'ಪಠಾಣ್' ವಿರುದ್ಧದ ಪ್ರತಿಭಟನೆ ಕೈಬಿಟ್ಟ ವಿಶ್ವ ಹಿಂದೂ ಪರಿಷತ್‌: ಕಾರಣ ಇಲ್ಲಿದೆ
Update: 2023-01-25 08:12 GMT
ಮುಂಬೈ: ಇಂದು ಬಿಡುಗಡೆಗೊಂಡಿರುವ ಶಾರುಖ್‌ ಖಾನ್ (Shah Rukh Khan), ದೀಪಿಕಾ ಪಡುಕೋಣೆ (Deepika Padukone) ಅಭಿನಯದ "ಪಠಾನ್" (Pathaan) ಚಿತ್ರವನ್ನು ಸದ್ಯ ವಿರೋಧಿಸದೇ ಇರಲು ವಿಶ್ವ ಹಿಂದು ಪರಿಷದ್‌ (VHP withdraws protest against Shah Rukh Khan's 'Pathaan' movie) ನಿರ್ಧರಿಸಿದೆ. ಚಿತ್ರದಲ್ಲಿ ಕೆಲವೊಂದು ಬದಲಾವಣೆಗಳನ್ನು ಮಾಡಿರುವುದರಿಂದ ಈ ನಿರ್ಧಾರ ಎಂದು ವಿಹಿಂಪ ವಕ್ತಾರ ಶ್ರೀರಾಜ್‌ ಬಿ ನಾಯರ್‌ ತಿಳಿಸಿದ್ದಾರೆ,
"ಚಲನಚಿತ್ರವನ್ನು ವೀಕ್ಷಿಸದೆ ವಿರೋಧಿಸುವುದು ಸರಿಯಾಗದು, ಈ ಹಿಂದೆ ನಾವು ಕೇಸರಿ ಬಣ್ಣದ ದುರ್ಬಳಕೆ ಮತ್ತು ಬೇಷರಮ್‌ ರಂಗ್‌ ಪದಗಳ ಪ್ರಯೋಗಕ್ಕೆ ವಿರೋದಿಸಿದ್ದೆವು. ಆಕ್ಷೇಪದ ಹಿನ್ನೆಲೆಯಲ್ಲಿ ಬದಲಾವಣೆ ಮಾಡಲಾಗಿದೆ. ಚಿತ್ರ ವೀಕ್ಷಿಸಿದ ನಂತರ ಏನಾದರೂ ಸರಿಯಿಲ್ಲ ಎಂದಾದರೆ ನಮ್ಮ ನಿರ್ಧಾರ ಮರುಪರಿಶೀಲಿಸುವೆವು," ಎಂದು ನಾಯರ್‌ ಹೇಳಿದ್ದಾರೆ.
ಇದನ್ನೂ ಓದಿ: ಬಿಡುಗಡೆಯ ಮುನ್ನಾ ದಿನವೇ ಆನ್‌ಲೈನ್ ನಲ್ಲಿ 'ಪಠಾಣ್' ಸಿನೆಮಾ ಸೋರಿಕೆ