ಕೊರೋನದಿಂದ ಮೃತಪಟ್ಟ ವ್ಯಕ್ತಿಯ ಮೃತದೇಹವನ್ನು ಗುಂಡಿಗೆ ಎಸೆದರು!: ಆಘಾತಕಾರಿ ವಿಡಿಯೋ

ಚೆನ್ನೈ: ಕೊರೋನ ವೈರಸ್ ನಿಂದ ಮೃತಪಟ್ಟ ವ್ಯಕ್ತಿಯೊಬ್ಬರ ಮೃತದೇಹವನ್ನು ಸರಕಾರ  ನೇಮಿಸಿದ ಕೆಲಸಗಾರರು ಗುಂಡಿಗೆ ಎಸೆಯುತ್ತಿರುವ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ಭಾರೀ ಆಕ್ರೋಶ ಸೃಷ್ಟಿಸಿದೆ. ಪುದುಚೇರಿಯಲ್ಲಿ ಈ ಘಟನೆ ನಡೆದಿದೆ ಎನ್ನಲಾಗಿದೆ.

ಆ್ಯಂಬುಲೆನ್ಸ್ ನಲ್ಲಿ ಮೃತದೇಹವನ್ನು ತರುವ ಸಿಬ್ಬಂದಿ ನಂತರ ಅದನ್ನು ಗುಂಡಿಗೆ ಎಸೆಯುತ್ತಿರುವ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ಮೃತದೇಹವನ್ನು ಗುಂಡಿಗೆ ಎಸೆದಿದ್ದೇವೆ ಎಂದು ಅದರಲ್ಲೊಬ್ಬಾತ ಹೇಳುವುದು ಮತ್ತು ಅದಕ್ಕೆ ಅಧಿಕಾರಿಯೊಬ್ಬ ಸರಿ ಎಂದು ಹೇಳುವುದು ವಿಡಿಯೋದಲ್ಲಿ ಕಾಣಿಸುತ್ತದೆ.

ಕೊರೋನದಿಂದ ಮೃತಪಟ್ಟವರ ಮೃತದೇಹಗಳ ಅಂತ್ಯಸಂಸ್ಕಾರದ ವೇಳೆ ಪಾಲಿಸಬೇಕಾದ ಶಿಷ್ಟಾಚಾರಗಳನ್ನು ಪಾಲಿಸಲಾಗಿಲ್ಲ ಎನ್ನುವುದು ವಿಡಿಯೋದಲ್ಲಿ ಸ್ಪಷ್ಟವಾಗಿದೆ. ಈ ಮೃತದೇಹ ಚೆನ್ನೈ ನಿವಾಸಿಯೊಬ್ಬರದ್ದು ಎಂದು ವರದಿಯಾಗಿದೆ.

Body of a Chennai man who had COVID 19 was physically thrown in the burial ground pit near Villiyanur in Puducherry.@ramyakannan @dsureshkumar pic.twitter.com/zCOmurl0fV

— R SIVARAMAN (@SIVARAMAN74) June 6, 2020