ಪಕ್ಷಿಗಳೇಕೆ ಮೈಮೇಲೆ ಇರುವೆ ಬಿಟ್ಟುಕೊಳ್ಳುತ್ತವೆ?

ಇರುವೆಗಳನ್ನು ಮೈಮೇಲೆ ಏರಿಸಿಕೊಳ್ಳುವ ಪಕ್ಷಿಗಳ ನಿಗೂಢ ಅಭ್ಯಾಸ ವಿಜ್ಞಾನಿಗಳನ್ನು ಕಾಡುತ್ತಿರುವ ಅತಿದೊಡ್ಡ ರಹಸ್ಯವಾಗಿದೆ

ಹೊರಗೆ ಕಾಲಿಟ್ಟ ತಕ್ಷಣ ಯಾವ ಸುವಾಸನೆ ನಿಮಗೆ ಇಷ್ಟವಾಗುತ್ತದೆ? ಹೂವಿನ ಪರಿಮಳ, ಸಾಗರದಿಂದ ಬರುವ ವಾಸನೆ ಅಥವಾ ಇರುವೆಗಳ ಪರಿಮಳವೇ? ಕೆಲವು ಪಕ್ಷಿಗಳಿಗೆ ಇರುವೆಗಳ ಪರಿಮಳ ಇಷ್ಟವಾಗುತ್ತದೆ. ಇದು ನಂಬಲು ಅಸಾಧ್ಯವಾದರೂ ಸತ್ಯ. ಕೆಲವು ಪಕ್ಷಿಗಳು ಉದ್ದೇಶಪೂರ್ವಕವಾಗಿ ಇರುವೆಗಳನ್ನು ತಮ್ಮ ಗರಿಗಳಿಗೆ ಸವರಿಕೊಳ್ಳುತ್ತವೆ. ಈ ಅಸಹಜವಾದ ನಡವಳಿಕೆಯನ್ನು ‘ಆಂಟಿಂಗ್’ ಎಂದು ಕರೆಯಲಾಗುತ್ತದೆ. 200ಕ್ಕೂ ಹೆಚ್ಚು ಪಕ್ಷಿ ಪ್ರಭೇದಗಳಲ್ಲಿ ಈ ಅಭ್ಯಾಸವನ್ನು ಗಮನಿಸಲಾಗಿದೆ. ವಿಜ್ಞಾನಿಗಳು ಅನೇಕ ವರ್ಷಗಳಿಂದ ‘ಆಂಟಿಂಗ್’ ಅನ್ನು ಅಧ್ಯಯನ ಮಾಡುತ್ತಿದ್ದರೂ, ಇನ್ನೂ ಪಕ್ಷಿಗಳು ಹೀಗೆ ಏಕೆ ಮಾಡುತ್ತವೆ ಎಂಬುದು ಚರ್ಚೆಯ ವಿಷಯವಾಗಿದೆ.

►ಆಂಟಿಂಗ್ ಎಂದರೇನು?

ಎರಡು ಮುಖ್ಯ ವಿಧಾನಗಳಲ್ಲಿ ಪಕ್ಷಿಗಳು ‘ಆಂಟಿಂಗ್’ ಪ್ರದರ್ಶಿಸುತ್ತವೆ. ಕೆಲವು, ಇರುವೆಗಳನ್ನು ತಮ್ಮ ಕೊಕ್ಕಿನಲ್ಲಿ ಎತ್ತಿಕೊಂಡು ಎಚ್ಚರಿಕೆಯಿಂದ ತಮ್ಮ ಗರಿಗಳಿಗೆ ಸವರಿಕೊಳ್ಳುತ್ತವೆ. ಇತರ ಪಕ್ಷಿಗಳು ತಮ್ಮ ರೆಕ್ಕೆಗಳನ್ನು ಹರಡುತ್ತವೆ ಅಥವಾ ಸಕ್ರಿಯ ಇರುವೆಗೂಡಿನ ಬಳಿ ಮಲಗಿ, ಇರುವೆಗಳು ತಮ್ಮ ದೇಹದ ಮೇಲೆ ತೆವಳಲು ಅನುವು ಮಾಡಿಕೊಡುತ್ತವೆ. ಮೊದಲ ನೋಟದಲ್ಲಿ ವಿಚಿತ್ರವಾಗಿ ಕಂಡರೂ, ಇರುವೆಗಳು ಪಕ್ಷಿಗಳ ರೆಕ್ಕೆಗಳ ಮೇಲೆ ತೆವಳುವುದಕ್ಕಿಂತಲೂ ಹೆಚ್ಚಿನದನ್ನು ಮಾಡುತ್ತಿರಬಹುದು!

Full View

►ರಹಸ್ಯ ಇರುವೆಗಳಲ್ಲಿವೆ!

ಅನೇಕ ಇರುವೆ ಪ್ರಭೇದಗಳು ಬಲವಾದ ವಾಸನೆಯ ರಾಸಾಯನಿಕವಾದ ಫಾರ್ಮಿಕ್ ಆಮ್ಲವನ್ನು ಬಿಡುಗಡೆ ಮಾಡುವ ಮೂಲಕ ಸ್ವಯಂರಕ್ಷಣೆ ಮಾಡಿಕೊಳ್ಳುತ್ತವೆ. ಪಕ್ಷಿಗಳು ಈ ರಾಸಾಯನಿಕದ ಲಾಭ ಪಡೆಯಬಹುದು ಎಂದು ವಿಜ್ಞಾನಿಗಳು ಭಾವಿಸುತ್ತಾರೆ. ಆದರೆ ಅದು ಅವುಗಳಿಗೆ ಹೇಗೆ ಸಹಾಯ ಮಾಡುತ್ತದೆ ಎಂಬುದು ಇನ್ನೂ ಸ್ಪಷ್ಟವಾಗಿಲ್ಲ.

►ಪರಾವಲಂಬಿಗಳನ್ನು ಎದುರಿಸುವ ನೈಸರ್ಗಿಕ ಮಾರ್ಗವೇ?

ಪ್ರಮುಖ ಸಿದ್ಧಾಂತಗಳಲ್ಲಿ ಒಂದು, "ಆಂಟಿಂಗ್ ಪಕ್ಷಿಗಳಿಗೆ ತಮ್ಮ ರೆಕ್ಕೆಗಳಲ್ಲಿರುವ ಗರಿಹುಳಗಳು, ಹೇನುಗಳು ಮತ್ತು ಇತರ ಸಣ್ಣ ಪರಾವಲಂಬಿಗಳನ್ನು ನಿಯಂತ್ರಿಸಲು ಸಹಾಯ ಮಾಡುತ್ತದೆ" ಎನ್ನುವುದು. ಫಾರ್ಮಿಕ್ ಆಮ್ಲವು ಈ ಅನಗತ್ಯ ಪರಾವಲಂಬಿಗಳಿಗೆ ಗರಿಗಳನ್ನು ಕಡಿಮೆ ಆಕರ್ಷಿಸುವಂತೆ ಮಾಡಬಹುದು ಅಥವಾ ಅವುಗಳ ಸಂಖ್ಯೆಯನ್ನು ಕಡಿಮೆ ಮಾಡಲು ಸಹಾಯ ಮಾಡಬಹುದು. ಆದರೆ ಈ ತಂತ್ರ ನಿಜವಾಗಿಯೂ ಎಷ್ಟು ಪರಿಣಾಮಕಾರಿ ಎಂಬುದನ್ನು ಸಂಶೋಧಕರು ಇನ್ನೂ ತನಿಖೆ ಮಾಡುತ್ತಿದ್ದಾರೆ.

Full View

►ಚರ್ಮದ ತುರಿಕೆ ಶಮನಗೊಳಿಸಬಹುದು

ಇನ್ನೊಂದು ಸಾಧ್ಯತೆಯೆಂದರೆ, ಹಕ್ಕಿಗಳು ಹಳೆಯ ಗರಿಗಳನ್ನು ಉದುರಿಸಿ ಹೊಸದನ್ನು ಬೆಳೆಸಿದಾಗ ‘ಆಂಟಿಂಗ್’ ಪರಿಹಾರ ನೀಡುತ್ತದೆ. ತಾಜಾ ಗರಿಗಳು ಚರ್ಮದಲ್ಲಿ ತುರಿಕೆ ಉಂಟುಮಾಡಬಹುದು. ಇರುವೆಗಳಿಂದ ಬಿಡುಗಡೆ ಆಗುವ ರಾಸಾಯನಿಕಗಳು ತುರಿಕೆ ಕಡಿಮೆ ಮಾಡಲು ಸಹಾಯ ಮಾಡಬಹುದು ಎಂದು ಕೆಲವು ವಿಜ್ಞಾನಿಗಳು ನಂಬುತ್ತಾರೆ.

Full View

►ಇರುವೆಗಳನ್ನು ತಿನ್ನುವ ವಿಧಾನ!

ಇನ್ನೊಂದು ಆಸಕ್ತಿದಾಯಕ ಕಲ್ಪನೆಯೆಂದರೆ, ಫಾರ್ಮಿಕ್ ಆಮ್ಲವು ಇರುವೆಗಳ ರಕ್ಷಣಾ ವ್ಯವಸ್ಥೆ. ಇರುವೆಗಳು ಫಾರ್ಮಿಕ್ ಆಮ್ಲವನ್ನು ಬಿಡುಗಡೆ ಮಾಡುವವರೆಗೆ ಕಾದು, ನಂತರ ಪಕ್ಷಿಗಳು ಅವುಗಳನ್ನು ತಿನ್ನುತ್ತವೆ. ಒಮ್ಮೆ ರಕ್ಷಣಾತ್ಮಕ ಆಮ್ಲವು ಹೋದ ನಂತರ, ಇರುವೆಗಳನ್ನು ತಿನ್ನುವುದು ಸುಲಭ ಮತ್ತು ಹೆಚ್ಚು ಆಹ್ಲಾದಕರವಾಗಿರಬಹುದು.

ಪ್ರಕೃತಿಯಲ್ಲಿ ಇನ್ನೂ ಇಂತಹ ಅನೇಕ ನಿಗೂಢತೆಗಳು ಅಡಗಿವೆ. ವಿಭಿನ್ನ ಪಕ್ಷಿ ಪ್ರಭೇದಗಳು ವಿಭಿನ್ನ ಕಾರಣಗಳಿಗಾಗಿ ‘ಆಂಟಿಂಗ್’ ಮಾಡಬಹುದು. ಏಕಕಾಲದಲ್ಲಿ ಅನೇಕ ಸಾಧ್ಯತೆಗಳನ್ನು ಪೂರೈಸುವ ಸಾಧ್ಯತೆಯೂ ಇರಬಹುದು. ‘ಆಂಟಿಂಗ್’ ಉದ್ದೇಶ ಏನೇ ಇರಲಿ, ಈ ಪ್ರವೃತ್ತಿ ಪ್ರಕೃತಿಯ ಆಕರ್ಷಕ ರಹಸ್ಯಗಳಲ್ಲಿ ಒಂದಾಗಿ ಉಳಿದಿದೆ.

ಮಾಹಿತಿ ಕೃಪೆ: indianexpress.com