ಸ್ಟೋಕ್ಸ್ ವಿರುದ್ಧ ಕೇಸ್ ದಾಖಲು
Update: 2018-01-15 18:22 GMT
ಲಂಡನ್, ಜ.15: ಕಳೆದ ಸೆಪ್ಟಂಬರ್ನಲ್ಲಿ ಬ್ರಿಸ್ಟೋಲ್ ನಗರದ ನೈಟ್ ಕ್ಲಬ್ನಲ್ಲಿ ನಡೆದ ಗಲಾಟೆಗೆ ಸಂಬಂಧಿಸಿ ಇಂಗ್ಲೆಂಡ್ ಕ್ರಿಕೆಟಿಗ ಬೆನ್ ಸ್ಟೋಕ್ಸ್ ವಿರುದ್ಧ ಸಾರ್ವಜನಿಕ ಸ್ಥಳದಲ್ಲಿ ಶಾಂತಿ ಭಂಗ ತಂದಿರುವುದಕ್ಕೆ ಸಂಬಂಧಿಸಿ ಪ್ರಕರಣ ದಾಖಲಿಸಲಾಗಿದೆ ಎಂದು ಕ್ರೌನ್ ಪ್ರಾಸಿಕ್ಯೂಶನ್ ಸರ್ವಿಸ್ ಸೋಮವಾರ ತಿಳಿಸಿದೆ.
26ರ ಹರೆಯದ ಸ್ಟೋಕ್ಸ್ ಹಾಗೂ ಇತರ ಇಬ್ಬರು ಬ್ರಿಸ್ಟೋಲ್ನ ಮ್ಯಾಜಿಸ್ಟ್ರೇಟ್ ನ್ಯಾಯಾಲಯಕ್ಕೆ ಹಾಜರಾಗಲಿದ್ದು, ವಿಚಾರಣೆಯ ದಿನಾಂಕ ಇನ್ನೂ ನಿಗದಿಯಾಗಿಲ್ಲ. ಬ್ರಿಸ್ಟೋಲ್ನಲ್ಲಿ ಘಟನೆ ನಡೆದ ಬಳಿಕ ಸ್ಟೋಕ್ಸ್ ಇಂಗ್ಲೆಂಡ್ ಕ್ರಿಕೆಟ್ ತಂಡದ ಪರ ಯಾವುದೇ ಪಂದ್ಯವನ್ನು ಆಡಿಲ್ಲ. ಆಸ್ಟ್ರೇಲಿಯದಲ್ಲಿ ನಡೆದ ಪ್ರತಿಷ್ಠಿತ ಆ್ಯಶಸ್ ಸರಣಿಯಿಂದ ಹೊರಗುಳಿದಿದ್ದರು.