ಯಹೂದಿ ಗುರುವಿನ ಎಂಟು ನಿಮಿಷಗಳ ಕ್ರಾಂತಿಕಾರಿ ಭಾಷಣ

ಪರಮ ವಾತ್ಸಲ್ಯ ಮಯಿ ಹಾಗೂ ದಯಾಳು ವಾದ ಪ್ರಭುವೇ, ಮುಹಮ್ಮದ್ ಅಲಿಯನ್ನು ಅನುಗ್ರಹಿಸು. ಅಲಿ ಅವರಿಗಾಗಿ ದುಃಖಿಸುತ್ತಿರುವ ಈ ಭೂ ಮಂಡಲದ ಮೇಲಿನ ಲಕ್ಷಾಂತರ ಜನರನ್ನು ಅನುಗ್ರಹಿಸು. ನಾನು ಅಮೆರಿಕಾದ ಯಹೂದಿ ಸಮುದಾಯದ ಪ್ರತಿನಿಯಾಗಿ ಇಲ್ಲಿಗೆ ಬಂದಿದ್ದೇನೆ. ಅಮೆರಿಕದ ಯಹೂದಿಗಳು ಇಲ್ಲಿನ ಆಫ್ರಿಕನ್ ಅಮೆರಿಕನ್ ಜನಾಂಗದವರ ಹೋರಾಟದಲ್ಲಿ ಅವರ ಜೊತೆ ಸೇರಿ ಬಹಳ ಪ್ರಾಮುಖ್ಯ ಪಾತ್ರ ವಹಿಸಿದ್ದಾರೆ ಮತ್ತು ಇಂದು ನಾವು ಭಾವೈಕ್ಯದೊಂದಿಗೆ ಈ ದೇಶದಲ್ಲಿ ಹಾಗೂ ಜಗತ್ತಿನೆಲ್ಲೆಡೆ ಇರುವ ಇಸ್ಲಾಮೀ ಸಮುದಾಯದ ಜೊತೆಗೆ ನಿಂತಿದ್ದೇವೆ ಎಂಬುದನ್ನು ತಿಳಿಸಲಿಕ್ಕಾಗಿ ನಾನು ಇಲ್ಲಿಗೆ ಬಂದಿದ್ದೇನೆ. ರಾಜಕಾರಣಿಗಳಾಗಲಿ ಬೇರೆ ಯಾರೇ ಆಗಲಿ, ಮುಸ್ಲಿಮರನ್ನು ಕೀಳಾಗಿಸುವುದನ್ನು ಅಥವಾ ಕೇವಲ ಕೆಲವರ ಕೃತ್ಯಗಳಿಗಾಗಿ ಎಲ್ಲ ಮುಸ್ಲಿಮರನ್ನು ದೂಷಿಸುವುದನ್ನು ನಾವು ಖಂಡಿತ ಸಹಿಸಲಾರೆವು. ಅಪಮಾನ ಏನೆಂಬುದು ನಮಗೆ ತಿಳಿದಿದೆ. ಕೇವಲ ಕೆಲವರು ನಮ್ಮ ಅತ್ಯುನ್ನತ ಪರಂಪರೆಗೆ ವಿರುದ್ಧವಾದ ಕೆಲಸಗಳನ್ನು ಮಾಡಿದಾಗ ಅದನ್ನೇ ನಮ್ಮ ಸಂಪೂರ್ಣ ಪರಂಪರೆ ಮತ್ತು ನಮ್ಮ ಮೌಲ್ಯ ಎಂದು ಗುರುತಿಸುವ ಕೃತ್ಯದಿಂದ ಉಂಟಾಗುವ ನೋವಿನ ಪರಿಚಯ ನಮಗಿದೆ. ನಮ್ಮ ಟಿಕ್ಕುನ್ ಪತ್ರಿಕೆ ಕೇವಲ ಪ್ರಗತಿಪರ ಯಹೂದಿಗಳ ಪತ್ರಿಕೆಯಲ್ಲ. ಅದು ಅಂತರ್ ಧರ್ಮೀಯ ಪತ್ರಿಕೆ. ಅಮೆರಿಕದ ಸರಕಾರವು ೆಲೆಸ್ತೀನ್ ಸರಕಾರದ ಪರವಾಗಿ ನಿಲ್ಲಬೇಕೆಂದು ನಾವು ಸರಕಾರಕ್ಕೆ ಕರೆ ನೀಡಿದ್ದೇವೆ.

ಯಹೂದಿಯರಾಗಿ ನಾವು, ಪ್ರತಿಯೊಬ್ಬ ಮನುಷ್ಯನನ್ನೂ ದೇವರು ತನ್ನ ಸ್ವರೂಪದ ಪ್ರಕಾರ ಸೃಷ್ಟಿಸಿದ್ದಾನೆಂದೂ ಹಾಗೂ ಪ್ರತಿಯೊಬ್ಬರೂ ಸಮಾನವಾಗಿ ಅಮೂಲ್ಯರಾಗಿರುತ್ತಾರೆಂದೂ ನಂಬುತ್ತೇವೆ. ಮತ್ತ ೆಲೆಸ್ಟೀನ್‌ನ ಜನರಿಗೆ ಮತ್ತು ಈ ಭೂಮಂಡಲದ ಮೇಲಿರುವ ಎಲ್ಲ ಜನರಿಗೆ ಅನ್ವಯವಾಗುತ್ತದೆ. ಲೂಯಿವಿಲ್ಲಿಯ ಜನತೆಗೆ ಮುಹಮ್ಮದ್ ಅಲಿ ಜೊತೆ ಒಂದು ವಿಶೇಷ ಬಗೆಯ ಬಾಂಧವ್ಯ ಇತ್ತು ಎಂಬುದು ನನಗೆ ತಿಳಿದಿದೆ. ಮುಹಮ್ಮದ್ ಅಲಿ ಜೊತೆ ನನಗೆ ಒಂದು ವಿಶೇಷ ವೈಯಕ್ತಿಕ ಸಂಬಂಧವಿತ್ತು. ಅರುವತ್ತರ ದಶಕದಲ್ಲಿ ವಿಯೆಟ್ನಾಮ್ ಯುದ್ಧ್ಧದ ಸಂದರ್ಭದಲ್ಲಿ ನಾವು ಭಿನ್ನ ನಿಲುವು ತಾಳಿದ್ದಕ್ಕಾಗಿ ನಮ್ಮನ್ನು ಅಪರಾಗಳೆಂದು ಪರಿಗಣಿಸಲಾಗಿತ್ತು. ಬಾಕ್ಸಿಂಗ್ ರಂಗದ ಹೆವಿ ವೈಟ್ ಚಾಂಪಿಯನ್ ಎಂಬ ಕಾರಣಕ್ಕಾಗಿ ಹಲವರು ಮುಹಮ್ಮದ್ ಅಲಿ ಬಗ್ಗೆ ಅಭಿಮಾನ ಪಡುತ್ತಾರೆ. ಆದರೆ ನಿಜವಾಗಿ ಮುಹಮ್ಮದ್ ಅಲಿ ಅದಕ್ಕಿಂತಲೂ ತುಂಬಾ ಎತ್ತರದ ವ್ಯಕ್ತಿಯಾಗಿದ್ದರು. ವಿಶ್ವ ಚಾಂಪಿಯನ್‌ಗಳು ಬರುತ್ತಿರುತ್ತಾರೆ, ಹೋಗುತ್ತಿರುತ್ತಾರೆ. ಆದರೆ ಮುಹಮ್ಮದ್ ಅಲಿ ಭಿನ್ನರಾಗಿದ್ದರು. ಅವರಿಗೆ ಆ ಪದವಿ ಸಿಕ್ಕಿದ ಕ್ಷಣದಲ್ಲೇ ಅವರು ಅದನ್ನು ಅಕ್ರಮ ಯುದ್ಧದ ವಿರುದ್ಧ ಧ್ವನಿ ಎತ್ತಲು ಬಳಸಿಕೊಂಡರು. ಇಲ್ಲ, ನಾನು ಆ ಯುದ್ಧದಲ್ಲಿ ಭಾಗವಹಿಸುವುದಿಲ್ಲ ಎಂದು ಘೋಷಿಸುವುದಕ್ಕಾಗಿ ಅವರು ಆ ಪದವಿಯನ್ನು ಬಳಸಿಕೊಂಡರು. ಆದ್ದರಿಂದಲೇ ಬಾಕ್ಸಿಂಗ್‌ನಲ್ಲಿ ಆಸಕ್ತಿ ಇಲ್ಲದ ಲಕ್ಷಾಂತರ ಅಮೆರಿಕನ್ನರು ಕೂಡಾ ಮುಹಮ್ಮದ್ ಅಲಿ ಅವರನ್ನು ಆದರಿಸುತ್ತಾರೆ.

ಆ ಮನುಷ್ಯ ತಮ್ಮ ನಂಬಿಕೆಗಳಿಗಾಗಿ, ತಮಗೆ ದೊರೆತ ಒಂದು ದೊಡ್ಡ ಪದಕವನ್ನು ಹಾಗೂ ತಮಗೆ ದೊರೆತ ಗೌರವ ಮತ್ತು ತಮ್ಮ ಜನಪ್ರಿಯತೆಯನ್ನು ತ್ಯಾಗ ಮಾಡಲು ಸಿದ್ದ್ಧರಾಗಿದ್ದರು. ತಮ್ಮ ಸುತ್ತ ಮುತ್ತಲಿದ್ದವರು, ಬೇಡ, ಬೇಡ, ಅನ್ನುತ್ತಿದ್ದಾಗ, ಮತ್ತು ನೀವು ನಿಮ್ಮ ಪದಕವನ್ನು ಕಳೆದು ಕೊಳ್ಳಬೇಕಾದೀತೆಂದು ಹೆದರಿಸುತ್ತಿದ್ದಾಗ ಅವರು ಅಕಾರಸ್ಥರ ಮುಂದೆ ಸತ್ಯ ಹೇಳುವ ಧೈರ್ಯ ಮೆರೆದರು. ಆ ಕಾರಣಕ್ಕಾಗಿ ಐದು ವರ್ಷಗಳ ಮಟ್ಟಿಗೆ ಅವರಿಂದ ಅದನ್ನು ಕಿತ್ತು ಕೊಳ್ಳಲಾಯಿತು. ಅವರ ನೈತಿಕ ಔನ್ನತ್ಯದ ಹಾಗೂ ಅವರ ಶ್ರೇಷ್ಠ ಪ್ರಾಮಾಣಿಕತೆಯ ಕಾರಣ ಅವರು ಅಷ್ಟು ದೊಡ್ಡ ಸಾಹಸ ಮಾಡಿದರು. ನಾವೀಗ ಮುಹಮ್ಮದ್ ಅಲಿ ಅವರನ್ನು ಗೌರವಿಸಬೇಕಾಗಿದೆ. ಹೇಗೆ ಗೊತ್ತೇ? ಇಂದು ನಾವೆಲ್ಲರೂ ಮುಹಮ್ಮದ್ ಅಲಿಗಳಾಗಿ ಮಾರ್ಪಡೋಣ. ನಾವು ಅಂದರೆ, ಇಲ್ಲಿರುವ ಎಲ್ಲರೂ ಮತ್ತು ಇದನ್ನು ಆಲಿಸುತ್ತಿರುವ ಎಲ್ಲರೂ. ಸತ್ಯವನ್ನು ಹೇಳುವ ಶಕ್ತಿಯನ್ನು ಮೈಗೂಡಿಸಿಕೊಳ್ಳುವ ಜವಾಬ್ದಾರಿ ಈಗ ನಮ್ಮೆಲ್ಲರದ್ದಾಗಿದೆ. ನಾವು ಮುಕ್ತವಾಗಿ ಮಾತನಾಡಬೇಕಾಗಿದೆ.

ಯಥಾ ಸ್ಥಿತಿಯನ್ನು ಸಮರ್ಥಿಸುವ ಸಂಪ್ರದಾಯ ವನ್ನು ತಿರಸ್ಕರಿಸಬೇಕಾಗಿದೆ. ಬದುಕಿನ ಸ್ಥಾಪಿತ ನಿಯಮಗಳನ್ನು ತಿರಸ್ಕರಿಸಬೇಕಾಗಿದೆ. ದೇಶದ ಎಂಬತ್ತು ಶೇಕಡ ಸಂಪತ್ತಿಗೆ ಮಾಲಕರಾಗಿರುವ ಒಂದು ಶೇಕಡ ಜನರೊಡನೆ, ನೀವು ಆ ನಿಮ್ಮ ಸಂಪತ್ತನ್ನು ಎಲ್ಲರ ಜೊತೆ ಹಂಚಿಕೊಳ್ಳಬೇಕಾದ ಸಮಯ ಬಂದು ಬಿಟ್ಟಿದೆ ಎಂದು ನಾವು ಹೇಳಬೇಕಾಗಿದೆ.. ಜಗತ್ತಿನೆಲ್ಲೆಡೆ ಹಿಂಸೆ ಮೆರೆಯುತ್ತಿರುವ ಮತ್ತು ಆ ಬಳಿಕ, ಮರ್ದಿತ ಜನರಿಗೆ ಅಹಿಂಸೆಯನ್ನು ಉಪದೇಶಿಸುವ ರಾಜಕಾರಿಣಿ ಗಳೊಡನೆ, ನೀವು ತಕ್ಷಣ ನಿಮ್ಮ ಡ್ರೋನ್ ಯುದ್ಧವನ್ನು ಮತ್ತು ಎಲ್ಲ ಬಗೆಯ ಯುದ್ಧಗಳನ್ನು ನಿಲ್ಲಿಸಿ ಬಿಡಿ ಎಂದು ಹೇಳಬೇಕಾಗಿದೆ. ಜಗತ್ತಿನೆಲ್ಲೆಡೆ ಇರುವ ನಮ್ಮ ಸೇನಾ ನೆಲೆಗಳನ್ನು ಮುಚ್ಚಿ ನಮ್ಮ ಯೋಧರನ್ನು ನಮ್ಮ ನಾಡಿಗೆ ಮರಳಿಸಬೇಕೆಂದು ಹೇಳಬೇಕಾಗಿದೆ. ಸಾಮೂಹಿಕ ದಂಡನೆಯ ನಿಯಮವನ್ನು ಆವಿಷ್ಕರಿಸಿದವರೊಡನೆ, ಎಲ್ಲರಿಗೆ ಬದುಕಲು ಸಾಕಾಗುವಷ್ಟು ಆದಾಯ ಒದಗಿಸಲು ಹೇಳಬೇಕಾಗಿದೆ. ಜನಾಂಗವಾದಿ ಪೊಲೀಸರು ಮತ್ತು ಜನಾಂಗವಾದಿ ನ್ಯಾಯಾೀಶರು ಜೈಲುಗಳಿಗೆ ಅಟ್ಟಿರುವ ಆಫ್ರಿಕನ್ ಅಮೆರಿಕನ್ ಕೈದಿಗಳನ್ನು ಬಿಡುಗಡೆ ಗೊಳಿಸಬೇಕೆಂದು ನ್ಯಾಯಾೀಶರಿಗೆ ಹೇಳಬೇಕಾಗಿದೆ. ಅವರಲ್ಲಿ ಹಲವರನ್ನು ಅವರ ಬಳಿ ಮರಿ ಜುವಾನ ಇತ್ತೆಂಬ ಕಾರಣಕ್ಕಾಗಿ ಜೈಲಿಗೆ ಅಟ್ಟಲಾಗಿದೆ. ಅದೇ ಮರಿಜುವಾನ ಬಿಳಿಯರ ಬಳಿಯೂ ಇರುತ್ತದೆ ಆದರೆ ಪ್ರತಿ ಬಾರಿಯೂ ಅವರು ಮುಕ್ತರಾಗಿರುತ್ತಾರೆ. ನಾವೀಗ ಚಿತ್ರ ಹಿಂಸೆಯನ್ನು ಅನುಮತಿಸುವ ಅಕಾರಿಗಳನ್ನು ಜೈಲಿಗೆ ಕಳಿಸಬೇಕೆಂದು ಆಗ್ರಹಿಸಬೇಕಾಗಿದೆ. ಹಾಗೆಯೇ ನಾವು 2008ರಲ್ಲಿ ಆರ್ಥಿಕ ಮುಗ್ಗಟ್ಟಿಗೆ ಕಾರಣರಾದ ದೊಡ್ಡ ದೊಡ್ಡ ಬ್ಯಾಂಕುಗಳ ಹಾಗೂ ಹೂಡಿಕೆ ಕಂಪೆನಿಗಳ ಮಾಲಕರನ್ನು ಜೈಲಿಗೆ ಕಳಿಸಬೇಕೆಂದು ಆಗ್ರಹಿಸಬೇಕಾಗಿದೆ. ಕುರ್ದ್ ಜನಾಂಗದವರ ಹತ್ಯೆಯನ್ನು ತಕ್ಷಣ ನಿಲ್ಲಿಸಬೇಕೆಂದು ನಾವು ಟರ್ಕಿಯ ಸರಕಾರವನ್ನು ಒತ್ತಾಯಿಸಬೇಕಾಗಿದೆ. ಪಶ್ಚಿಮ ದಂಡೆಯ ಮೇಲಿನ ಆಕ್ರಮಣವನ್ನು ನಿಲ್ಲಿಸಿ ೆಲಸ್ತೀನ್ ಸರಕಾರವನ್ನು ಸೃಷ್ಟಿಸುವುದೆ ಇಸ್ರೇಲ್ ದೇಶದ ಭದ್ರತೆಗೆ ಇರುವ ಮಾರ್ಗ ಎಂದು ನಾವು ಇಸ್ರೇಲ್ ಪ್ರಧಾನಿ ನೇತನ್ಯಹುರಿಗೆ ಹೇಳಬೇಕಾಗಿದೆ.

 ರೀತಿ, ನಮ್ಮ ಮುಂದಿನ ರಾಷ್ಟ್ರಪತಿ, ಆಕೆ ಸಂಸತ್ತು, ಶಾಸಕಾಂಗ ಮತ್ತು ಇತರೆಲ್ಲ ಚುನಾವಣೆಗಳು ಸಾರ್ವಜನಿಕರ ಹಣದಿಂದ ಮಾತ್ರ ನಡೆಯುವಂತೆ ನೋಡಿ ಕೊಳ್ಳುವ ಕಾನೂನನ್ನು ಜಾರಿಗೊಳಿಸಬೇಕೆಂದು ನಾವು ಆಗ್ರಹಿಸಬೆಕು. ಆಕೆ ನಮ್ಮ ನಾಡಿನ ಆಂತರಿಕ ಭದ್ರತೆಗಾಗಿ ಇತರರ ಮೇಲೆ ನಮ್ಮ ಸ್ವಾಮ್ಯವನ್ನು ಹೇರುವ ಪರಂಪರೆಯನ್ನು ಕೊನೆಗೊಳಿಸಲಿ. ನಮ್ಮ ಭದ್ರತೆಗಾಗಿ ಇತರರನ್ನು ಆಕ್ರಮಿಸುವ ಕಾರ್ಯ ತಂತ್ರ ಕಳೆದ ಹತ್ತು ಸಾವಿರ ವರ್ಷಗಳಿಂದ ಚಲಾವಣೆಯಲ್ಲಿದೆ. ಆದರೆ ಅದು ಸಲವಾಗಿಲ್ಲ. ನಮ್ಮ ಭದ್ರತೆಗೆ ಇರುವ ಒಂದೇ ಮಾರ್ಗವೇನೆಂದರೆ ನಾವು ಜಗತ್ತಿನ ಅತ್ಯಂತ ಉದಾರ ದೇಶ ವಾಗಬೇಕು, ಜಗತ್ತಿನ ಅತ್ಯಕ ಹಿತಚಿಂತಕ ದೇಶವಾಗಬೇಕು. ಜಗತ್ತಿನ ಅತ್ಯಂತ ಶಕ್ತಿಶಾಲಿ ದೇಶವಾಗುವ ಮೂಲಕ ಇದನ್ನು ಸಾಸಲು ಸಾಧ್ಯವಿಲ್ಲ. ನಮ್ಮ ದೇಶದೊಳಗಿನ ಮತ್ತು ಜಗತ್ತಿನೆಲ್ಲೆಡೆ ಇರುವ ಬಡತನ, ನಿರಾಶ್ರಯ, ಹಸಿವು, ಶಿಕ್ಷಣದ ಕೊರತೆ, ಆರೋಗ್ಯದ ಕೊರತೆ ಇವೆಲ್ಲವನ್ನೂ ಶಾಶ್ವತವಾಗಿ ಕೊನೆಗೊಳಿಸುವ ಒಂದು ಸಮಗ್ರ ಯೋಜನೆ ರೂಪಿಸಬೇಕಾಗಿದೆ. ಆಧ್ಯಾತ್ಮಿಕ ಉನ್ನತಿಗಾಗಿ ನಾವೆಲ್ಲಾ ಜೊತೆಗೂಡಿ ಶ್ರಮಿಸಬೇಕಾಗಿದೆ. ಈ ಸಂದರ್ಭದಲ್ಲಿ ನಾನು ನಮ್ಮ ಬದ್ಧತೆಗಳನ್ನು ಪುನರುಚ್ಚರಿಸಲು ಬಯಸುತ್ತೇನೆ. ಜಗತ್ತಿನಲ್ಲಿರುವ ಎಲ್ಲ ಮುಸ್ಲಿಮರ, ಎಲ್ಲ ಧರ್ಮಗಳ ಜನರ, ಎಲ್ಲ ಜಾತ್ಯತೀತ, ಮಾನವತಾವಾದಿಗಳ ಹಿತ ರಕ್ಷಣೆಗೆ ನಾವು ಬದ್ಧರಾಗಿದ್ದೇವೆ.

ಮುಸ್ಲಿಮರು ರಮಝಾನ್ ತಿಂಗಳ ಉಪವಾಸ ಆಚರಿಸುತ್ತಿದ್ದಾರೆ. ಅವರಿಗೆ ನಾನು ಗೌರವ ಸಲ್ಲಿಸ ಬಯಸುತ್ತೇನೆ. ಮುಹಮ್ಮದ್ ಅಲಿಯವರ ನಿರ್ಗಮನದ ದುಃಖವನ್ನು ನಾನು ಅವರೆಲ್ಲರ ಜೊತೆ ಹಂಚಿಕೊಳ್ಳಬಯಸುತ್ತೇನೆ. ಆತ ನ್ಯಾಯ ಹಾಗೂ ಶಾಂತಿಗಾಗಿ ಹೋರಾಡಿದ ಮಹಾನ್ ಹೋರಾಟಗಾರರಾಗಿದ್ದರು. ನಾನು ಅವರಿಗೆ ಶಾಂತಿಯನ್ನು ಕೋರುತ್ತೇನೆ, ಪ್ರವಾದಿ ಮುಹಮ್ಮದ್‌ರಿಗೆ ಶಾಂತಿಯನ್ನು ಕೋರುತ್ತೇನೆ. ಮತ್ತು ಸಂಪೂರ್ಣ ಮಾನವ ಕುಲಕ್ಕೆ ಶಾಂತಿಯನ್ನು ಕೋರುತ್ತೇನೆ. ನಮಗೆಲ್ಲರಿಗೂ ಶಾಂತಿಯನ್ನು ಕೋರುತ್ತೇನೆ. ಆಮೆನ್.

 ಇಪ್ಪತ್ತು ವರ್ಷಗಳ ಹಿಂದೆ ಪ್ರಕಟವಾದ ‘ಜೀವ್ಸ್ ಅನ್ ಬ್ಲಾ ್ಯಕ್ಸ್ -ಎ ಡಯಲಾಗ್ ಅನ್ ರೇಸ್ ರಿಲಿಜನ್ ಆನ್ ಕಲ್ಚರ್ ಇನ್ ಅಮೆರಿಕ’ ಎಂಬ ಪುಸ್ತಕ ಆ ಕಾಲದಲ್ಲಿ ಬಹಳಷ್ಟು ಚರ್ಚೆಗೆ ಒಳಗಾಗಿತ್ತು. ಅದನ್ನು ಬರೆದವರು ತೀರಾ ಭಿನ್ನ ಹಿನ್ನೆಲೆಯ ಇಬ್ಬರು ಅಮೆರಿಕನ್ ಸಾಹಿತಿಗಳು. ಮೈಕೆಲ್ ಲರ್ನರ್ ಮತ್ತು ಕರ್ನೆಲ್ ವೆಸ್ಟ್. ಈ ಪೈಕಿ ವೆಸ್ಟ್ ಕರಿ ಜನಾಂಗದವರ ಹಕ್ಕುಗಳ ಕುರಿತು ಕಾಳಜಿ ಉಳ್ಳವರು ಹಾಗೂ ಆ ಕುರಿತು ಸಾಕಷ್ಟು ಅಧ್ಯಯನ ನಡೆಸಿದವರು ಮತ್ತು ಲರ್ನರ್ ಅಮೆರಿಕದ ಯಹೂದಿ ಜನಾಂಗದ ಅನುಭವಗಳನ್ನು ಪ್ರತಿ ನಿಸುವವರು. ಪ್ರಸ್ತುತ ಕೃತಿಯಲ್ಲಿ ಅವರು ಒಂದು ಹಂತದಲ್ಲಿ ಅಮೆರಿಕದ ಕರಿಯರು ಮತ್ತು ಯಹೂದಿಗಳು ಎಂಬ ಎರಡು ತೀರಾ ಭಿನ್ನ ಸಮುದಾಯಗಳ ಜನರು ಅನುಭವಿಸಿದ

   ತೀರಾ ಭಿನ್ನ ರೀತಿಯ ಪಕ್ಷಪಾತ, ಅಪಮಾನ, ವಂಚನೆ ಇತ್ಯಾದಿಗಳ ಕುರಿತು ಚರ್ಚಿಸಿದ್ದರು ಮತ್ತು ತಾವು ಮರ್ದಿತರು ಮತ್ತು ವಂಚಿತರು ಎಂಬ ನೆಲೆಯಲ್ಲಿ ತಮ್ಮ ಎರಡು ಸಮುದಾಯಗಳ ಮಧ್ಯೆ ಬೆಳೆದಿದ್ದ ಶತಮಾನಗಳ ನಂಟು ಯಾವ ರೀತಿ ಕ್ರಮೇಣ ಕ್ಷೀಣವಾಗುತ್ತಾ ಸಾಗಿತು ಎಂಬುದನ್ನು ಚೆನ್ನಾಗಿ ನಿರೂಪಿಸಿದ್ದರು. ಪೈಕಿ ಮೈಕೆಲ್ ಲರ್ನರ್ ಇಂದು ಬಾಕ್ಸಿಂಗ್ ದಂತಕತೆ ಮುಹಮ್ಮದ್ ಅಲಿ ಅವರ ಅಂತ್ಯ ಕ್ರಿಯೆಯ ಐತಿಹಾಸಿಕ ಸಂದರ್ಭದಲ್ಲಿ ಅತಿಥಿಯಾಗಿ ಆಮಂತ್ರಿತರಾಗಿದ್ದರು. ಅವರು ಕೂಡಾ ಮುಹಮ್ಮದ್ ಅಲಿ ಅವರಂತೆಯೇ ತಮ್ಮ ಆತ್ಮ ಸಾಕ್ಷಿಗೆ ವಿಧೇಯರಾಗಿ ವಿಯೆಟ್ನಾಮ್ ಯುದ್ಧವನ್ನು ವಿರೋಸಿದವರು ಮತ್ತು ಆ ಯುದ್ಧದಲ್ಲಿ ಭಾಗವಹಿಸಲು ನಿರಾಕರಿಸಿದ್ದಕ್ಕಾಗಿ ಜೈಲಿಗೆ ಹೋದವರು. ಸದ್ಯ ಅವರು ಕ್ಯಾಲಿೆರ್ನಿಯಾ ಪ್ರಾಂತದ ಬರ್ಕ್ ಲೀಯಲ್ಲಿರುವ ಬೈತ್ ಟಿಕ್ಕುನ್ ಎಂಬ ಯಹೂದಿ ಸಿನೆಗಾಗ್ ನಲ್ಲಿ ಧರ್ಮ ಗುರುವಾಗಿದ್ದಾರೆ. ಅಲಿ ಅವರ ವಿದಾಯ ಸಮಾವೇಶದಲ್ಲಿ ಅವರು ಮಾಡಿದ ಸುಮಾರು ಎಂಟು ನಿಮಿಷಗಳ ಭಾಷಣ ಹಲವು ಕಾರಣಗಳಿಗಾಗಿ ಇದೀಗ ಜಗತ್ತಿನಾದ್ಯಂತ ಚರ್ಚಾ ವಿಷಯವಾಗಿದೆ.
ಅವರ ಐತಿಹಾಸಿಕ ಭಾಷಣದ ಕನ್ನಡಾನುವಾದ ಇಲ್ಲಿದೆ.