ಸೇನಾ ದಿನಾಚರಣೆ: ಭಾರತದ ಹುತಾತ್ಮ ಯೋಧರಿಗೆ ದೇಶದ ನಮನ

ಹೊಸದಿಲ್ಲಿ, ಜ.15: ಸೈನ್ಯವು ಪ್ರತಿವರ್ಷ ಜನವರಿ 15ನ್ನು ಸೇನಾ ದಿನವಾಗಿ ಆಚರಿಸುತ್ತದೆ, ಈ ದಿನದಂದು ಮೊದಲ ಭಾರತೀಯ ಜನರಲ್ ಭಾರತೀಯ ಸೇನೆಯ ಉಸ್ತುವಾರಿ ವಹಿಸಿಕೊಂಡರು. ಜನರಲ್ ಕೆಎಂ ಕಾರ್ಯಪ್ಪ (ನಂತರ ಫೀಲ್ಡ್ ಮಾರ್ಷಲ್) ಜನವರಿ 15, 1949 ರಲ್ಲಿ ಭಾರತದ ಕೊನೆಯ ಬ್ರಿಟಿಷ್ ಕಮಾಂಡರ್-ಇನ್-ಚೀಫ್ ಜನರಲ್ ಫ್ರಾನ್ಸಿಸ್ ಬುತ್ಚೆರ್ ಅವರಿಂದ ಭಾರತೀಯ ಸೈನ್ಯವನ್ನು ಮುನ್ನಡೆಸುವ ಜವಾಬ್ದಾರಿಯನ್ನು ವಹಿಸಿಕೊಂಡರು.

ಕಾರ್ಯಪ್ಪ ಅವರು ಸೈನ್ಯದ ಉಸ್ತುವಾರಿ ವಹಿಸಿಕೊಂಡಾಗ ಅವರಿಗೆ ಕೇವಲ 49 ವರ್ಷ. ಅವರು ನಾಲ್ಕು ವರ್ಷಗಳ ಕಾಲ ಸೇನಾ ಮುಖ್ಯಸ್ಥರಾಗಿ ಸೇವೆ ಸಲ್ಲಿಸಿದರು, ಜನವರಿ 16, 1953 ರಂದು ನಿವೃತ್ತರಾದರು.

"ಸೇನಾ ದಿನವಾಗಿರುವ ಇಂದು ನಾನು ಭಾರತದ ಧೀರ ಯೋಧರಿಗೆ ನಮಿಸುತ್ತೇನೆ ಮತ್ತು ಭಾರತವನ್ನು ಸುರಕ್ಷಿತ ಸ್ಥಳವನ್ನಾಗಿ ಮಾಡುವಲ್ಲಿ ಅವರ ಅದಮ್ಯ ಮನೋಭಾವ, ಶೌರ್ಯ ಮತ್ತು ತ್ಯಾಗಗಳನ್ನು ಹೆಮ್ಮೆಯಿಂದ ನೆನಪಿಸಿಕೊಳ್ಳುತ್ತೇನೆ" ಎಂದು ರಕ್ಷಣಾ ಸಚಿವ ರಾಜನಾಥ್ ಸಿಂಗ್ ಟ್ವೀಟ್ ಮಾಡಿದ್ದಾರೆ.

"ದೇಶವನ್ನು ರಕ್ಷಿಸಲು ಎಲ್ಲವನ್ನೂ ತ್ಯಾಗ ಮಾಡುವ ಧೈರ್ಯಶಾಲಿ ಸೈನಿಕರು, ಮಾಜಿ ಸೈನಿಕರು ಮತ್ತು ಅವರ ಕುಟುಂಬಗಳಿಗೆ ಸೇನಾ ದಿನದಂದು ನನ್ನ ಶುಭಾಶಯಗಳು. ಜೈ ಹಿಂದ್! ” ಎಂದು ಕಾಂಗ್ರೆಸ್ ಮುಖಂಡ ರಾಹುಲ್ ಗಾಂಧಿ ಟ್ವೀಟ್ ಮಾಡಿದ್ದಾರೆ.

 “ಭಾರತೀಯ ಸೇನೆಯು ಬದ್ಧತೆ, ಶಿಸ್ತು ಮತ್ತು ದೇಶಭಕ್ತಿಯ ಪ್ರತೀಕವಾಗಿದೆ.  ಸೇನೆಯ ಧೈರ್ಯಶಾಲಿ ಪುರುಷ ಮತ್ತು ಮಹಿಳಾ ಯೋಧರಿಗೆ  ನನ್ನ ನಮಸ್ಕಾರ ”ಎಂದು ಕೇಂದ್ರ ಕಾನೂನು ಸಚಿವ ರವಿಶಂಕರ್ ಪ್ರಸಾದ್ ಟ್ವೀಟ್ ಮಾಡಿದ್ದಾರೆ.

“ನಿಮ್ಮ ಬಗ್ಗೆ ನಮಗೆ ಹೆಮ್ಮೆ ಇದೆ! ಅದಮ್ಯ ಧೈರ್ಯ ಮತ್ತು ಶೌರ್ಯದ  ಸಂಕೇತವಾಗಿರುವ ಭಾರತೀಯ ಸೇನೆಯ ಕೆಚ್ಚೆದೆಯ ಸೈನಿಕರಿಗೆ ನಮಸ್ಕರಿಸುತ್ತೇನೆ ”ಎಂದು ಕೇಂದ್ರ ಸಚಿವ ಪ್ರಕಾಶ್ ಜಾವಡೇಕರ್ ಹೇಳಿದರು.

ನಮ್ಮ ಎಲ್ಲ ಸೈನಿಕರ ಶೌರ್ಯ, ಧೈರ್ಯಕ್ಕೆ ನಮಸ್ಕರಿಸುವುದು. ನಾವು ಒಗ್ಗೂಡಿ ರಾಷ್ಟ್ರಕ್ಕೆ ಮಾಡಿದ ನಿಸ್ವಾರ್ಥ ಸೇವೆಗಾಗಿ ಭಾರತೀಯ ಸೇನೆಗೆ ನಮ್ಮ ಕೃತಜ್ಞತೆಯನ್ನು ಸಲ್ಲಿಸೋಣ ಮತ್ತು ನಮಗಾಗಿ ಪ್ರಾಣ ತ್ಯಾಗ ಮಾಡಿದ ಎಲ್ಲರನ್ನೂ ಗೌರವಿಸೋಣ” ಎಂದು ರೈಲ್ವೆ ಸಚಿವ ಪಿಯೂಷ್ ಗೋಯಲ್ ಟ್ವಿಟ್ಟರ್ ನಲ್ಲಿ ತಿಳಿಸಿದ್ದಾರೆ.

ಸೇನಾ ದಿನಾಚರಣೆಯ ಸಂದರ್ಭದಲ್ಲಿ ಭಾರತೀಯ ಸೇನೆಯ ಅದಮ್ಯ ಮನೋಭಾವ ಮತ್ತು ಶೌರ್ಯಕ್ಕೆ ನಾನು ವಂದಿಸುತ್ತೇನೆ. ಈ ಮಹಾನ್ ಸಂಸ್ಥೆಯ ಭಾಗವಾಗಿದ್ದಕ್ಕೆ ನನಗೆ ಹೆಮ್ಮೆ ಇದೆ”ಎಂದು ಪಂಜಾಬ್ ಮುಖ್ಯಮಂತ್ರಿ ಅಮರಿಂದರ್ ಸಿಂಗ್ ಹೇಳಿದರು. ಅವರು ಸೈನ್ಯದೊಂದಿಗಿನ ಪರಸ್ಪರ ಕ್ರಿಯೆಯ ಚಿತ್ರವನ್ನೂ ಲಗತ್ತಿಸಿದ್ದಾರೆ.

“ಇಂದು ನಾವು ದೇಶಕ್ಕೆ  ಅರ್ಪಣಾ ಮನೋಭಾವದೊಂದಿಗೆ  ಸೇವೆ ಸಲ್ಲಿಸುವ ಪ್ರತಿಜ್ಞೆಯನ್ನು ತೆಗೆದುಕೊಳ್ಳುವ ದಿನವಾಗಿದೆ, ಇದು ಹುತಾತ್ಮರಾದ ಸೈನಿಕರಿಗೆ ಮೀಸಲಾದ ದಿನವಾಗಿದೆ. 'ಜೈ ಹಿಂದ್', " ಎಂದು ಭಾರತೀಯ ಸೇನೆಯ ಅಧಿಕೃತ ಟ್ವಿಟರ್ ಹ್ಯಾಂಡಲ್ ಆಫ್ ಪಬ್ಲಿಕ್ ಇನ್ಫರ್ಮೇಷನ್ ಹೆಚ್ಚುವರಿ ಡೈರೆಕ್ಟರೇಟ್ ಜನರಲ್ ಟ್ವೀಟ್ ನಲ್ಲಿ ತಿಳಿಸಿದ್ದಾರೆ.

1949 ರಲ್ಲಿ ಫೀಲ್ಡ್ ಮಾರ್ಷಲ್ (ಆಗ ಲೆಫ್ಟಿನೆಂಟ್ ಜನರಲ್) ಕೆ.ಎಂ. ಕಾರ್ಯಪ್ಪ ಅವರು ಭಾರತದ ಕೊನೆಯ ಬ್ರಿಟಿಷ್ ಸಿ-ಇನ್-ಸಿ ಯಿಂದ ಭಾರತೀಯ ಸೇನೆಯ ಮೊದಲ ಕಮಾಂಡರ್-ಇನ್-ಚೀಫ್ (ಸಿ-ಇನ್-ಸಿ) ಆಗಿ ಅಧಿಕಾರ ವಹಿಸಿಕೊಂಡರು. ನಮ್ಮ ಮಹಾನ್ ರಾಷ್ಟ್ರವನ್ನು ರಕ್ಷಿಸಲು ಅಂತಿಮ ತ್ಯಾಗ ಮಾಡಿದ ಕೆಚ್ಚೆದೆಯ ಸೈನಿಕರಿಗೆ ಚಿನಾರ್ ಕಾರ್ಪ್ಸ್ ನಮಸ್ಕರಿಸುತ್ತದೆ ”ಎಂದು ಭಾರತೀಯ ಸೇನೆಯ ಚಿನಾರ್ ಕಾರ್ಪ್ಸ್ ಟ್ವಿಟ್ಟರ್ ನಲ್ಲಿ ತಿಳಿಸಿದೆ.

"ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ಅವರು ಭಾರತೀಯ ಸೈನ್ಯದ ಸಿಬ್ಬಂದಿ ಮತ್ತು ಅನುಭವಿಗಳಿಗೆ ಸೇನಾ ದಿನಾದ ಶುಭಾಶಯಗಳನ್ನು ಅರ್ಪಿಸಿದ್ದಾರೆ. ಸಿಎಂ ತಮ್ಮ ಸಂದೇಶದಲ್ಲಿ, “ಅವರು ನಮ್ಮನ್ನು ಶಾಂತಿ, ಯುದ್ಧದ ಸಮಯ ಮತ್ತು ಭಿಕ್ಕಟ್ಟಿನ ಕಾಲದಲ್ಲಿ ರಕ್ಷಿಸುತ್ತಾರೆ. ಕರ್ತವ್ಯದ ಕರೆಗಿಂತ ಮೀರಿ ಮತ್ತು ಅವರ ನಿಸ್ವಾರ್ಥ ಸೇವೆಯನ್ನು ನಾವು ಪ್ರಶಂಸಿಸುತ್ತೇವೆ ”ಎಂದು ಕೇರಳ ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ಅವರ ಕಚೇರಿ ಟ್ವೀಟ್ ಮಾಡಿದೆ.