ಐಪಿಎಲ್: ಚೆನ್ನೈ ಗೆಲುವಿಗೆ 176 ರನ್ ಗುರಿ ನೀಡಿದ ರಾಜಸ್ಥಾನ ರಾಯಲ್ಸ್
Update: 2023-04-12 21:24 IST
ಚೆನ್ನೈ, ಎ.12: ಆರಂಭಿಕ ಬ್ಯಾಟರ್ ಜೋಸ್ ಬಟ್ಲರ್(52 ರನ್, 36 ಎಸೆತ)ನೇತೃತ್ವದಲ್ಲಿ ಬ್ಯಾಟರ್ಗಳ ಸಂಘಟಿತ ಪ್ರಯತ್ನದ ಬಲದಿಂದ ರಾಜಸ್ಥಾನ ರಾಯಲ್ಸ್ ತಂಡ ಚೆನ್ನೈ ಸೂಪರ್ ಕಿಂಗ್ಸ್ ವಿರುದ್ಧ ಐಪಿಎಲ್ನ 17ನೇ ಪಂದ್ಯದಲ್ಲಿ ನಿಗದಿತ 20 ಓವರ್ಗಳಲ್ಲಿ 8 ವಿಕೆಟ್ಗಳ ನಷ್ಟಕ್ಕೆ 175 ರನ್ ಕಲೆ ಹಾಕಿದೆ.
ಬುಧವಾರ ಟಾಸ್ ಜಯಿಸಿದ ಚೆನ್ನೈ ನಾಯಕ ಎಂ.ಎಸ್.ಧೋನಿ ರಾಜಸ್ಥಾನ ತಂಡವನ್ನು ಮೊದಲು ಬ್ಯಾಟಿಂಗ್ಗೆ ಇಳಿಸಿದರು.
ರಾಜಸ್ಥಾನದ ಪರ ಬಟ್ಲರ್(52 ರನ್, 36 ಎಸೆತ, 1 ಬೌಂಡರಿ, 3 ಸಿಕ್ಸರ್)ಸರ್ವಾಧಿಕ ಸ್ಕೋರ್ ಗಳಿಸಿದರು. ದೇವದತ್ತ ಪಡಿಕ್ಕಲ್(38 ರನ್, 26 ಎಸೆತ), ಆರ್.ಅಶ್ವಿನ್(30 ರನ್, 22 ಎಸೆತ) ಹಾಗೂ ಶಿಮ್ರಿನ್ ಹೆಟ್ಮೆಯರ್(ಔಟಾಗದೆ 30 ರನ್, 18 ಎಸೆತ)ಎರಡಂಕೆಯ ಸ್ಕೋರ್ ಗಳಿಸಿದರು.
ಚೆನ್ನೈ ಪರ ರವೀಂದ್ರ ಜಡೇಜ(2-21), ತುಷಾರ್ ದೇಶಪಾಂಡೆ(2-37)ಹಾಗೂ ಆಕಾಶ್ ಸಿಂಗ್(2-40)ತಲಾ ಎರಡು ವಿಕೆಟ್ಗಳನ್ನು ಪಡೆದರು.