ಜಾರ್ಜ್ ಫ್ಲಾಯ್ಡ್ ಹತ್ಯೆ: ಮೊಣಕಾಲೂರಿ ಪ್ರತಿಭಟನಕಾರರಿಗೆ ಅಮೆರಿಕದಾದ್ಯಂತ ಬೆಂಬಲ ಸೂಚಿಸಿದ ಪೊಲೀಸರು

ವಾಷಿಂಗ್ಟನ್: ಅಮೆರಿಕದ ಮಿನಪೊಲಿಸ್ ನಲ್ಲಿ ಪೊಲೀಸ್ ಸಿಬ್ಬಂದಿಯೊಬ್ಬ ಕರಿಯ ವ್ಯಕ್ತಿಯನ್ನು ಉಸಿರುಗಟ್ಟಿಸಿ ಕೊಂದ ಪ್ರಕರಣದ ವಿರುದ್ಧ ಭಾರೀ ಪ್ರತಿಭಟನೆ ನಡೆಸುತ್ತಿರುವ ಜನರಿಗೆ ನ್ಯೂಯಾರ್ಕ್ ನ ಹಲವು ಪೊಲೀಸ್ ಸಿಬ್ಬಂದಿ ಬೆಂಬಲ ವ್ಯಕ್ತಪಡಿಸಿದ್ದಾರೆ.

ನ್ಯೂಯಾರ್ಕ್ ನ ಹಲವು ಪೊಲೀಸರು ಮೊಣಕಾಲೂರಿ ಪ್ರತಿಭಟನಕಾರರನ್ನು ಬೆಂಬಲಿಸುತ್ತಿರುವ ವಿಡಿಯೋಗಳು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿವೆ.

ಕರಿಯ ವ್ಯಕ್ತಿ ಜಾರ್ಜ್ ಫ್ಲಾಯ್ಡ್ ರನ್ನು ಬಂಧಿಸುವಾಗ ಅವರ ಕುತ್ತಿಗೆಯ ಮೇಲೆ ಮೊಣಕಾಲೂರಿ ನಿಂತಿದ್ದ ಪೊಲೀಸ್ ಅಧಿಕಾರಿ ಫ್ಲಾಯ್ಡ್ ಸಾವಿಗೆ ಕಾರಣನಾಗಿದ್ದ. ಈಗಾಗಲೇ ಈ ಪೊಲೀಸ್ ಅಧಿಕಾರಿಯನ್ನು ಬಂಧಿಸಲಾಗಿದೆ ಹಾಗೂ ಆತನ ವಿರುದ್ಧ ಮೂರನೇ ದರ್ಜೆ ಕೊಲೆ ಆರೋಪವನ್ನು ಹೊರಿಸಲಾಗಿದೆ.

ಮಿನಿಯಾಪೊಲೀಸ್ ನ ಅಧಿಕಾರಿಗಳ ವರ್ತನೆ ಅಸ್ವೀಕಾರಾರ್ಹ ಎಂದು ಅಮೆರಿಕಾದಾದ್ಯಂತ ಹಲವು ಪೊಲೀಸರು ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ. ಈ ಬಗ್ಗೆ ಮಾತನಾಡಿರುವ ಹ್ಯೂಸ್ಟನ್ ನ ಪೊಲೀಸ್ ಮುಖ್ಯಸ್ಥ ಆರ್ಟ್ ಅಸೆವೆಡೋ, “ಜಾರ್ಜ್ ಫ್ಲಾಯ್ಡ್ ತ ಕೊಲೆಯನ್ನು ಕಾನೂನು ಮತ್ತು ಸಮುದಾಯ ಖಂಡಿಸಬೇಕು” ಎಂದಿದ್ದಾರೆ.

ಫ್ಲಾಯ್ಡ್ ರಿಗೆ ನ್ಯಾಯ ಒದಗಿಸುವಂತೆ ಆಗ್ರಹಿಸಿದ ನಡೆದ ಜಾಥಾದಲ್ಲಿ ಭಾಗವಹಿಸಿದ ಅವರು, “ಪ್ರತಿಭಟನೆಗಳು ನನಗೆ ಅರ್ಥವಾಗುತ್ತಿದೆ ಮತ್ತು ಈ ಘಟನೆಯನ್ನು ಸಮಸ್ಯೆಯಾಗಿ ಕಾಣದ ಅಮೆರಿಕನ್ನರ ಬಗ್ಗೆ ಸಿಟ್ಟು ಬರುತ್ತಿದೆ. ಜನರು ಕೋಪಗೊಂಡಾಗ ನಮಗೆ ಭಯವಾಗುವುದಿಲ್ಲ, ಏಕೆಂದರೆ ಜನರು ಕೋಪಗೊಂಡಾಗ ನಾವೂ ಅವರೊಂದಿಗೆ ಸೇರುತ್ತೇವೆ” ಎಂದವರು ಹೇಳಿದರು.

SCPD is fully supportive of peaceful protests @CityofSantaCruz and we always keep them safe.

Hundreds gathered on Pacific Ave in #SantaCruz, taking a knee together in memory of George Floyd & bringing attention to police violence against Black people. PhotoCredit @Shmuel_Thaler pic.twitter.com/EmfAfcIZaM

— Santa Cruz Police (@SantaCruzPolice) May 30, 2020

Numerous reports of this around NYC today: officers showing solidarity with protesters. (video below from SE Queens)

Please we need more of this. https://t.co/eIlgWHjuVC pic.twitter.com/Qdn8S9cZuA

— Mark D. Levine (@MarkLevineNYC) June 1, 2020