ಅಚ್ಛೇದಿನ್ಗಳ ಗೋಳು
Update: 2018-02-11 14:11 GMT
ಜಗದರಿವಿಲ್ಲದ ಪಂಡಿತ
ಹೊಣೆಗಾರಿಕೆಯಿಲ್ಲದ ರಾಜಕಾರಣಿ
ಜಾಗೃತಿ ಮರೆಯಾದ ಮತದಾರ
ನನ್ನ ದೇಶದ ಗುರುತು
ವಿದ್ಯಮಾನಗಳ ವಿಮರ್ಶೆ
ಬದುಕಿನ ದೂರದೃಷ್ಟಿ
ಹೊದ್ದು ಮಲಗಿದ
ಹೊದಿಕೆಯಲ್ಲೇ ದಫನವಾಗಿದೆ
ಭರವಸೆಗಳು ತೀರಾ ಅಸಹ್ಯ
ತೊಟ್ಟಿಗೂ ತುಂಬಿಸಲಸಾಧ್ಯ
ದ್ವೇಷ, ರಕ್ತ, ಕೊಲೆಯನ್ನು ಬಿತ್ತಿ
ಫಸಲಿಗಾಗಿ ಕಾದಾಟ
ಯಾಕಾಗಿ ಗೆಲ್ಲಿಸಿದೆ ಎಂಬ ಪ್ರಶ್ನೆಗೆ
ಮತದಾನ ಹಕ್ಕೆಂಬ ಹಳೇ ಉತ್ತರ
ಪ್ರಶ್ನಿಸದ ಮತದಾರರು ಒಂದೆಡೆ
ಸ್ವೇಚ್ಛೆಯ ಗುಲಾಮರು ಇನ್ನೊಂದೆಡೆ
ದೇಶವಾಸಿಯ ಹೊಟ್ಟೆ ಸೀಳಿ
ಸಾರ್ವಭೌಮತೆಗೆ ತಲಾಖ್ ನೀಡಿ
ನೂರು ಜನರ ಸೂರು
ಮೂರು ಮಂದಿಗಂಚುವುದೇ ಅಚ್ಛೇ ದಿನ್
ಇದುವೇ ನನ್ನ ದೇಶದ ಗುರುತು
- ಅಕ್ಬರ್ ಅಲಿ, ಕಾವಳಕಟ್ಟೆ