ಸಿರಿಯಾಕ್ಕೆ 920 ದಶಲಕ್ಷ ಡಾಲರ್ ನೆರವು ಘೋಷಿಸಿದ ಅಮೆರಿಕ
Update: 2023-06-16 00:01 IST
ವಾಷಿಂಗ್ಟನ್: ಸಿರಿಯಾಕ್ಕೆ ಹೆಚ್ಚುವರಿಯಾಗಿ 920 ದಶಲಕ್ಷ ಡಾಲರ್ ಮಾನವೀಯ ನೆರವು ಒದಗಿಸುವುದಾಗಿ ಅಮೆರಿಕ ಗುರುವಾರ ಘೋಷಿಸಿದೆ.
ಬ್ರಸೆಲ್ಸ್ ನಲ್ಲಿ ಗುರುವಾರ ನಡೆದ ‘ನೆರವು ಸಂಗ್ರಹ ಸಮಾವೇಶ’ದಲ್ಲಿ ಅಮೆರಿಕದ ಹೆಚ್ಚುವರಿ ನೆರವನ್ನು ಘೋಷಿಸಲಾಗಿದೆ. ಇದರೊಂದಿಗೆ ಸಿರಿಯಾ ಮತ್ತು ವಲಯಕ್ಕೆ ಈ ವರ್ಷ ಅಮೆರಿಕದಿಂದ 1.1 ಶತಕೋಟಿ ಡಾಲರ್ ನೆರವು, ಸಿರಿಯಾದಲ್ಲಿ ಸಂಘರ್ಷ ಆರಂಭವಾದಂದಿನಿಂದ 16.9 ಶತಕೋಟಿ ಡಾಲರ್ ಮಾನವೀಯ ನೆರವು ಒದಗಿಸಿದಂತಾಗುತ್ತದೆ ಎಂದು ಅಮೆರಿಕದ ವಿದೇಶಾಂಗ ಇಲಾಖೆ ಹೇಳಿದೆ.