ಸಿರಿಯಾದ ಅಧ್ಯಕ್ಷ ಬಶರ್ ಅಲ್-ಅಸ್ಸಾದ್‌ಗೆ ಬಂಧನ ವಾರಂಟ್ ಜಾರಿಗೊಳಿಸಿದ ಫ್ರಾನ್ಸ್

ಪ್ಯಾರಿಸ್:‌ 2013ರಲ್ಲಿ ರಾಸಾಯನಿಕ ದಾಳಿಗೆ ಸಂಬಂಧಿಸಿದಂತೆ ಮಾನವೀಯತೆಯ ವಿರುದ್ಧದ ಅಪರಾಧ ಮತ್ತು ಯುದ್ಧಾಪರಾಧದಲ್ಲಿ ಭಾಗಿಯಾಗಿರುವ ಆರೋಪದ ಮೇಲೆ ಸಿರಿಯಾದ ಅಧ್ಯಕ್ಷ ಬಶರ್ ಅಲ್-ಅಸ್ಸಾದ್‌ಗೆ ಫ್ರಾನ್ಸ್ ಅಂತಾರಾಷ್ಟ್ರೀಯ ಬಂಧನ ವಾರಂಟ್ ಜಾರಿ ಮಾಡಿದೆ ಎಂದು ವರದಿಯಾಗಿದೆ.

ಆಗಸ್ಟ್ 2013 ರಲ್ಲಿ ಡಮಾಸ್ಕಸ್ ಬಳಿ ಸರಿನ್ ಗ್ಯಾಸ್ ದಾಳಿಯಿಂದಾಗಿ 1,400 ಕ್ಕೂ ಹೆಚ್ಚು ಜನರು ಉಸಿರುಗಟ್ಟಿ ಸಾವನ್ನಪ್ಪಿದರು.

ಈ ಪ್ರಕರಣ ಕುರಿತಂತೆ 2021 ರಿಂದ ವಿಚಾರಣೆ ನಡೆಸುತ್ತಿರುವ ಪ್ಯಾರಿಸ್ ನ್ಯಾಯಾಲಯದ ಘಟಕವು ಅಸ್ಸಾದ್ ಮಾತ್ರವಲ್ಲದೆ, ಅವರ ಸಹೋದರ ಮಹರ್, ನಾಲ್ಕನೇ ವಿಭಾಗದ ಡಿ-ಫ್ಯಾಕ್ಟೋ ಮುಖ್ಯಸ್ಥ, ಸಿರಿಯನ್ ಸೇನೆಯ ಗಣ್ಯ ಮಿಲಿಟರಿ ಘಟಕ ಮತ್ತು ಇಬ್ಬರು ಜನರಲ್‌ಗಳ ಬಂಧನಕ್ಕಾಗಿಯೂ ಅಂತರರಾಷ್ಟ್ರೀಯ ವಾರಂಟ್‌ಗಳನ್ನು ನೀಡಿದೆ.

ಸಾರ್ವತ್ರಿಕ ನ್ಯಾಯವ್ಯಾಪ್ತಿಯ ತತ್ತ್ವದ ಅಡಿಯಲ್ಲಿ ವಿಶ್ವದ ಎಲ್ಲಿಯಾದರೂ ಮಾಡಿದ ಆಪಾದಿತ ಯುದ್ಧ ಅಪರಾಧಗಳು ಮತ್ತು ಮಾನವೀಯತೆಯ ವಿರುದ್ಧದ ಅಪರಾಧಗಳನ್ನು ಫ್ರಾನ್ಸ್ ವಿಚಾರಣೆಗೆ ಒಳಪಡಿಸಬಹುದು.