"ಇನ್ನೂ ಸ್ವಲ್ಪ ಚಪ್ಪಾಳೆ ತಟ್ಟಿದರೆ, ಈ ಪ್ರಶಸ್ತಿಯನ್ನು ಟ್ರಂಪ್‍ರೊಂದಿಗೆ ಹಂಚಿಕೊಳ್ಳಬಹುದು": ನೊಬೆಲ್ ಶಾಂತಿ ಪ್ರಶಸ್ತಿ ವಿಜೇತೆ ನವಿ ಪಿಳ್ಳೈ
ನವಿ ಪಿಳ್ಳೈ | Photo Credit : PTI
ಬರ್ಲಿನ್: ನೀವು ಇನ್ನೂ ಸ್ವಲ್ಪ ಚಪ್ಪಾಳೆ ತಟ್ಟಿದರೆ, ನಾನು ಈ ಪ್ರಶಸ್ತಿಯನ್ನು ಟ್ರಂಪ್ ಅವರೊಂದಿಗೆ ಹಂಚಿಕೊಳ್ಳಬಹುದು ಎಂದು 2026ರ ನೊಬೆಲ್ ಶಾಂತಿ ಪ್ರಶಸ್ತಿ ವಿಜೇತೆ ನವನೇಥಂ ನವಿ ಪಿಳ್ಳೈ ಅವರು ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರೊಂದಿಗೆ ನೊಬೆಲ್ ಶಾಂತಿ ಪ್ರಶಸ್ತಿಯನ್ನು ಹಂಚಿಕೊಳ್ಳುವ ಬಗ್ಗೆ ಹಾಸ್ಯ ಮಾಡಿದ್ದಾರೆ.
ಜರ್ಮನಿಯ ನ್ಯೂರೆಂಬರ್ಗ್‍ನಲ್ಲಿ ನಡೆದ ಕಾನೂನು ಸಭೆಯೊಂದರಲ್ಲಿ ಅವರಿಗೆ ಈ ಗೌರವದ ಕುರಿತು ತಿಳಿದಾಗ, ಅವರ ಈ ಹೇಳಿಕೆಯು ಅಲ್ಲಿ ನೆರೆದಿದ್ದವರಲ್ಲಿ ನಗು ಉಕ್ಕಿಸಿತು.
ನೀವು ಇನ್ನು ಸ್ವಲ್ಪ ಹೆಚ್ಚು ಚಪ್ಪಾಳೆ ತಟ್ಟಿದರೆ, ನಾನು ಈ ಪ್ರಶಸ್ತಿಯನ್ನು ಟ್ರಂಪ್ ಅವರೊಂದಿಗೆ ಹಂಚಿಕೊಳ್ಳಬಹುದು ಎಂದು 85 ವರ್ಷದ ಪಿಳ್ಳೈ ಅವರು ಹೇಳಿದಾಗ ಉಪಸ್ಥಿತರಿದ್ದವರು ಜೋರಾಗಿ ನಕ್ಕರು. ಈ ಕ್ಷಣವನ್ನು ಆಮ್ನೆಸ್ಟಿ ಇಂಟರ್‌ನ್ಯಾಷನಲ್‍ನ ಪ್ರಧಾನ ಕಾರ್ಯದರ್ಶಿ ಆಗ್ನೆಸ್ ಕ್ಯಾಲಮಾರ್ಡ್ ಅವರು `ಎಕ್ಸ್'ನಲ್ಲಿ ಹಂಚಿಕೊಂಡ ವೀಡಿಯೊದಲ್ಲಿ ಸೆರೆಹಿಡಿಯಲಾಗಿದೆ. ಅಂತಾರಾಷ್ಟ್ರೀಯ ಸಂಘರ್ಷಗಳನ್ನು ಪರಿಹರಿಸುವ ಪ್ರಯತ್ನಗಳಲ್ಲಿ ತಮ್ಮ ಪಾತ್ರಕ್ಕಾಗಿ ತಮಗೆ ನೊಬೆಲ್ ಶಾಂತಿ ಪ್ರಶಸ್ತಿ ಸಿಗಬೇಕು ಎಂಬ ಟ್ರಂಪ್ ಅವರ ಪುನರಾವರ್ತಿತ ಪ್ರತಿಪಾದನೆಗಳನ್ನು ಉಲ್ಲೇಖಿಸಿ ಅವರು ಈ ಹಾಸ್ಯ ಮಾಡಿದ್ದರು.