊಣೆ ಎಂಬುದು ಆಂತರಿಕ ತನಿಖೆಯಿಂದ ತಿಳಿದುಬಂದಿದೆ. ಆದರೆ ʼಬಿಳಿಯರಿಗೆ ಮಾತ್ರ' ಎಂಬ ಸಾಲನ್ನು ಜಾಹೀರಾತಿನಲ್ಲಿ ಸೇರಿಸಿದ್ದು ಸಂಸ್ಥೆಯ ಮಾಜಿ ಉದ್ಯೋಗಿ. ಆತನಿಗೆ ಜಾಹೀರಾತಿನ ಪ್ರತಿ ಲಭ್ಯವಾಗಲು ಹೊಸದಾಗಿ ನೇಮಕಗೊಂಡಿದ್ದ ಸಿಬಂದಿಯ ನಿರ್ಲಕ್ಷ್ಯ ಕಾರಣವಾಗಿರುವುದರಿಂದ ಆತನನ್ನು ವಜಾಗೊಳಿಸಲಾಗಿದೆ ಎಂದು ಸಂಸ್ಥೆ ಹೇಳಿದೆ.