ಏಕದಿನ ಕ್ರಿಕೆಟ್ ನಲ್ಲಿ ಹ್ಯಾಟ್ರಿಕ್ ವಿಕೆಟ್ ಪಡೆದ 3ನೆ ಭಾರತೀಯ ಕುಲದೀಪ್ ಯಾದವ್
Update: 2017-09-21 15:51 GMT
ಹೊಸದಿಲ್ಲಿ, ಸೆ.21: ಏಕದಿನ ಕ್ರಿಕೆಟ್ ನಲ್ಲಿ ಹ್ಯಾಟ್ರಿಕ್ ವಿಕೆಟ್ ಪಡೆದ ಮೂರನೆ ಭಾರತೀಯ ಕ್ರಿಕೆಟಿಗನಾಗಿ ಕುಲದೀಪ್ ಯಾದವ್ ಹೊರಹೊಮ್ಮಿದ್ದಾರೆ. ಈ ಹಿಂದೆ ಚೇತನ್ ಶರ್ಮಾ ಹಾಗು ಕಪಿಲ್ ದೇವ್ ಹ್ಯಾಟ್ರಿಕ್ ವಿಕೆಟ್ ಕಬಳಿಸಿದ್ದರು.
ತನ್ನ 8ನೆ ಓವರ್ ನಲ್ಲಿ ಮ್ಯಾಥ್ಯೂ ವೇಡ್, ಆಶ್ಟೊನ್ ಅಗರ್ ಹಾಗೂ ಕುಮ್ಮಿನ್ಸ್ ಅವರನ್ನು ಔಟ್ ಮಾಡುವ ಮೂಲಕ ಕುಲದೀಪ್ ಹ್ಯಾಟ್ರಿಕ್ ಸಾಧನೆ ಮಾಡಿದರು. ತನ್ನ 9ನೆ ಪಂದ್ಯದಲ್ಲಿ ಕುಲದೀಪ್ ಯಾದವ್ ಈ ಸಾಧನೆ ಮಾಡಿದ್ದಾರೆ.