3 ಲಕ್ಷ ರೂಪಾಯಿಗೆ ನವಜಾತ ಶಿಶುವನ್ನು ಮಾರಾಟ ಮಾಡಿದ ತಾಯಿಯ ಬಂಧನ
Update: 2023-05-08 15:16 IST
ತಿರುವನಂತಪುರಂ: ಮೂರು ಲಕ್ಷ ರೂಪಾಯಿಗೆ ತನ್ನ ನವಜಾತ ಶಿಶುವನ್ನು ತಿರುವನಂತಪುರಂ ದಂಪತಿಗಳಿಗೆ ಮಾರಾಟ ಮಾಡಿದ ಆರೋಪದಲ್ಲಿ ಮಹಿಳೆಯೊಬ್ಬರನ್ನು ಕೇರಳ ಪೊಲೀಸರು ಬಂಧಿಸಿದ್ದಾರೆ ಎಂದು ndtv.com ವರದಿ ಮಾಡಿದೆ.
ಆರೋಪಿತ ಮಾರಾಟದ ಬಗ್ಗೆ ಜಿಲ್ಲಾ ಮಕ್ಕಳ ಕಲ್ಯಾಣ ಸಮಿತಿಯು ನೀಡಿದ ಮಾಹಿತಿಯನ್ನು ಆಧರಿಸಿ, ತಂಪನೂರ್ ಠಾಣೆ ಪೊಲೀಸರು ಶಿಶುವಿನ ತಾಯಿಯನ್ನು ಬಂಧಿಸಿದ್ದಾರೆ. ಈ ಘಟನೆಯು ಎಪ್ರಿಲ್ 21ರಂದು ಬೆಳಕಿಗೆ ಬಂದಿದೆ.
ಕಾಂಜೀರಾಂಕುಲಂನಿಂದ 36 ವರ್ಷದ ಮಹಿಳೆಯನ್ನು ರವಿವಾರ ಬಂಧಿಸಲಾಗಿದೆ ಎಂದು ಪೊಲೀಸರು PTI ಸುದ್ದಿ ಸಂಸ್ಥೆಗೆ ತಿಳಿಸಿದ್ದಾರೆ.
ಶಿಶು ಜನಿಸಿದ ನಾಲ್ಕು ದಿನದ ನಂತರ ಮಹಿಳೆಯು ನಗರ ಮೂಲದ ದಂಪತಿಗಳಿಗೆ ರೂ. ಮೂರು ಲಕ್ಷ ರೂಪಾಯಿಗೆ ತನ್ನ ಶಿಶುವನ್ನು ಮಾರಾಟ ಮಾಡಿದ್ದಳು ಎಂದು ಅವರು ಹೇಳಿದ್ದಾರೆ.
ಮಕ್ಕಳ ಸುರಕ್ಷತೆಯ ಹೊಣೆಯು ಜಿಲ್ಲಾ ಮಕ್ಕಳ ಕಲ್ಯಾಣ ಸಮಿತಿಯದಾಗಿದೆ. ಶಿಶುವು ಎಪ್ರಿಲ್ ಮೊದಲ ವಾರದಲ್ಲಿ ಜನಿಸಿತ್ತು ಎಂದು ವರದಿಯಾಗಿದೆ.