ಪಂಜಾಬ್‌: ಆಪ್‌ ಶಾಸಕಿ ಬಲ್ಜಿಂದರ್‌ ಕೌರ್‌ ಮೇಲೆ ಪತಿಯಿಂದ ಕಪಾಳಮೋಕ್ಷ; ವೀಡಿಯೊ ವೈರಲ್‌

ಚಂಡಿಗಡ: ದೇಶವು ಮಹಿಳೆಯರ ವಿರುದ್ಧದ ಅಪರಾಧಗಳ ಹೆಚ್ಚಳಕ್ಕೆ ಸಾಕ್ಷಿಯಾಗುತ್ತಿರುವಾಗ ಆಮ್ ಆದ್ಮಿ ಪಕ್ಷದ (ಎಎಪಿ) ಶಾಸಕಿ ಬಲ್ಜಿಂದರ್ ಕೌರ್ (AAP MLA Baljinder Kaur) ಅವರು ತನ್ನ  ಪತಿಯಿಂದಲೇ  ಹಲ್ಲೆಗೊಳಗಾಗಿರುವ ವೀಡಿಯೊ  ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿದೆ.

ಶಾಸಕಿಯ ಪಂಜಾಬ್ ಮನೆಯಲ್ಲಿ ಈ ಘಟನೆ ನಡೆದಿದೆ. ಶಾಸಕಿಯೊಬ್ಬರ ಮೇಲೆ ಹಲ್ಲೆ ನಡೆದಿರುವುದನ್ನು ಕಂಡು ಜನರು ಬೆಚ್ಚಿಬಿದ್ದಿದ್ದು., ಇದು ಭಾರೀ ಪ್ರತಿಕ್ರಿಯೆಗೆ ಕಾರಣವಾಗಿದೆ.

ಪಂಜಾಬ್ ಶಾಸಕಿ ಬಲ್ಜಿಂದರ್ ಕೌರ್ ಅವರ ಮನೆಯಲ್ಲಿ ಆಪ್ ನಾಯಕರೂ ಆದ ಅವರ ಪತಿ ಕಪಾಳಮೋಕ್ಷ ಮಾಡಿರುವುದು ವೀಡಿಯೊದಲ್ಲಿ ಕಂಡುಬಂದಿದೆ. ಕೌರ್ ಹಾಗೂ ಅವರ ಪತಿ  ಇತರ ಜನರ ಸಮ್ಮುಖದಲ್ಲಿ ಜಗಳವಾಡಿದ್ದಾರೆ.  ಪತಿ ಸುಖರಾಜ್ ಸಿಂಗ್ ಇದ್ದಕ್ಕಿದ್ದಂತೆ ಕೋಪದ ಭರದಲ್ಲಿ ಕೌರ್‌ಗೆ ಕಪಾಳಮೋಕ್ಷ ಮಾಡಿದಾಗ  ಸಿಂಗ್ ನನ್ನು  ಸ್ಥಳದಲ್ಲಿದ್ದ ಇತರರು ಎಳೆದೊಯ್ದಿದ್ದಾರೆ. ತಲವಂಡಿ ಸಾಬೋ ಎಂಬಲ್ಲಿನ ದಂಪತಿಯ ಮನೆಯ ಸಮೀಪವಿರುವ ಸಿಸಿಟಿವಿ ಕ್ಯಾಮೆರಾದಲ್ಲಿ ಘಟನೆ ಸೆರೆಯಾಗಿದೆ.

ಟ್ರಿಬ್ಯೂನ್ ವರದಿ ಮಾಡಿದಂತೆ, ಪಂಜಾಬ್ ರಾಜ್ಯ ಮಹಿಳಾ ಆಯೋಗದ ಅಧ್ಯಕ್ಷೆ ಮನೀಶಾ ಗುಲಾಟಿ ಈ ವಿಷಯವನ್ನು ಗಮನಿಸಿದ್ದು, “ನಾನು ಸಾಮಾಜಿಕ ಮಾಧ್ಯಮದಲ್ಲಿ ಬಲ್ಜಿಂದರ್ ಕೌರ್ ಅವರ ವೀಡಿಯೊವನ್ನು ನೋಡಿದ್ದೇನೆ. ಘಟನೆಯ ಬಗ್ಗೆ ನಾವು ಸ್ವಯಂ ಪ್ರೇರಿತ ನೋಟಿಸ್ ನೀಡುತ್ತೇವೆ. ಸಾರ್ವಜನಿಕ ಸಮಸ್ಯೆಗಳನ್ನು ಎತ್ತುವ ಮಹಿಳೆಗೆ ಆಕೆಯ ಮನೆಯಲ್ಲಿ ಕಿರುಕುಳ ನೀಡುತ್ತಿರುವುದು ಬೇಸರ ತಂದಿದೆ ಎಂದರು.

50 ಸೆಕೆಂಡುಗಳ ವೀಡಿಯೊ ಜುಲೈ 10 ರಂದು ಸೆರೆಯಾಗಿದೆ.  ಆದರೆ ಇದೀಗ ಅದು ಬಹಿರಂಗವಾಗಿದೆ. ಪಂಜಾಬ್ ಅನ್ನು ಆಳುವ ಎಎಪಿ ಕ್ಲಿಪ್ ಬಗ್ಗೆ ಯಾವುದೇ ಪ್ರತಿಕ್ರಿಯೆ ನೀಡಿಲ್ಲ.

ಬಲ್ಜಿಂದರ್ ಕೌರ್ ತಲ್ವಾಂಡಿ ಸಾಬೊದಿಂದ ಎರಡು ಬಾರಿ ಶಾಸಕರಾಗಿದ್ದಾರೆ. ಅವರು ದೂರು ದಾಖಲಿಸಿಲ್ಲ, ಆದರೆ ಪಂಜಾಬ್ ರಾಜ್ಯ ಮಹಿಳಾ ಆಯೋಗ ಮಧ್ಯ ಪ್ರವೇಶಿಸಿದೆ

Empowering women is not a deterrent to stop violence against women.Shocking to see @BaljinderKaur_ MLA getting slapped in broad day light.Mindset of men has to change.
The problem lies in the perpetrator’s of these acts.Change this male chauvinism attitude more then anything else pic.twitter.com/Qxm6rhrtht

— Brinder (@brinderdhillon) September 1, 2022