Home > ವಿಚಾರ > ವಿಶೇಷ-ವರದಿಗಳು > ಕರ್ಕರೆ ಪಾಕಿಸ್ತಾನಕ್ಕೆ ಕೆಲಸ...

ಕರ್ಕರೆ ಪಾಕಿಸ್ತಾನಕ್ಕೆ ಕೆಲಸ ಮಾಡುತ್ತಿದ್ದರು ಎಂದ ಮಧುಕೀಶ್ವರ್ !

ವಾರ್ತಾಭಾರತಿ
Update: 2019-04-20 14:02 GMT
Editor : ವಾರ್ತಾಭಾರತಿ

ಮುಂಬೈ ಭಯೋತ್ಪಾದಕ ದಾಳಿಯಲ್ಲಿ ಹುತಾತ್ಮರಾದ ಹಿರಿಯ ಐಪಿಎಸ್ ಅಧಿಕಾರಿ ಹೇಮಂತ್ ಕರ್ಕರೆ ವಿರುದ್ಧ ಮಾಲೇಗಾವ್ ಸ್ಫೋಟ ಆರೋಪಿ ಹಾಗು ಬಿಜೆಪಿ ಯ ಭೋಪಾಲ್ ಲೋಕಸಭಾ ಅಭ್ಯರ್ಥಿ ಪ್ರಜ್ಞಾ ಸಿಂಗ್ ಠಾಕೂರ್ ಕೀಳು ಮಟ್ಟದ ಹೇಳಿಕೆ ನೀಡಿದ ಬಗ್ಗೆ ದೇಶಾದ್ಯಂತ ವ್ಯಾಪಕ ಆಕ್ರೋಶ ವ್ಯಕ್ತವಾದ ಬೆನ್ನಿಗೇ ಪ್ರಧಾನಿ ಮೋದಿಯ ಕಟ್ಟಾ ಬೆಂಬಲಿಗೆ , ಲೇಖಕಿ ಮಧುಕೀಶ್ವರ್ ಅವರು ಕರ್ಕರೆ ಬಗ್ಗೆ ಅವಹೇಳನಕಾರಿ ಹೇಳಿಕೆಗಳನ್ನು ಟ್ವೀಟ್ ಮಾಡಿದ್ದಾರೆ. 

ಸ್ಫೋಟ ಆರೋಪಿ ಪ್ರಜ್ಞಾ ಸಿಂಗ್ ಗೆ ಬೆಂಬಲ ಸೂಚಿಸಿರುವ ಮಧುಕೀಶ್ವರ್ ಕರ್ತವ್ಯದಲ್ಲಿರುವಾಗಲೇ ಭಯೋತ್ಪಾದಕರ ಗುಂಡಿಗೆ ಬಲಿಯಾದ ಹೇಮಂತ್ ಕರ್ಕರೆ ವಿರುದ್ಧ ಅತ್ಯಂತ ಅವಹೇಳನಕಾರಿಯಾಗಿ ಬರೆದು ಅವರನ್ನು ಜರೆದಿದ್ದಾರೆ. " ಮುಂಬೈ ಮೇಲೆ ಭಯೋತ್ಪಾದಕ ದಾಳಿ ನಡೆದ ಮಾಹಿತಿ ಸಿಗುವಾಗ ಕರ್ಕರೆ ಮದ್ಯಪಾನ ಮಾಡಿ ಅಮಲಿನಲ್ಲಿದ್ದರು"  ಎಂದು ಟ್ವೀಟ್ ಮಾಡಿರುವ ಮಧು ಅವರಿಗೆ ಅವರ ಮೇಲೆ ನಿಯಂತ್ರಣವಿರಲಿಲ್ಲ, ಅವರು ಬುಲೆಟ್ ಪ್ರೂಫ್ ಜಾಕೆಟ್ ಹಾಕಿಕೊಳ್ಳಲು ಹೆಣಗಾಡುತ್ತಿದ್ದುದನ್ನು ಇಡೀ ದೇಶ ನೋಡಿದೆ , ಅವರು ಅಂದು ಒಂದೇ ಒಂದು ಬುಲೆಟ್ ಹಾರಿಸಿಲ್ಲ , ಮತ್ತೆ ಅದೇಗೆ ಅವರು ಭಯೋತ್ಪಾದಕರ ವಿರುದ್ಧ ಹೋರಾಟದಲ್ಲಿ ಬಲಿಯಾದರು ಎಂದು ಹೇಳಲಾಗುತ್ತಿದೆ ? " ಎಂದು ಅತ್ಯಂತ ಆಘಾತಕಾರಿ ಹೇಳಿಕೆ ನೀಡಿದ್ದಾರೆ. 

ಕರ್ಕರೆಯನ್ನು ಪರೋಕ್ಷವಾಗಿ rogue police officer ( ಕ್ರೂರ ಪ್ರವೃತ್ತಿಯ ಅಧಿಕಾರಿ) ಎಂದು ಬಣ್ಣಿಸಿರುವ ಮಧು ಅವಹೇಳನದ ಪರಮಾವಧಿಯಾಗಿ ಅವರು ಪಾಕಿಸ್ತಾನಕ್ಕೆ ಸೇವೆ ಸಲ್ಲಿಸುತ್ತಿದ್ದರು ಎಂದೂ ಆರೋಪಿಸಿದ್ದಾರೆ. ಕರ್ಕರೆ ಕುರಿತ ಪ್ರಜ್ಞಾ ಹೇಳಿಕೆಯನ್ನು ಖಂಡಿಸಿರುವ ಐಪಿಎಸ್ ಅಧಿಕಾರಿಗಳ ಸಂಘವನ್ನೇ ಖಂಡಿಸಿರುವ ಮಧು " ಕ್ರೂರ ಪೊಲೀಸ್ ಅಧಿಕಾರಿಗಳು ಜನರನ್ನು ಅಮಾನವೀಯವಾಗಿ ಹಿಂಸಿಸಬಹುದು ಆದರೆ ಆದರೆ ಜನರಿಗೆ ಅವರಿಗೆ ಶಾಪ ಕೊಡುವ ಹಕ್ಕೂ ಇಲ್ಲವೇ ? ನಿಮಗೆ ನಾಚಿಕೆಯಾಗಬೇಕು" ಎಂದು ಹೇಳಿದ್ದಾರೆ. 

" ಸೋನಿಯಾ ಗಾಂಧಿ ಅಧಿಕಾರದಲ್ಲಿದ್ದಾಗ ಕರ್ಕರೆಯ ಆಪ್ತಮಿತ್ರ ದಿಗ್ವಿಜಯ್ ಸಿಂಗ್ ಅವರಿಂದ ಗಂಟೆ ಗಂಟೆಗೆ ಅವರಿಗೆ ಆದೇಶ ಬರುತ್ತಿತ್ತು. ಇಸ್ಲಾಮಿಸ್ಟ್ ಗಳನ್ನು ಖುಷಿಪಡಿಸಲು ಹಿಂದೂ ಭಯೋತ್ಪಾದನೆಯನ್ನು ಸೃಷ್ಟಿಸಿದರು. ಇಂತಹವರಿಗೆ ಅಶೋಕ್ ಚಕ್ರ ಏನು, ಭಾರತ ರತ್ನವೂ ಸಿಗುತ್ತಿತ್ತು " ಎಂದು ಕರ್ಕರೆ ವಿರುದ್ಧ ಕಿಡಿಕಾರಿದ್ದಾರೆ  ಮಧು. 

2014ರ ಲೋಕಸಭಾ ಚುನಾವಣೆ ವೇಳೆ ಹಠಾತ್ತನೆ ಮೋದಿ ಬೆಂಬಲಿಗರಾಗಿ ಮಾರ್ಪಟ್ಟ ಮಧುಕಿಶ್ವರ್ ಆ ಬಳಿಕ ಟ್ವಿಟರ್ ನಲ್ಲಿ ಮೋದಿಯನ್ನು ಬೆಂಬಲಿಸುವ, ಉಳಿದವರನ್ನು ಅವಹೇಳನ ಮಾಡುವ ಒಂದು ಅವಕಾಶವನ್ನೂ ಬಿಡುವುದಿಲ್ಲ. ಹಿಂದೂ ಮುಸ್ಲಿಮರ ನಡುವೆ ದ್ವೇಷ , ಅಪನಂಬಿಕೆ ಹರಡುವ ಹಲವು ಟ್ವೀಟ್ ಗಳನ್ನೂ ಈಕೆ ಮಾಡಿದ್ದಾರೆ.

Writer - ವಾರ್ತಾಭಾರತಿ

contributor

Editor - ವಾರ್ತಾಭಾರತಿ

contributor

Similar News

ರಾಜ್ಯದಲ್ಲಿ 21,67,320 ಕೋವಿಶೀಲ್ಡ್ ಡೋಸ್ ಖರೀದಿಸಿದ್ದ ಬಿಜೆಪಿ ಸರಕಾರ
“ಉತ್ತರ ಪ್ರದೇಶದಲ್ಲಿ ಬಿಜೆಪಿಯ ಸ್ಥಾನ 50ಕ್ಕಿಂತ ಕೆಳಗಿಳಿಯಬಹುದು”
ವೈದ್ಯಕೀಯ ಸಂಶೋಧನಾ ಸಂಸ್ಥೆಗೆ ಶೇ.60ರಷ್ಟು ಅನುದಾನ ಕಡಿತ
ವಿನಾಯಕ ಬಾಳಿಗ ಹತ್ಯೆ ಗೆ ಬಳಸಿದ ಮಾಂಸ ಕಡಿಯುವ ಕತ್ತಿ ಗುರುತಿಸಿದ ಪ್ರತಿಕೂಲ ಸಾಕ್ಷಿ
ಐಟಿಯಿಂದ 4.8 ಕೋಟಿ ರೂ. ವಶ; ಮರಳಿಸಲು ಮೌದ್ಗಿಲ್‌ಗೆ ಕರೆ ಮಾಡಿದ್ದ ಬಿಜೆಪಿ ಅಭ್ಯರ್ಥಿ ಡಾ.ಸುಧಾಕರ್
ಮಲ್ಲಿಕಾರ್ಜುನ ಖರ್ಗೆ ರಾಜಕೀಯ ಬದುಕು: ಹಿಂದುತ್ವದ ಹೊತ್ತಿನಲ್ಲಿ ಅಂಬೇಡ್ಕರ್ ಪ್ರಣಾಳಿಕೆ
ಕೇಂದ್ರ ಪುರಸ್ಕೃತ ಯೋಜನೆ | ಜಲಸಂಪನ್ಮೂಲ, ವೈದ್ಯಕೀಯ ಶಿಕ್ಷಣ ಇಲಾಖೆಗಳಿಗೆ ಬಿಡಿಗಾಸನ್ನೂ ಬಿಚ್ಚದ ಕೇಂದ್ರ ಸರಕಾರ
ಉಳ್ಳಾಲ ತಾಲೂಕಿಗೆ ಬೇಕಿದೆ ಸುಸಜ್ಜಿತ ಮೀನು ಮಾರುಕಟ್ಟೆ
ಮತ್ಸ್ಯ ಬೇಟೆ: ಅಲೆಗಳ ಮೇಲೆ ಸಾಲು ಸಾಲು ಸವಾಲುಗಳು!
ಕಾಯ್ದಿಟ್ಟ ಅರಣ್ಯ ಪ್ರದೇಶದಲ್ಲಿ ಹೈಟೆಕ್ ಕೈಗಾರಿಕೆ
10 ಸ್ನಾತಕೋತ್ತರ ಕೋರ್ಸ್ ಗಳಿಗೆ ಸಿಇಟಿ ರದ್ದುಗೊಳಿಸಲು ಪರೀಕ್ಷಾ ಪ್ರಾಧಿಕಾರ ಪ್ರಸ್ತಾವ
ಹಜ್‌ ಯಾತ್ರೆ-2024: ಕೇಂದ್ರ ಸರಕಾರದ ವಿಳಂಬದಿಂದಾಗಿ ಸಂಕಷ್ಟಕ್ಕೆ ಸಿಲುಕಿರುವ ಖಾಸಗಿ ಟೂರ್ ಆಪರೇಟರ್‌ಗಳು