ಟೂರ್ ಡೆ ಫ್ರಾನ್ಸ್ ಸೈಕ್ಲಿಂಗ್ ರೇಸ್ ರದ್ದು
Update: 2020-04-14 16:58 GMT
ಪ್ಯಾರೀಸ್ , ಎ.14: ಕೋವಿಡ್ -19 ಕಾರಣದಿಂದಾಗಿ ಟೂರ್ ಡೆ ಫ್ರಾನ್ಸ್ ಸೈಕ್ಲಿಂಗ್ ರೇಸ್ ರದ್ದುಗೊಂಡಿದೆ.
ಫ್ರಾನ್ಸ್ ನ ಅಧ್ಯಕ್ಷ ಎಮ್ಯಾನುಯೆಲ್ ಮ್ಯಾಕ್ರನ್ ಅವರು ಸೋಮವಾರ ರಾಷ್ಟ್ರಕ್ಕೆ ನೀಡಿದ ಸಂದೇಶದಲ್ಲಿ ಜನಸಂದಣಿಯನ್ನು ಹೊಂದಿರುವ ಎಲ್ಲಾ ಸಾರ್ವಜನಿಕ ಕಾರ್ಯಕ್ರಮಗಳನ್ನು ಜುಲೈ ಮಧ್ಯದವರೆಗೂ ನಿಷೇಧಿಸಲಾಗಿದೆ ಎಂದು ಘೋಷಿಸಿದರು.
ಈ ಕಾರಣದಿಂದಾಗಿ ಟೂರ್ ಡೆ ಫ್ರಾನ್ಸ್ ಸೈಕ್ಲಿಂಗ್ ರೇಸ್ ನ್ನು ಸಂಘಟಕರು ರದ್ದುಗೊಳಿಸುವ ತೀರ್ಮಾನ ಕೈಗೊಂಡಿದ್ದಾರೆ. ಜೂನ್ 27ರಂದು ಇದು ಆರಂಭವಾಗಬೇಕಿತ್ತು. ಮುಂದಿನ ದಿನಾಂಕವನ್ನು ತಿಳಿಸಿಲ್ಲ.
1946 ರಲ್ಲಿ ಎರಡನೆಯ ಮಹಾಯುದ್ಧದ ಕಾರಣದಿಂದಾಗಿ ಟೂರ್ ಡೆ ಫ್ರಾನ್ಸ್ ಸೈಕ್ಲಿಂಗ್ ರೇಸ್ ನಡೆಸಲಾಗಲಿಲ್ಲ. ಆ ಬಳಿಕ ಇದೇ ಮೊದಲ ಬಾರಿ ರದ್ದಾಗಿದೆ.