ನಾನು ಗೆದ್ದಾಗಿದೆ, ನಿಮ್ಮ ಕೆಲಸ ಆಗಬೇಕಿದ್ದರೆ ನನಗೆ ಮತ ಹಾಕಿ: ಮುಸ್ಲಿಮರಿಗೆ ಮೇನಕಾ ಗಾಂಧಿ ಬೆದರಿಕೆ

ಹೊಸದಿಲ್ಲಿ, ಎ.12: ತನಗೆ ಮತ ನೀಡದಿದ್ದರೆ ನಿಮ್ಮ ಕೆಲಸಗಳನ್ನು ಮಾಡುವುದಿಲ್ಲ ಎಂದು ಮುಸ್ಲಿಂ ಮತದಾರರನ್ನು ಬಿಜೆಪಿ ನಾಯಕಿ, ಕೇಂದ್ರ ಸಚಿವೆ ಮೇನಕಾ ಗಾಂಧಿ ಬೆದರಿಸಿರುವ ವಿಡಿಯೋವೊಂದು ವೈರಲ್ ಆಗುತ್ತಿದೆ.

ಉತ್ತರ ಪ್ರದೇಶದ ಸುಲ್ತಾನ್ ಪುರದಲ್ಲಿ ಅವರು ಬಿಜೆಪಿ ಅಭ್ಯರ್ಥಿಯಾಗಿ ಕಣಕ್ಕಿಳಿದಿದ್ದು, ಅಲ್ಲಿನ ಮುಸ್ಲಿಂ ಮತದಾರರೊಂದಿಗೆ ಅವರು ಈ ಮಾತುಗಳನ್ನು ಹೇಳಿದ್ದಾರೆ.

ಮುಸ್ಲಿಮರು ಇದ್ದರೂ ಇಲ್ಲದಿದ್ದರೂ ತಾನು ಚುನಾವಣೆಯಲ್ಲಿ ಜಯ ಗಳಿಸುತ್ತೇನೆ ಎಂದ ಅವರು, “ನಾನು ಜಯ ಗಳಿಸುತ್ತೇನೆ. ಆದರೆ ಮುಸ್ಲಿಮರಿಲ್ಲದೆ ನಾನು ಜಯಿಸಿದರೆ ನನಗೆ ಒಳ್ಳೆಯ ಭಾವನೆ ಮೂಡದು. ನಂತರ ಕಹಿಯಾದ ಭಾವನೆ ಮೂಡುತ್ತದೆ. ಯಾರಾದರೂ ಮುಸ್ಲಿಮರು ಕೆಲಸಕ್ಕಾಗಿ ಬಂದರೆ ನಾನೇಕೆ ಮಾಡಬೇಕು ಎಂದೆನಿಸುತ್ತದೆ. ಏನನ್ನೂ ಪಡೆದುಕೊಳ್ಳದೆ ಇತರರಿಗೆ ನೀಡಲು ನಾವು ಮಹಾತ್ಮಾ ಗಾಂಧಿಯ ಮಕ್ಕಳಲ್ಲ” ಎಂದು ಹೇಳಿದರು.

Union Minister Maneka Gandhi caught on camera asking Muslims to vote for her, otherwise when she is elected, she will not be inclined to listen to their requests. 'After all, we are not Mahatma Gandhi's children, are we?', the minister goes on to say. pic.twitter.com/DnrATYFBpD

— Bodhisattva Sen Roy (@insenroy) April 12, 2019