ಮುಂಬೈ ಇಂಡಿಯನ್ಸ್‌ಗೆ ಭರ್ಜರಿ ಜಯ

 ಕೋಲ್ಕತಾ, ಮೇ 9: ಇಂಡಿಯನ್ ಪ್ರೀಮಿಯರ್ ಲೀಗ್ ಟ್ವೆಂಟಿ-20 ಟೂರ್ನಿಯ 41ನೇ ಪಂದ್ಯದಲ್ಲಿ ಬುಧವಾರ ಕೋಲ್ಕತಾ ನೈಟ್ ರೈಡರ್ಸ್‌ ವಿರುದ್ಧ ಮುಂಬೈ ಇಂಡಿಯನ್ಸ್ 102 ರನ್‌ಗಳ ಭರ್ಜರಿ ಗೆಲುವು ದಾಖಲಿಸಿದೆ.
  ಕೋಲ್ಕತಾದ ಈಡನ್ ಗಾರ್ಡನ್ಸ್ ಕ್ರೀಡಾಂಗಣದಲ್ಲಿ ನಡೆದ ಪಂದ್ಯದಲ್ಲಿ ಗೆಲುವಿಗೆ 211 ರನ್‌ಗಳ ಸವಾಲನ್ನು ಪಡೆದ ಕೋಲ್ಕತಾ ನೈಟ್ ರೈಡರ್ಸ್‌ ತಂಡ 18.1 ಓವರ್‌ಗಳಲ್ಲಿ 108 ರನ್‌ಗಳಿಗೆ ಆಲೌಟಾಗಿದೆ.
 ಮುಂಬೈ ತಂಡದ ಬೌಲರ್‌ಗಳ ಸಂಘಟಿತ ದಾಳಿಯನ್ನು ಎದುರಿಸಲಾರದೆ ಕೋಲ್ಕತಾದ ದಾಂಡಿಗರು ಬೇಗನೆ ಇನಿಂಗ್ಸ್ ಮುಗಿಸಿದರು.
 ಕೋಲ್ಕತಾ ತಂಡದ ನಿತೀಶ್ ರಾಣಾ (21) , ಕ್ರಿಸ್ ಲಿನ್(21), ರಾಬಿನ್ ಉತ್ತಪ್ಪ 14 ರನ್, ಪಿಯೂಷ್ ಚಾವ್ಲಾ 11 , ಟಾಮ್ ಕುರ್ರನ್ 18 ರನ್ ಗಳಿಸಿದರು.
  ಸುನೀಲ್ ನರೇನ್(4), ಅಂಡ್ರೆ ರಸೆಲ್ 2ರನ್, ದಿನೇಶ್ ಕಾರ್ತಿಕ್ 5ರನ್, ರಿಂಕು ಸಿಂಗ್ 5ರನ್, ಕುಲ್‌ದೀಪ್ ಯಾದವ್ 5 ರನ್ ಮತ್ತು ಪ್ರಸಿದ್ಧ್ ಕೃಷ್ಣ ಔಟಾಗದೆ 1 ರನ್ ಸೇರಿಸಿದರು.
ಮುಂಬೈ ತಂಡದ ಕೃನಾಲ್ ಪಾಂಡ್ಯ ಮತ್ತು ಹಾರ್ದಿಕ್ ಪಾಂಡ್ಯ ತಲಾ 2 ವಿಕೆಟ್, ಮೆಕ್ಲೀನಘನ್, ಜಸ್‌ಪ್ರೀತ್ ಬುಮ್ರಾ, ಮಾರ್ಕೆಂಡೆ ಮತ್ತು ಬೆನ್ ಕಟ್ಟಿಂಗ್ ತಲಾ 1 ವಿಕೆಟ್ ಪಡೆದರು.
210/6:ಮುಂಬೈ ಇಂಡಿಯನ್ಸ್ ನಿಗದಿತ 20 ಓವರ್‌ಗಳಲ್ಲಿ 6 ವಿಕೆಟ್ ನಷ್ಟದಲ್ಲಿ 210ರನ್ ಗಳಿಸಿತ್ತು.
ವಿಕೆಟ್ ಕೀಪರ್ ಇಶಾನ್ ಕಿಶನ್ 62ರನ್(21ಎ,5ಬೌ,6ಸಿ), ಸೂರ್ಯಕುಮಾರ್ ಯಾದವ್ 36ರನ್, ರೋಹಿತ್ ಶರ್ಮಾ 36ರನ್, ಎವಿನ್ ಲೆವಿಸ್ 18ರನ್, ಹಾರ್ದಿಕ್ ಪಾಂಡ್ಯ 19ರನ್, ಬೆನ್ ಕಟ್ಟಿಂಗ್ 24ರನ್ , ಕೃನಾಲ್ ಪಾಂಡ್ಯ ಔಟಾಗದೆ 8ರನ್ ಗಳಿಸಿದರು.
 ಕೋಲ್ಕತಾ ತಂಡದ ಪಿಯೂಷ್ ಚಾವ್ಲಾ 48ಕ್ಕೆ 3 ವಿಕೆಟ್ ಉಡಾಯಿಸಿದರು.
ಕೋಲ್ಕತಾ ನೈಟ್ ರೈಡರ್ಸ್‌ ತಂಡ ಟಾಸ್ ಜಯಿಸಿ ಫೀಲ್ಡಿಂಗ್ ಆಯ್ದುಕೊಂಡಿತ್ತು.