ನಾಲ್ಕು ರೈಲುಗಳು ರದ್ದು; ಹಲವಾರು ರೈಲುಗಳ ಮಾರ್ಗ ಬದಲಾವಣೆ

ಅಲಹಾಬಾದ್,ನ.20: ಕಾನ್ಪುರದ ಪುಖರಾಯಾಂ ಸಮೀಪ ಇಂದೋರ್-ಪಾಟ್ನಾ ಎಕ್ಸ್‌ಪ್ರೆಸ್ ರೈಲು ಹಳಿ ತಪ್ಪಿದ ಹಿನ್ನೆಲೆಯಲ್ಲಿ ಭಾರತೀಯ ರೈಲ್ವೆಯು ರವಿವಾರ ನಾಲ್ಕು ರೈಲುಗಳ ಸಂಚಾರವನ್ನು ರದ್ದುಗೊಳಿಸಿತಲ್ಲದೆ, ಹಲವಾರು ರೈಲುಗಳ ಸಂಚಾರ ಮಾರ್ಗವನ್ನು ಬದಲಿಸಿತು. ಝಾನ್ಸಿ-ಲಕ್ನೋ ಇಂಟರ್‌ಸಿಟಿ(11110,11109) ಮತ್ತು ಝಾನ್ಸಿ-ಕಾನ್ಪುರ (51804,51803) ಪ್ಯಾಸೆಂಜರ್ ರೈಲುಗಳನ್ನು ರದ್ದುಗೊಳಿಸಲಾಗಿದೆ ಎಂದು ಉತ್ತರ ಮಧ್ಯ ರೈಲ್ವೆ ವಿಭಾಗವು ಅಧಿಕೃತ ಪ್ರಕಟಣೆಯಲ್ಲಿ ತಿಳಿಸಿದೆ.

ಮಾರ್ಗ ಬದಲಾವಣೆಗೊಂಡ ರೈಲುಗಳು: ಲಕ್ನೋ-ಲೋಕಮಾನ್ಯ ತಿಲಕ್ ಟರ್ಮಿನಸ್(ಎಲ್‌ಟಿಟಿ),ವಾರಣಾಸಿ-ಅಹ್ಮದಾಬಾದ್ ಸಾಬರಮತಿ ಎಕ್ಸ್‌ಪ್ರೆಸ್, ಗೋರಖಪುರ-ಎಲ್‌ಟಿಟಿ ಕುಷಿನಗರ ಎಕ್ಸ್‌ಪ್ರೆಸ್,ಕೋಲ್ಕತಾ-ಝಾನ್ಸಿ, ಛತ್ರಪತಿ ಶಿವಾಜಿ ಟರ್ಮಿನಸ್-ಲಕ್ನೋ ಪುಷ್ಪಕ್ ಎಕ್ಸ್‌ಪ್ರೆಸ್, ಗ್ವಾಲಿಯರ್-ಬರಾವ್ನಿ ಮೇಲ್, ಗೋರಖಪುರ-ಯಶವಂತಪುರ ಎಕ್ಸ್‌ಪ್ರೆಸ್, ಎಲ್‌ಟಿಟಿ-ಗೋರಖಪುರ ಎಕ್ಸ್ ಪ್ರೆಸ್, ಭೋಪಾಲ-ಲಕ್ನೋ ಎಕ್ಸ್‌ಪ್ರೆಸ್, ಎಲ್‌ಟಿಟಿ-ಪ್ರತಾಪಗಡ ಎಕ್ಸ್‌ಪ್ರೆಸ್, ಎಲ್‌ಟಿಟಿ-ಸುಲ್ತಾನಪುರ ಎಕ್ಸ್‌ಪ್ರೆಸ್.