ಕೇಂದ್ರ ಸಚಿವೆ ಸ್ಮೃತಿ ಇರಾನಿಗೆ ಕೊರೋನ ಪಾಸಿಟಿವ್
Update: 2020-10-28 13:24 GMT
ಹೊಸದಿಲ್ಲಿ: ಕೇಂದ್ರದ ಜವಳಿ, ಮಹಿಳಾ ಹಾಗೂ ಮಕ್ಕಳ ಕಲ್ಯಾಣ ಖಾತೆಯ ಸಚಿವೆ ಸ್ಮೃತಿ ಇರಾನಿಗೆ ಕೊರೋನ ಪಾಸಿಟಿವ್ ಇರುವುದು ದೃಢಪಟ್ಟಿದೆ. ಈ ವಿಚಾರವನ್ನು ಅವರು ಬುಧವಾರ ಸ್ವತಃ ಟ್ವೀಟ್ ಮುಖಾಂತರ ಖಚಿತಪಡಿಸಿದ್ದಾರೆ.
"ನನಗೆ ಕೋವಿಡ್-19 ಸೋಂಕು ದೃಢಪಟ್ಟಿದೆ. ನನ್ನೊಂದಿಗೆ ಸಂಪರ್ಕಕ್ಕೆ ಬಂದವರೆಲ್ಲರೂ ಆದಷ್ಟು ಬೇಗನೆ ಪರೀಕ್ಷಿ ಮಾಡಿಸಿಕೊಳ್ಳಿ' ಎಂದು ಇರಾನಿ ಟ್ವೀಟಿಸಿದ್ದಾರೆ.
ಭಾರತದಲ್ಲಿ ಬುಧವಾರ ಕೊರೋನ ವೈರಸ್ ಪ್ರಕರಣಗಳ ಸಂಖ್ಯೆಯು 80 ಲಕ್ಷ ಸನಿಹ ತಲುಪಿದೆ. ಬುಧವಾರ ಒಂದೇ ದಿನ 43, 893 ಹೊಸ ಪ್ರಕರಣಗಳು ಪತ್ತೆಯಾಗಿದೆ.