ಪಶ್ಚಿಮ ಬಂಗಾಳ: ಪುರಸಭಾ ಚುನಾವಣೆಯಲ್ಲಿ ತೃಣಮೂಲ ಕಾಂಗ್ರೆಸ್ ಜಯಭೇರಿ

ಹೊಸದಿಲ್ಲಿ, ಆ.17: ಪಶ್ಚಿಮ ಬಂಗಾಳದ ಪುರಸಭಾ ಚುನಾವಣೆಯಲ್ಲಿ ತೃಣಮೂಲ ಕಾಂಗ್ರೆಸ್ ಪಕ್ಷವು ಎಲ್ಲಾ ಸ್ಥಾನಗಳಲ್ಲೂ ಗೆದ್ದಿದೆ. ಧುಗ್ಪುರಿ, ಹಲ್ದಿಯಾ, ಪಂಸ್ಕುರಾ, ದುರ್ಗಾಪುರ್, ನಲ್ಹಾತಿ, ಕೂಪರ್ಸ್ ಕ್ಯಾಂಪ್ ಹಾಗೂ ಬುನಿಯಾದ್ ಪುರ್ ಪುರಸಭೆಗಳಲ್ಲಿ ಆಡಳಿತ ಪಕ್ಷ ತೃಣಮೂಲ ಕಾಂಗ್ರೆಸ್ ಭರ್ಜರಿ ಜಯಗಳಿಸಿದೆ.

ಕೇವಲ ಆರು ಸೀಟುಗಳನ್ನು ಪಡೆಯುವ ಮೂಲಕ ಬಿಜೆಪಿ ಎರಡನೆ ಸ್ಥಾನವನ್ನು ಪಡೆದುಕೊಂಡಿದೆ. ಧುಪ್ಗುರಿಯಲ್ಲಿ 4 ಸೀಟುಗಳು ಹಾಗೂ ಬುನಿಯಾದ್ಪುರ್ ಮತ್ತು ಪನ್ಸ್ಕುರಾದಲ್ಲಿ ತಲಾ ಒಂದು ಸ್ಥಾನಗಳನ್ನು ಬಿಜೆಪಿ ಗಳಿಸಿದೆ.

ದುರ್ಗಾಪುರ್ ಪುರಸಭಾ ಕ್ಷೇತ್ರದಲ್ಲೂ ಟಿಎಂಸಿ 12 ಸೀಟುಗಳನ್ನು ಗೆದ್ದುಕೊಂಡಿದೆ. ಹಲ್ದಿಯಾದಲ್ಲೂ 29 ಸೀಟುಗಳನ್ನು ಟಿಎಂಸಿ ಗೆದ್ದಿದೆ.