ICC T20 ರ್ಯಾಂಕಿಂಗ್ | ಜೀವನಶ್ರೇಷ್ಠ ಸಾಧನೆಗೈದ ಶ್ರೇಯಸ್ ಅಯ್ಯರ್

ದುಬೈ, ಅ. 14: ಭಾರತ ಕ್ರಿಕೆಟ್ ತಂಡದ ನಾಯಕ ಶ್ರೇಯಸ್ ಅಯ್ಯರ್ ಅವರು ಬುಧವಾರ ICC ಬಿಡುಗಡೆ ಮಾಡಿರುವ ಟಿ-20 ರ್ಯಾಂಕಿಂಗ್‌ ನಲ್ಲಿ ನಾಲ್ಕನೇ ಸ್ಥಾನಕ್ಕೆ ಲಗ್ಗೆ ಇಡುವ ಮೂಲಕ ಜೀವನಶ್ರೇಷ್ಠ ಸಾಧನೆ ಮಾಡಿದ್ದಾರೆ.

ವೆಸ್ಟ್ ಇಂಡೀಸ್ ತಂಡದ ವಿರುದ್ಧ ಈಗ ನಡೆಯುತ್ತಿರುವ ಸರಣಿಯ ಮೊದಲ ಟಿ-20 ಪಂದ್ಯದಲ್ಲಿ ಅಯ್ಯರ್ ತಮ್ಮ ಚೊಚ್ಚಲ ಶತಕ ಗಳಿಸಿದ್ದರು. ಇದರೊಂದಿಗೆ ಟಾಪ್-4ಕ್ಕೆ ಪ್ರವೇಶಿಸಿದರು. ಭಾರತದ ಇಶಾನ್ ಕಿಶನ್ (ಅಗ್ರ ಸ್ಥಾನ) ಹಾಗೂ ಅಭಿಷೇಕ್ ಶರ್ಮಾ (ಎರಡನೇ ಸ್ಥಾನ) ಅವರೊಂದಿಗೆ ಅಯ್ಯರ್ ಸೇರ್ಪಡೆಗೊಂಡರು. ಪಾಕಿಸ್ತಾನದ ಸಾಹಿಬ್ಝಾದಾ ಫರ್ಹಾನ್ ಮೂರನೇ ಸ್ಥಾನದಲ್ಲಿದ್ದಾರೆ.

ಕುಶಾಲ್ ಮೆಂಡಿಸ್ (23ನೇ), ಶೆರ್ಫಾನ್ ರುದರ್ಫೋರ್ಡ್ (24ನೇ) ಹಾಗೂ ಸಂಜು ಸ್ಯಾಮ್ಸನ್ (27ನೇ) ಟಿ-20 ಬ್ಯಾಟರ್ಗಳ ರ್ಯಾಂಕಿಂಗ್‌ ನಲ್ಲಿ ಏರಿಕೆ ಕಂಡಿದ್ದಾರೆ.

ವೆಸ್ಟ್ ಇಂಡೀಸ್ನ ರೋಸ್ಟನ್ ಚೇಸ್ ಅವರು ಟಿ-20 ಬೌಲರ್ಗಳು ಹಾಗೂ ಟಿ-20 ಆಲ್ರೌಂಡರ್ಗಳ ಪಟ್ಟಿಯಲ್ಲಿ ಕ್ರಮವಾಗಿ 23ನೇ ಹಾಗೂ ಮೂರನೇ ಸ್ಥಾನ ಪಡೆದಿದ್ದಾರೆ.

ಟೆಸ್ಟ್ ಕ್ರಿಕೆಟ್ನಲ್ಲಿ ರವೀಂದ್ರ ಜಡೇಜ ಆಲ್ರೌಂಡರ್ಗಳ ಪಟ್ಟಿಯಲ್ಲಿ ಅಗ್ರ ಸ್ಥಾನದಲ್ಲಿ ಮುಂದುವರಿದಿದ್ದಾರೆ. ದಕ್ಷಿಣ ಆಫ್ರಿಕಾದ ವಿಯಾನ್ ಮುಲ್ಡರ್ ನಾಲ್ಕನೇ ಸ್ಥಾನಕ್ಕೇರಿದ್ದಾರೆ. ಆಸ್ಟ್ರೇಲಿಯಾ ವಿರುದ್ಧದ ಮೊದಲ ಟೆಸ್ಟ್ ಪಂದ್ಯದ ನಂತರ ಸಿಮೊನ್ ಹಾರ್ಮರ್ 23ನೇ ಸ್ಥಾನ ಹಂಚಿಕೊಂಡಿದ್ದಾರೆ.