ಆಸ್ಟ್ರೇಲಿಯಾ: ಸಮುದ್ರದಲ್ಲಿ ವಿಮಾನ ಪತನ, 2 ಮಕ್ಕಳು ಸೇರಿದಂತೆ 4 ಮಂದಿ ಮೃತ್ಯು
Update: 2021-12-19 12:38 IST
ಮೆಲ್ಬೋರ್ನ್ : ಆಸ್ಟ್ರೇಲಿಯದ ಪೂರ್ವ ಕ್ವೀನ್ಸ್ ಲ್ಯಾಂಡ್ ಕರಾವಳಿಯಲ್ಲಿ ರವಿವಾರ ಬೆಳಗ್ಗೆ ಲಘು ವಿಮಾನವೊಂದು ಸಮುದ್ರದಲ್ಲಿ ಪತನಗೊಂಡಿದ್ದು, ಇಬ್ಬರು ಮಕ್ಕಳು ಸೇರಿದಂತೆ ಎಲ್ಲಾ ನಾಲ್ವರು ಸಾವನ್ನಪ್ಪಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.
69 ವರ್ಷದ ಪುರುಷ ಪೈಲಟ್ ಮೂವರು ಪ್ರಯಾಣಿಕರನ್ನು ಜಾಯ್ ರೈಡ್ಗೆ ಕರೆದೊಯ್ದಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ. ನಾಲ್ಕು ಆಸನಗಳ ವಿಮಾನವು ಬ್ರಿಸ್ಬೇನ್ನ ಈಶಾನ್ಯದಲ್ಲಿರುವ ರೆಡ್ಕ್ಲಿಫ್ ಏರ್ಫೀಲ್ಡ್ನಿಂದ ಬೆಳಿಗ್ಗೆ 9 ಗಂಟೆಗೆ ಟೇಕಾಫ್ ಆದ ಸ್ವಲ್ಪ ಸಮಯದ ನಂತರ ಏಕೆ ಪತನಗೊಂಡಿತು ಎಂಬ ಕುರಿತು ತನಿಖೆ ನಡೆಯುತ್ತಿದೆ.
69 ವರ್ಷದ ಪುರುಷ ಪೈಲಟ್ ಸೇರಿದಂತೆ ನಾಲ್ಕು ಮೃತದೇಹಗಳನ್ನು ರಾತ್ರಿ 12 ಗಂಟೆಗೆ ವಿಮಾನದಿಂದ ಹೊರತೆಗೆಯಲಾಯಿತು.
ರಾಕ್ವೆಲ್ ಇಂಟರ್ನ್ಯಾಶನಲ್ ವಿಮಾನವು ಮೊರೆಟನ್ ಕೊಲ್ಲಿಯಲ್ಲಿ ತಲೆಕೆಳಗಾಗಿ ತೇಲುತ್ತಿರುವುದನ್ನು ಚಿತ್ರಗಳು ತೋರಿಸಿವೆ.
ಆರರಿಂದ ಎಂಟು ವಾರಗಳಲ್ಲಿ ಅಪಘಾತದ ಸಂಭವನೀಯ ಕಾರಣದ ವರದಿಯನ್ನು ಪೂರ್ಣಗೊಳಿಸಲಾಗುವುದು ಎಂದು ಆಸ್ಟ್ರೇಲಿಯಾದ ಸಾರಿಗೆ ಸುರಕ್ಷತಾ ಮಂಡಳಿಯ ಆಯುಕ್ತ ಆಂಗಸ್ ಮಿಚೆಲ್ ಹೇಳಿದ್ದಾರೆ.