ಟಾಟಾ, ಬಿರ್ಲಾ, ಅದಾನಿ, ಅಂಬಾನಿ ಸಮಯಕ್ಕಿಂತ ನನ್ನ ಸಮಯ ಮೌಲ್ಯವಾದದ್ದು: ರಾಮ್ ದೇವ್
ಪಣಜಿ: ಕಾರ್ಪೊರೇಟ್ಗಳು ತಮ್ಮ ಶೇಕಡಾ 99 ರಷ್ಟು ಸಮಯವನ್ನು ಸ್ವಹಿತಾಸಕ್ತಿಗಾಗಿ ಕಳೆಯುತ್ತಾರೆ, ಆದರೆ ಸನ್ಯಾಸಿಗಳ ಸಮಯವು ಎಲ್ಲರ ಒಳಿತಿಗಾಗಿ ಎಂದು ಯೋಗ ಗುರು ರಾಮ್ದೇವ್ ರವಿವಾರ ಹೇಳಿದ್ದಾರೆ.
ತಾನು ಇಲ್ಲಿದ್ದ ಮೂರು ದಿನಗಳು ಅಂಬಾನಿ ಮತ್ತು ಅದಾನಿಗಳಂತಹ ಬಿಲಿಯನೇರ್ ಕೈಗಾರಿಕೋದ್ಯಮಿಗಳ ಸಮಯಕ್ಕಿಂತ ಹೆಚ್ಚು ಮೌಲ್ಯಯುತವಾಗಿದೆ ಎಂದು ಅವರು ಹೇಳಿದರು.
“ನಾನು ಹರಿದ್ವಾರದಿಂದ ಮೂರು ದಿನ ಇಲ್ಲಿಗೆ ಬಂದಿದ್ದೇನೆ. ನನ್ನ ಸಮಯವು ಅದಾನಿ, ಅಂಬಾನಿ, ಟಾಟಾ, ಬಿರ್ಲಾಗಳಿಗಿಂತ ಹೆಚ್ಚು ಮೌಲ್ಯಯುತವಾಗಿದೆ. ಕಾರ್ಪೊರೇಟ್ಗಳು ತಮ್ಮ ಶೇಕಡಾ 99 ರಷ್ಟು ಸಮಯವನ್ನು ಸ್ವಹಿತಾಸಕ್ತಿಗಾಗಿ ಕಳೆಯುತ್ತಾರೆ, ಆದರೆ ಸನ್ಯಾಸಿಯ ಸಮಯವು ಸಾಮಾನ್ಯ ಒಳಿತಿಗಾಗಿ ಇರುತ್ತದೆ” ಎಂದಿದ್ದಾರೆ.
ಗೋವಾ ಮುಖ್ಯಮಂತ್ರಿ ಪ್ರಮೋದ್ ಸಾವಂತ್ ಮತ್ತು ಕೇಂದ್ರ ಸಚಿವ ಶ್ರೀಪಾದ್ ನಾಯಕ್ ಅವರ ಸಮ್ಮುಖದಲ್ಲಿ ರಾಮ್ದೇವ್ ತಮ್ಮ ಸಹಾಯಕ ಆಚಾರ್ಯ ಬಾಲಕೃಷ್ಣ ಅವರನ್ನು ಸನ್ಮಾನಿಸಲು ಆಯೋಜಿಸಿದ್ದ ಸಮಾರಂಭವನ್ನು ಉದ್ದೇಶಿಸಿ ಮಾತನಾಡಿದರು.
ಬಾಲಕೃಷ್ಣ ಅವರು ತಮ್ಮ ವೃತ್ತಿಪರ ಆಡಳಿತ, ಪಾರದರ್ಶಕ ನಿರ್ವಹಣೆ ಮತ್ತು ಹೊಣೆಗಾರಿಕೆಯಿಂದಾಗಿ ಪತಂಜಲಿಯನ್ನು ಈ ಆರ್ಥಿಕ ವರ್ಷದಲ್ಲಿ 40,000 ಕೋಟಿ ರೂಪಾಯಿಗಳ ವಹಿವಾಟು ಸಂಸ್ಥೆಗೆ ಪುನರುಜ್ಜೀವನಗೊಳಿಸಿದ್ದಾರೆ ಎಂದು ಶ್ಲಾಘಿಸಿದ್ದಾರೆ.
ಪತಂಜಲಿಯಂತಹ ಸಾಮ್ರಾಜ್ಯವನ್ನು ನಿರ್ಮಿಸಿ ಮುಂದೆ ಕೊಂಡೊಯ್ಯುವ ಮೂಲಕ ಭಾರತವನ್ನು 'ಅತ್ಯಂತ ವೈಭವಯುತ' ಮಾಡುವ ಕನಸನ್ನು ನನಸಾಗಿಸಬಹುದು ಎಂದು ಹೇಳಿದರು.