ರಿಯಲ್ ಮ್ಯಾಡ್ರಿಡ್ ಫಾರ್ವರ್ಡ್ ಆಟಗಾರ ವಿನಿಸಿಯಸ್ ಜೂನಿಯರ್‌ಗೆ ನಾಲ್ಕು ಪಂದ್ಯಗಳ ನಿಷೇಧ
ರಿಯಲ್ ಮ್ಯಾಡ್ರಿಡ್ ಫಾರ್ವರ್ಡ್ | Photo Credit : X
ಮ್ಯಾಡ್ರಿಡ್: ಸ್ಪ್ಯಾನಿಶ್ ಫುಟ್ಬಾಲ್ ಫೆಡರೇಶನ್‌ನ ಶಿಸ್ತು ಸಮಿತಿಯು ಬ್ರೆಝಿಲ್ ಫಾರ್ವರ್ಡ್ ಆಟಗಾರ ವಿನಿಸಿಯಸ್ ಜೂನಿಯರ್‌ಗೆ ನಾಲ್ಕು ಪಂದ್ಯಗಳಿಂದ ನಿಷೇಧ ವಿಧಿಸಿದೆ.
ರಿಯಲ್ ಮ್ಯಾಡ್ರಿಡ್ ಫಾರ್ವರ್ಡ್ ಆಟಗಾರ ವಿನಿಸಿಯಸ್ ಜೂನಿಯರ್ ಬಾರ್ಸಿಲೋನ ವಿರುದ್ಧದ ಋತುವಿನ ಮೊದಲ ಕ್ಲಾಸಿಕೊ ಪಂದ್ಯದಿಂದ ವಂಚಿತರಾಗಲಿದ್ದಾರೆ.
ಶನಿವಾರ ವಿಲ್ಲಾರಿಯಲ್ ತಂಡದ ವಿರುದ್ಧ ಮ್ಯಾಡ್ರಿಡ್ 1-0 ಅಂತರದಿಂದ ಗೆದ್ದ ಪಂದ್ಯದ ವೇಳೆ ಬದಲಿ ಆಟಗಾರನಾಗಿ ಮೈದಾನಕ್ಕಿಳಿದಿದ್ದ ವಿನಿಸಿಯಸ್, ನಾಥನ್ ಸಲಿಬಾ ಅವರ ಕೂದಲನ್ನು ಎಳೆದಿದ್ದರು. ಹೀಗಾಗಿ ಅವರನ್ನು ಮೈದಾನದಿಂದ ಹೊರಗೆ ಕಳುಹಿಸಲಾಗಿತ್ತು.
ರೆಡ್ ಕಾರ್ಡ್ ಪಡೆದಿದ್ದಕ್ಕಾಗಿ ವಿನಿಸಿಯಸ್‌ಗೆ ಶಿಸ್ತು ಸಮಿತಿಯು ಎರಡು ಪಂದ್ಯಗಳಿಂದ ನಿಷೇಧ ವಿಧಿಸಿತು ಹಾಗೂ ರೆಫರಿ ವಿರುದ್ಧ ಪ್ರತಿಭಟನೆ ನಡೆಸಿದ್ದಕ್ಕಾಗಿ ಇನ್ನೂ ಎರಡು ಪಂದ್ಯಗಳಿಂದ ನಿಷೇಧ ವಿಧಿಸಲಾಗಿದೆ.
ವಿನಿಸಿಯಸ್ ಈ ತಿಂಗಳ ಆರಂಭದಲ್ಲಿ ಕೋಲ್ಕತಾದಲ್ಲಿ ನಡೆದಿದ್ದ ಸೌಹಾರ್ದ ಪಂದ್ಯದಲ್ಲಿ ಭಾರತ ತಂಡವನ್ನು 4-0 ಅಂತರದಿಂದ ಸೋಲಿಸಿದ್ದ ಬ್ರೆಝಿಲ್ ತಂಡದ ಭಾಗವಾಗಿದ್ದರು.
ನಾಲ್ಕು ಪಂದ್ಯಗಳ ನಿಷೇಧದಿಂದಾಗಿ ವಿನಿಸಿಯಸ್ ಅವರು ಸೆವಿಲ್ಲಾ, ಬಾರ್ಸಿಲೋನ, ರೇಸಿಂಗ್ ಸ್ಯಾಂಟ್ಯಾಂಡರ್ ಹಾಗೂ ವೆಲೆನ್ಸಿಯಾ ವಿರುದ್ಧದ ಲೀಗ್ ಪಂದ್ಯಗಳಿಂದ ವಂಚಿತರಾಗಿದ್ದಾರೆ.
ರೋಮಾ ವಿರುದ್ಧ ರಿಯಲ್ ಮ್ಯಾಡ್ರಿಡ್‌ನ ಚಾಂಪಿಯನ್ಸ್ ಲೀಗ್ ಪಂದ್ಯಕ್ಕಿಂತ ಮೊದಲು ನಿಷೇಧ ಹೇರಲಾಗಿದ್ದು, ನಿಷೇಧ ವಿಧಿಸಿದ ಸಮಯವನ್ನು ರಿಯಲ್ ಮ್ಯಾಡ್ರಿಡ್ ಕೋಚ್ ಜೋಸ್ ಮೌರಿನ್ಹೊ ಪ್ರಶ್ನಿಸಿದ್ದಾರೆ.