ಜ.8ರಂದು ಸಚಿವ ವಿ.ಸೋಮಣ್ಣ ಉಡುಪಿಗೆ
Update: 2020-01-04 11:22 GMT
ಉಡುಪಿ, ಜ.3: ರಾಜ್ಯದ ವಸತಿ, ತೋಟಗಾರಿಕೆ, ರೇಷ್ಮೆ ಸಚಿವ ವಿ. ಸೋಮಣ್ಣ ಅವರು ಜ.8ರಂದು ಉಡುಪಿ ಜಿಲ್ಲೆಯಲ್ಲಿ ಪ್ರವಾಸ ಕೈಗೊಳ್ಳಲಿದ್ದಾರೆ.
ಅಂದು ಬೆಳಗ್ಗೆ 9:45ಕ್ಕೆ ಉಡುಪಿಯಲ್ಲಿ ಸಾರ್ವಜನಿಕರ ಭೇಟಿಯಾಗಿ ಅಹವಾಲು ಸ್ವೀಕರಿಸುವ ಸೋಮಣ್ಣ, 10:00ಕ್ಕೆ ಮಣಿಪಾಲದ ಸರಳಬೆಟ್ಟಿನಲ್ಲಿ ಪಿಎಂಎವೈ ಯೋಜನೆಯಡಿ ಕರ್ನಾಟಕ ಕೊಳಗೇರಿ ಅಭಿವೃದ್ಧಿ ಮಂಡಳಿಯಿಂದ ನಿರ್ಮಿಸುತ್ತಿರುವ 460 ಮನೆಗಳ ನಿರ್ಮಾಣ ಕಾಮಾರಿಗೆ ಶಿಲಾನ್ಯಾಸ ನೆರವೇರಿಸುವರು.
ಬಳಿಕ 11:00 ಗಂಟೆಗೆ ಬ್ರಹ್ಮಾವರದಲ್ಲಿ ಮಿನಿ ವಿಧಾನಸೌಧ ನೂತನ ಕಟ್ಟಡ ಕಾಮಗಾರಿಗೆ ಶಿಲಾನ್ಯಾಸ ನೆರವೇರಿಸುವ ಅವರು ಅಪರಾಹ್ನ 12:00ಕ್ಕೆ ಉಡುಪಿಯಲ್ಲಿ ನಿರ್ಮಾಣಗೊಂಡ ಮಿನಿವಿಧಾನಸೌಧ ನೂತನ ಕಟ್ಟಡದ ಉದ್ಘಾಟನಾ ಕಾರ್ಯಕ್ರಮದಲ್ಲಿ ಭಾಗವಹಿಸುವರು. 1:00 ಗಂಟೆಗೆ ಶ್ರೀಕೃಷ್ಣ ಮಠಕ್ಕೆ ಭೇಟಿ ನೀಡಿದ ನಂತರ ಮಂಗಳೂರಿಗೆ ತೆರಳುವರು.