ಸೊಮಾಲಿಯಾ: ಬಾಂಬ್ಸ್ಫೋಟ ಕನಿಷ್ಟ 10 ಮಂದಿ ಮೃತ್ಯು
Update: 2023-09-23 23:18 IST
ಸಾಂದರ್ಭಿಕ ಚಿತ್ರ
ಮೊಗದಿಶು : ಶನಿವಾರ ಮಧ್ಯ ಸೊಮಾಲಿಯಾದ ಬೆಲೆಡ್ವೆಯ್ನ್ ನಗರದ ಚೆಕ್ಪೋಸ್ಟ್ ಬಳಿ ಟ್ರಕ್ನಲ್ಲಿಟ್ಟಿದ್ದ ಬಾಂಬ್ ಸ್ಫೋಟಿಸಿ ಕನಿಷ್ಟ 10 ಮಂದಿ ಮೃತಪಟ್ಟಿದ್ದು, ಸಮೀಪದ ಕಟ್ಟಡ ನೆಲಸಮಗೊಂಡಿದೆ ಎಂದು ಪೊಲೀಸ್ ಅಧಿಕಾರಿಗಳು ಹೇಳಿದ್ದಾರೆ.
ಪ್ರಾಥಮಿಕ ಮಾಹಿತಿಯ ಪ್ರಕಾರ ಯೋಧರು ಹಾಗೂ ನಾಗರಿಕರು ಸೇರಿದಂತೆ 10 ಮಂದಿ ಮೃತಪಟ್ಟಿದ್ದು 12ಕ್ಕೂ ಅಧಿಕ ಮಂದಿ ಗಾಯಗೊಂಡಿದ್ದಾರೆ. ಗಾಯಾಳುಗಳಲ್ಲಿ ಕೆಲವರ ಸ್ಥಿತಿ ಗಂಭೀರವಾಗಿದ್ದು ಸಾವಿನ ಸಂಖ್ಯೆ ಹೆಚ್ಚುವ ಸಾಧ್ಯತೆಯಿದೆ. ಯಾವುದೇ ಸಂಘಟನೆ ಸ್ಫೋಟದ ಹೊಣೆ ವಹಿಸಿಕೊಂಡಿಲ್ಲ ಎಂದು ಉನ್ನತ ಮೂಲಗಳನ್ನು ಉಲ್ಲೇಖಿಸಿ ರಾಯ್ಟರ್ಸ್ ವರದಿ ಮಾಡಿದೆ.