ತುರ್ಕಿಯಾ ಏರ್ಲೈನ್ಸ್ ಜೊತೆಗೆ ವಿಮಾನದ ಗುತ್ತಿಗೆ ಒಪ್ಪಂದವನ್ನು ಕೊನೆಗೊಳಿಸುವಂತೆ ಇಂಡಿಗೋಗೆ ಸೂಚನೆ

ತುರ್ಕಿಯಾ ಏರ್ಲೈನ್ಸ್ ಜೊತೆಗೆ ವಿಮಾನದ ಗುತ್ತಿಗೆ ಒಪ್ಪಂದವನ್ನು ಕೊನೆಗೊಳಿಸುವಂತೆ ಇಂಡಿಗೋ ಏರ್ಲೈನ್ಸ್ ಗೆ ಭಾರತ ಸರಕಾರ ಸೂಚನೆ ನೀಡಿದೆ.

ಇತ್ತೀಚಿಗಷ್ಟೇ ತುರ್ಕಿಯಾ ಮೂಲದ CELEBI ವಿರುದ್ಧ ಕ್ರಮ ಕೈಗೊಂಡ ಬಳಿಕ ಸರಕಾರ ಈ ಸೂಚನೆ ನೀಡಿದೆ.

ʼಆಪರೇಷನ್ ಸಿಂಧೂರ್ʼ ಸಮಯದಲ್ಲಿ ತುರ್ಕಿಯಾವು ಪಾಕಿಸ್ತಾನಕ್ಕೆ ಬೆಂಬಲ ನೀಡಿತ್ತು. ಈ ನಿಟ್ಟಿನಲ್ಲಿ ಮೊದಲ ಹಂತವಾಗಿ ಭಾರತವು ವಿಮಾನ ನಿಲ್ದಾಣಗಳಲ್ಲಿ ಕಾರ್ಗೋ ಸೇವೆ ನೀಡುತ್ತಿದ್ದ ತುರ್ಕಿಯಾ ಮೂಲದ CELEBI ಯೊಂದಿಗಿನ ಒಪ್ಪಂದವನ್ನು ರದ್ದುಗೊಳಿಸಿತ್ತು.

ಅದರ ಮುಂದುವರಿದ ಭಾಗವಾಗಿ ತುರ್ಕಿಯಾ ಏರ್ಲೈನ್ಸ್ ಜೊತೆಗಿನ ವಿಮಾನ ಗುತ್ತಿಗೆ ಒಪ್ಪಂದವನ್ನು ಮೂರು ತಿಂಗಳೊಳಗೆ ಕೊನೆಗೊಳಿಸುವಂತೆ ಕೇಂದ್ರವು ಇಂಡಿಗೋಗೆ ಸೂಚಿಸಿದೆ.