ಸತತ ಎರಡನೇ ಬಾರಿ ವಿಶ್ವಕಪ್ ಗೆ ಅರ್ಹತೆ ಪಡೆಯಲು ವಿಫಲವಾದ ಇಟಲಿ

ರೋಮ್: ಎಂಟು ತಿಂಗಳ ಹಿಂದೆಯಷ್ಟೇ ಯುರೋಪಿಯನ್ ಚಾಂಪಿಯನ್‌ಶಿಪ್ ಗೆದ್ದುಕೊಂಡಿದ್ದ ಇಟಲಿ  ಫಟ್ಬಾಲ್ ತಂಡವು ಮುಂಬರುವ ವಿಶ್ವಕಪ್‌ಗೆ ಅರ್ಹತೆ ಪಡೆಯುವಲ್ಲಿ ವಿಫಲವಾಗಿದೆ.

ಗುರುವಾರ ನಡೆದ ವಿಶ್ವಕಪ್  ಅರ್ಹತಾ ಪಂದ್ಯದಲ್ಲಿ ನಾರ್ತ್ ಮ್ಯಾಸಿಡೋನಿಯಾ ತಂಡದ ವಿರುದ್ಧ ಇಟಲಿ 1-0 ಅಂತರದಿಂದ ಸೋಲನುಭವಿಸಿತು.

ಇಟಲಿಯು ಇದೇ  ಮೊದಲ ಬಾರಿ ಸತತ ಎರಡನೇ   ವಿಶ್ವಕಪ್‌ನಿಂದ ಹೊರಗುಳಿಯಲಿದೆ.  2018 ರಲ್ಲಿ ಪಂದ್ಯಾವಳಿಗೆ ಪ್ರವೇಶಿಸಲು ವಿಫಲವಾಗಿತ್ತು.

ಕಳೆದ ವರ್ಷದ ಜುಲೈನಲ್ಲಿ  ರಾಬರ್ಟೊ ಮ್ಯಾನ್ಸಿನಿ ತರಬೇತಿಯಲ್ಲಿ ಪಳಗಿದ್ದ ಇಟಲಿ ತಂಡವು ವೆಂಬ್ಲಿ ಸ್ಟೇಡಿಯಂನಲ್ಲಿ ಯುರೋ-2020 ಕಪ್ ಅನ್ನು ಗೆದ್ದುಕೊಂಡು ಸಂಭ್ರಮಿಸಿತ್ತು.