ಹಂಗೇರಿಯನ್ ಓಪನ್: ಮಣಿಕಾ, ಸತ್ಯನ್ ಪ್ರಿ-ಕ್ವಾರ್ಟರ್ ಫೈನಲ್‌ಗೆ ಲಗ್ಗೆ

ಬುಡಾಪೆಸ್ಟ್, ಫೆ.21: ಕಾಮನ್‌ವೆಲ್ತ್ ಗೇಮ್ಸ್ ಚಾಂಪಿಯನ್ ಮಣಿಕಾ ಬಾತ್ರಾ ವಿಶ್ವದ ನಂ.26ನೇ ಆಟಗಾರ್ತಿ ಚೆನ್ ಝು-ಯು ಅವರನ್ನು ಮಣಿಸಿ ಐಟಿಟಿಎಫ್ ವರ್ಲ್ಡ್ ಟೂರ್ ಹಂಗೇರಿಯನ್ ಓಪನ್ ಟೇಬಲ್ ಟೆನಿಸ್ ಟೂರ್ನಿಯಲ್ಲಿ ಪ್ರಿ-ಕ್ವಾರ್ಟರ್ ಫೈನಲ್ ಪ್ರವೇಶಿಸಿದ್ದಾರೆ.

ಇದೇ ವೇಳೆ, ಭಾರತದ ನಂ.1 ಆಟಗಾರ ಗುಣೇಶ್ವರನ್ ಸತ್ಯನ್ ಪುರುಷರ ಸಿಂಗಲ್ಸ್‌ನಲ್ಲಿ ಇರಾನ್‌ನ ನೌಶಾದ್‌ರನ್ನು 4-0(11-6, 11-6, 11-9, 11-2)ಅಂತರದಿಂದ ಮಣಿಸಿ ಪ್ರಿ-ಕ್ವಾರ್ಟರ್ ತಲುಪಿದರು. 24ರ ಹರೆಯದ ಮಣಿಕಾ ತನಗಿಂತ ಗರಿಷ್ಠ ರ್ಯಾಂಕಿನ ಆಟಗಾರ್ತಿ ಚೆನ್‌ರನ್ನು 4-3(9-11, 4-11,7-11, 12-10, 11-9, 11-7, 14-12)ಅಂತರದಿಂದ ರೋಚಕವಾಗಿ ಮಣಿಸಿದರು. ಐಟಿಟಿಎಫ್ ವರ್ಲ್ಡ್ ರ್ಯಾಂಕಿಂಗ್‌ನಲ್ಲಿ 67ನೇ ಸ್ಥಾನದಲ್ಲಿರುವ ಮಣಿಕಾ ಮುಂದಿನ ಸುತ್ತಿನಲ್ಲಿ ವಿಶ್ವದ ನಂ.11ನೇ ಆಟಗಾರ್ತಿ ಹಿರೊನಾ ಮಿಯು ಅವರನ್ನು ಎದುರಿಸಲಿದ್ದಾರೆ. ಸತ್ಯನ್ ಅವರು ವಿಶ್ವದ ನಂ.5ನೇ ರ್ಯಾಂಕಿನ ಜಪಾನ್ ಆಟಗಾರ ಹರಿಮೊಟೊ ಟೊಮೊಕಾಝು ಅವರ ಸವಾಲು ಎದುರಿಸಲಿದ್ದಾರೆ.