ವಿಶ್ವದ ಶ್ರೀಮಂತ ಮಹಿಳಾ ಅಥ್ಲೀಟ್ಗಳ ಪಟ್ಟಿಯಲ್ಲಿ ಸಿಂಧುಗೆ 7ನೇ ಸ್ಥಾನ
Update: 2018-08-22 12:34 IST
ಹೊಸದಿಲ್ಲಿ, ಆ.22: ವಿಶ್ವದ ಶ್ರೀಮಂತ ಮಹಿಳಾ ಅಥ್ಲೀಟ್ಗಳ ಪೈಕಿ ಭಾರತದ ಬ್ಯಾಡ್ಮಿಂಟನ್ ತಾರೆ ಪಿ.ವಿ.ಸಿಂಧು ಅಗ್ರ-10ರಲ್ಲಿದ್ದಾರೆ. ಅಮೆರಿಕದ ಟೆನಿಸ್ ತಾರೆ ಸೆರೆನಾ ವಿಲಿಯಮ್ಸ್ ಸತತ ಮೂರನೇ ವರ್ಷವೂ ವಿಶ್ವದ ಅತ್ಯಂತ ಶ್ರೀಮಂತ ಅಥ್ಲೀಟ್ ಆಗಿ ಮುಂದುವರಿದಿದ್ದಾರೆ ಎಂದು ಫೋರ್ಬ್ಸ್ ಮಂಗಳವಾರ ಬಿಡುಗಡೆ ಮಾಡಿರುವ ತನ್ನ ವಾರ್ಷಿಕ ಪಟ್ಟಿಯಲ್ಲಿ ಬಹಿರಂಗಪಡಿಸಿದೆ.
ಬ್ಯಾಡ್ಮಿಂಟನ್ ಆಟಗಾರ್ತಿ ಸಿಂಧು(8.5 ಮಿಲಿಯನ್ ಡಾಲರ್) ಹಾಗೂ ನಿವೃತ್ತ ರೇಸ್ ಕಾರು ಚಾಲಕಿ ಡನಿಕಾ ಪ್ಯಾಟ್ರಿಕ್(7.5 ಮಿಲಿಯನ್ ಡಾಲರ್)ವಿಶ್ವದ ಶ್ರೀಮಂತ ಮಹಿಳಾ ಅಥ್ಲೀಟ್ಗಳ ಪಟ್ಟಿಯಲ್ಲಿ ಅಗ್ರ-10ರಲ್ಲಿರುವ ಟೆನಿಸ್ಯೇತರ ಕ್ರೀಡಾಪಟುವಾಗಿದ್ದಾರೆ. ಇವರಿಬ್ಬರು ಕ್ರಮವಾಗಿ ಏಳನೇ ಹಾಗೂ 9ನೇ ಸ್ಥಾನದಲ್ಲಿದ್ದಾರೆ.
ಸೆರೆನಾ ಕಳೆದ ಸೆಪ್ಟಂಬರ್ನಲ್ಲಿ ಹೆಣ್ಣುಮಗುವಿಗೆ ಜನ್ಮ ನೀಡಿದ ಬಳಿಕ ಮಾರ್ಚ್ನಲ್ಲಿ ಸಕ್ರಿಯ ಟೆನಿಸ್ಗೆ ವಾಪಸಾಗಿದ್ದರು. ಕಳೆದ ಒಂದು ವರ್ಷದಿಂದ 62,000 ಡಾಲರ್ ಆದಾಯ ಗಳಿಸಿದ್ದಾರೆ.
ಡೆನ್ಮಾರ್ಕ್ನ ಕರೊಲಿನ್ ವೋಝ್ನಿಯಾಕಿ(13 ಮಿ.ಡಾಲರ್) ಪಟ್ಟಿಯಲ್ಲಿ ಎರಡನೇ ಸ್ಥಾನದಲ್ಲಿದ್ದರೆ, ಹಾಲಿ ಯುಎಸ್ ಓಪನ್ ಚಾಂಪಿಯನ್ ಸ್ಲೊಯಾನೆ ಸ್ಟೀಫನ್ಸ್(11.2 ಮಿ.ಡಾಲರ್)ಮೂರನೇ ಸ್ಥಾನದಲ್ಲಿದ್ದಾರೆ.
ಸ್ಪೇನ್ನ ಗಾರ್ಬೈನ್ ಮುಗುರುಝ(11 ಮಿ.ಡಾಲರ್), ರಶ್ಯದ ಮರಿಯಾ ಶರಪೋವಾ(10.5 ಮಿ.ಡಾಲರ್)ಅಗ್ರ-5ರಲ್ಲಿದ್ದಾರೆ.