'ಗೋವುಗಳ ಬದಲು ಮಹಿಳೆಯರ ಬಗ್ಗೆ ಗಮನಹರಿಸಿ': ಪ್ರಧಾನಿಗೆ 'ಮಿಸ್ ಕೊಹಿಮಾ' ಸ್ಪರ್ಧಿಯ ಸಂದೇಶ

ಹೊಸದಿಲ್ಲಿ,ಅ.15: ಮಹಿಳೆಯರ ಬಗ್ಗೆ ಹೆಚ್ಚು ಗಮನಹರಿಸಿ ಗೋವುಗಳ ಮೇಲಲ್ಲ ಎಂದು ಪ್ರಧಾನಿ ನರೇಂದ್ರ ಮೋದಿಗೆ ಮಿಸ್ ಕೊಹಿಮಾ ಸೌಂದರ್ಯ ಸ್ಪರ್ಧೆಯ ರನ್ನರ್ ಅಪ್‌ಗಳಲ್ಲಿ ಓರ್ವರಾಗಿರುವ ವಿಕೊನು ಸಾಚು ಸಂದೇಶ ನೀಡಿದ್ದು ಸದ್ಯ ಅವರ ಹೇಳಿಕೆ ಸಾಮಾಜಿಕ ಮಾಧ್ಯಮಗಳಲ್ಲಿ ವೈರಲ್ ಆಗಿದೆ.

ನಾಗಲ್ಯಾಂಡ್‌ನಲ್ಲಿ ನಡೆದ ಸೌಂದರ್ಯ ಸ್ಪರ್ಧೆಯ ಅಂತಿಮ ಸುತ್ತಿನಲ್ಲಿ, “ನಿಮಗೆ ಪ್ರಧಾನಿ ಮೋದಿ ಜೊತೆ ಮಾತನಾಡಲು ಆಹ್ವಾನಿಸಿದರೆ ಅವರಲ್ಲಿ ಏನು ಹೇಳುತ್ತೀರಿ” ಎಂದು ತೀರ್ಪುಗಾರರು ಕೇಳಿದ ಪ್ರಶ್ನೆಗೆ ಉತ್ತರಿಸಿದ 18ರ ಹರೆಯದ ಸಾಚು, “ಗೋವುಗಳ ಬದಲು ಮಹಿಳೆಯರ ಬಗ್ಗೆ ಹೆಚ್ಚು ಗಮನಹರಿಸಿ” ಎಂದು ಹೇಳುತ್ತೇನೆ ಎಂದು ವಿನಯವಾಗಿಯೇ ಉತ್ತರಿಸಿದ್ದಾರೆ.

ಆಕೆಯ ಉತ್ತರ ಕೇಳಿದ ಸಭಾಂಗಣ ನಗೆಗಡಲಲ್ಲಿ ತೇಲಿತು ಎಂದು ಮಾಧ್ಯಮಗಳು ವರದಿ ಮಾಡಿವೆ. ಸೌಂದರ್ಯ ಸ್ಪರ್ಧೆಯ ಪ್ರಶ್ನಾವಳಿ ಸುತ್ತಿನಲ್ಲಿ ತೀರ್ಪುಗಾರರು ಸ್ಪರ್ಧಿಗಳಲ್ಲಿ, ಸಾಮಾಜಿಕ ರಾಜಕೀಯ ವಿಷಯಗಳು, ಲಿಂಗ ಸಮಾನತೆ, ಪುರುಷ ಮತ್ತು ಮಹಿಳೆಯರಿಗೆ ಶಿಕ್ಷಣ ಅಗತ್ಯತೆ ಮತ್ತು ಶಿಕ್ಷಣದ ಮೂಲಕ ಹೆಣ್ಮಕ್ಕಳ ಸಬಲೀಕರಣದಂತಹ ವಿಷಯದಲ್ಲಿ ತಮ್ಮ ನಿಲುವನ್ನು ತಿಳಿಸಲು ಹೇಳುತ್ತಾರೆ.

During Miss Kohima 2019 beauty pageant, a contestant was asked the question:

"if Prime Minister of our country Modi ji invites you to chat with him, what would you say?"

She replied: If I were invited by the PM of India, I would tell him to focus more on women instead of cows. pic.twitter.com/Q4HDgjlYWt

— Riaz Ahmed (@karmariaz) October 14, 2019