ಆಧುನಿಕ ಭಾರತ ಸರ್ವ ಜನಾಂಗದ ಶಾಂತಿಯ ತೋಟವಾಗಬೇಕು- ಗೃಹಸಚಿವ ಡಾ. ಪರಮೇಶ್ವರ್

ಧರ್ಮಸ್ಥಳ: ಆಧುನಿಕ ಭಾರತ ಕುವೆಂಪುರವರು ಹೇಳಿದಂತೆ ಸರ್ವ ಜನಾಂಗದ ಶಾಂತಿಯ ತೋಟವಾಗಬೇಕು ಎಂದು ಕರ್ನಾಟಕ ಸರ್ಕಾರದ ಗೃಹಸಚಿವ ಡಾ. ಜಿ. ಪರಮೇಶ್ವರ ತಿಳಿಸಿದ್ದಾರೆ.

ಅವರು ಶುಕ್ರವಾರ ಧರ್ಮ ಸ್ಥಳದ ಅಮೃತವರ್ಷಿಣಿ ಸಭಾಭವನದಲ್ಲಿ ಶುಕ್ರವಾರ 92ನೇ ಅಧಿವೇಶನ ಸರ್ವಧರ್ಮ ಮತ್ತು ಸಾಹಿತ್ಯ ಸಮ್ಮೇಳನದ 92ನೇ ಅಧಿವೇಶ ನವನ್ನು ಉದ್ಘಾಟಿಸಿ ಮಾತನಾ ಡುತ್ತಿದ್ದರು.

ಈ ದೇಶದಲ್ಲಿ ಪ್ರತಿಯೊಬ್ಬ ಪ್ರಜೆಯೂ ಶಾಂತಿಯಿಂದ ಬಾಳುವ ವಾತಾವರಣ ನಿರ್ಮಾಣವಾಗಬೇಕಾಗಿದೆ. ಡಿಗ್ರಿ, ಡಾಕ್ಟರೇಟ್ ಪದವಿ ಪಡೆದವರಿಗಿಂತಲೂ ಹೆಚ್ಚಾಗಿ ಶಾಂತಿಯಿಂದ ಬಾಳುವ ಜನರು ಈ ದೇಶಕ್ಕೆ ಅಗತ್ಯವಿದೆ.ಈ ದೇಶದಲ್ಲಿ ಸಾಕಷ್ಟು ಧರ್ಮ ಗಳು ಹುಟ್ಟಿದೆ ಹೊರಗಿನಿಂದಲೂ ಬಂದು ಬೆಳೆದಿದೆ. ಇಂತಹ ಭಾರತದಲ್ಲಿ ಧರ್ಮ ಧರ್ಮ ಗಳ ಹೆಸರಿನಲ್ಲಿ ಜನರು ಕಿತ್ತಾಡುತ್ತಾ ಇರಬೇಕೆ?ಎಂದು ನಾವು ಚಿಂತಿಸಬೇಕಾಗಿದೆ. ಶ್ರೀ ಕ್ಷೇತ್ರ ಧರ್ಮ ಸ್ಥಳದಲ್ಲಿ ದೇಶದ ಸಂವಿಧಾನ ದೇಶ ದಲ್ಲಿ ಅನುಷ್ಠಾನಕ್ಕೆ ಬರುವ ಮೊದಲೆ 1933ರಲ್ಲಿ ಸರ್ವಧರ್ಮ ಸಮ್ಮೇಳನ, ಆಚರಣೆ ನಡೆದು ಕೊಂಡು ಬಂದಿರುವು ದು ಮಾದರಿ. ಇಲ್ಲಿನ ಗ್ರಾಮೀಣಾಭಿವೃದ್ಧಿ ಯ ಕೆಲಸಗಳು ಮಹತ್ವ ದ್ದಾಗಿದೆ ಈ ಯೋಜ ನೆ ರಾಜ್ಯಾದ್ಯಂತ ಹಾಗೂ ದೇಶಕ್ಕೂ ವಿಸ್ತರಣೆ ಯಾಗಲಿ. ಚುನಾಯಿತ ಸರಕಾರ ಮಾಡದೆ ಇರುವ ಕೆಲಸವನ್ನುವ. ಶ್ರೀಕ್ಷೇತ್ರ. ಧರ್ಮಸ್ಥಳ ದಲ್ಲಿ ಉತ್ತಮವಾಗಿ ಮಾಡುತ್ತಾ ಬಂದಿರುವು ದು ಶ್ಲಾಘನೀಯ ಎಂದರು.

ಶ್ರೀ ಕ್ಷೇತ್ರ ಧರ್ಮಸ್ಥಳದ ಧರ್ಮಾಧಿಕಾರಿ ಹಾಗೂ ರಾಜ್ಯ ಸಭಾ ಸದಸ್ಯ ಡಾ. ಡಿ. ವೀರೇಂದ್ರ ಹೆಗ್ಗಡೆಯವರು ಸ್ವಾಗತ ಭಾಷಣ ಮಾಡುತ್ತಾ, ನಮ್ಮ ನಾಡಿನಲ್ಲಿರುವ ಧರ್ಮಗಳ ನೈಜತೆ, ತತ್ವ, ಸಿದ್ಧಾಂತ ಮತ್ತು ಮರ್ಮಗಳೆಲ್ಲ ಒಂದೇ ಆಗಿದೆ. ಒಂದು ಧರ್ಮದ ವಿಶೇಷತೆಯನ್ನು ಇನ್ನೊಂದು ಧರ್ಮದವರು ಅರಿತುಕೊಂಡಾಗ ಮಾತ್ರ ಸಮಾಜದಲ್ಲಿ ಶಾಂತಿ ನೆಮ್ಮದಿ ನೆಲೆಸಲು ಸಾಧ್ಯ. ಆದರೆ ಧರ್ಮ ಅಥವಾ ಆಚರಣೆ ಗಳನ್ನು ಅರ್ಥಮಾಡಿಕೊಳ್ಳುವಲ್ಲಿ ಸೋತಾಗ ಅಥವಾ ಧರ್ಮದ ವ್ಯಾಖ್ಯಾನ ವನ್ನು ಸಂಕುಚಿತಗೊಳಿಸಿದಾಗ ಸಮಾಜದಲ್ಲಿ ಜಾತಿ, ಮತ, ಪಂಥ, ಪಂಗಡಗಳ ನಡುವೆ ಭಿನ್ನಾಭಿಪ್ರಾಯ ಗಳು, ತಿಕ್ಕಾಟ, ಘರ್ಷಣೆಗಳು ಉಂಟಾಗಿ ಸಮಾಜದ ಸ್ವಾಸ್ಥ್ಯ ಹದಗೆಡುತ್ತದೆ. ಧರ್ಮವನ್ನು ವಿಶಾಲ ಅರ್ಥ ದಲ್ಲಿ ಕಾಣುವ ದೃಷ್ಟಿಯನ್ನು ನಾವೆಲ್ಲ ಬೆಳೆಸಿಕೊಳ್ಳಬೇಕಾಗಿದೆ. ಇಂಥಾ ಸಮ್ಮೇಳನಗಳ ಮೂಲ ಉದ್ದೇಶವಾಗಿದೆ ಎಂದರು.

ಸಾತ್ವಿಕ ಮಾರ್ಗದಿಂದ ಉತ್ತಮ ಸಂಸ್ಕಾರದೊಡನೆ ಬಾಳುವುದು, ಮಾನವರ ಕಲ್ಯಾಣಕ್ಕಾಗಿ ಮನುಷ್ಯ- ಮನುಷ್ಯರ ನಡುವಿನ ಮನಸ್ಸನ್ನು ಬೆಸೆಯುವುದು ಎಲ್ಲ ಧರ್ಮಗಳ ಉದ್ದೇಶ. ಈ ಉದ್ದೇಶ ಈಡೇರಬೇಕಾದರೆ, ಧರ್ಮವನ್ನು ಆರಾಧಿಸಿದರೆ ಸಾಲದು. ಅದನ್ನು ನಮ್ಮ ಬದುಕಿನಲ್ಲಿ ಅನುಷ್ಠಾನಕ್ಕೆ ತರಬೇಕು ಎಂದರು.

ಶ್ರೀ ಕ್ಷೇತ್ರದಲ್ಲಿ ನಮ್ಮ ಹಿರಿಯರಾದ ಕೀರ್ತಿಶೇಷ ಶ್ರೀ ಡಿ. ಮಂಜಯ್ಯ ಹೆಗ್ಗಡೆಯವರು 1933ರಲ್ಲಿ ಪ್ರಾರಂಭಿಸಿದ ಈ ಸರ್ವ ಧರ್ಮ ಸಮ್ಮೇಳನವನ್ನು ಕೀರ್ತಿಶೇಷ ಶ್ರೀ ಡಿ. ರತ್ನವರ್ಮ ಹೆಗ್ಗಡೆ ಮುಂದುವರೆ ಸಿಕೊಂಡು ಬಂದರು. ಇದೀಗ ಈ ಸಮ್ಮೇಳನವು 91 ವಸಂತಗಳನ್ನು ಪೂರೈಸಿದೆ. ಭಾರತದಲ್ಲಿ ಇರುವಷ್ಟು ಧರ್ಮಗಳು, ಮತ, ಪಂಥಗಳು ಮತ್ತು ಅವುಗಳ ಆಚರಣೆಗಳು ಬಹುಶಃ ವಿಶ್ವದ ಯಾವ ದೇಶದಲ್ಲೂ ಇರಲಾರದು ಎಂದೆನಿಸುತ್ತದೆ. ನಮ್ಮ ದೇಶದ ಉತ್ತರದಿಂದ ದಕ್ಷಿಣ ದವರೆಗೆ, ಪೂರ್ವದಿಂದ ಪಶ್ಚಿಮದವರೆಗೆ ಸಾಗಿದಾಗ ಪ್ರತಿ ಹೆಜ್ಜೆ ಹೆಜ್ಜೆಗೂ ವಿವಿಧತೆಯನ್ನು ಕಾಣಬಹುದಾಗಿದೆ. ವಿವಿಧತೆಯಲ್ಲೂ ಏಕತೆಯನ್ನು ಜಗತ್ತಿಗೆ ಮಾದರಿ ಎಂಬಂತೆ ಸಾರಿದ ಮತ್ತು ಈಗಲೂ ಸಾರುತ್ತಿರುವ ರಾಷ್ಟ್ರದಲ್ಲಿ ನಾವು ಹುಟ್ಟಿ ಬೆಳೆದಿದ್ದೇವೆ ಎಂಬುದು ಹೆಮ್ಮೆಯ ವಿಚಾರವಾಗಿದೆ. ಇಲ್ಲಿ ಎಷ್ಟೇ ಧರ್ಮಗಳಿದ್ದರೂ ಎಲ್ಲರೂ ಅವರವರ ಪಾಡಿಗೆ ತಮ್ಮ-ತಮ್ಮ ಧರ್ಮ, ರೀತಿ- ನೀತಿಗಳನ್ನು ಅನುಸರಿಸಿಕೊಂಡು ಹೋಗುತ್ತಿದ್ದಾರೆ. 'ಬದುಕು ಮತ್ತು ಇತರರನ್ನೂ ಬದುಕಗೊಡು' ಎಂಬ ತತ್ವವು ಎಲ್ಲರಲ್ಲಿ ಇರುವುದರಿಂದಲೇ ಐಕ್ಯತೆಯನ್ನು ಹೊಂದಲು ಸಾಧ್ಯವಾಗಿದೆ ಎಂದರು.

*ಶ್ರೀ ಕ್ಷೇತ್ರ ಧರ್ಮಸ್ಥಳದಲ್ಲಿರು ಆಸ್ಪತ್ರೆಯಲ್ಲಿ ಜನವರಿ ಒಂದರಿಂದ ಉಚಿತ ಡಯಾಲಿಸೀಸ್ ನೀಡಲು ತೀರ್ಮಾನಿಸಿರುವು ದಾಗಿ ಡಾ.ವೀರೇಂದ್ರ ಹೆಗ್ಗಡೆ ತಿಳಿಸಿದ್ದಾರೆ.

ಶ್ರೀ ಕೈಲಾಸ ಆಶ್ರಮ ಮಹಾಸಂಸ್ಥಾನ ರಾಜರಾಜೇಶ್ವರೀ ನಗರ, ಬೆಂಗಳೂರಿನ ಜಯೇಂದ್ರ ಪುರಿ ಮಹಾ ಸ್ವಾಮಿಜಿ ಸಮಾರಂಭದ ಆಧ್ಯಕ್ಷತೆವಹಿಸಿ ಮಾತನಾಡುತ್ತಾ, ಮಾನವ ಮಾನವರನ್ನು ದೂರ ಮಾಡುವ ಧರ್ಮ ಇದ್ದರೆ ಅಂತಹ ಧರ್ಮ ಪರಿಷ್ಕೃರಣೆಗೊಳ್ಳಬೇಕಾಗಿದೆ. ಕಾಲ ಕಾಲಕ್ಕೆ ಧರ್ಮ ಗಳಲ್ಲೂ ಪರಿಷ್ಕರಣೆ ಗೊಳ್ಳಬೇಕಾಗಿದೆ. ಪರಮಾತ್ಮ ಜಗತ್ತಿನ ಎಲ್ಲರಿಗೂ ಸೇರಿದವನು ಎನ್ನುವುದನ್ನು ನಾವು ಅರಿತುಕೊಳ್ಳಬೇಕಾಗಿದೆ ಎಂದರು.

ರವೀಂದ್ರ ನಾಥ ಠಾಗೋರ್ ಹೇಳಿದಂತೆ ಜಗತ್ತು ಸಂಕುಚಿತ ಭಾವನೆ ಗಳಿಂದ ಛಿದ್ರಗೊಳ್ಳದೆ, ಭಯದಿಂದ ಮುಕ್ತಗೊಂಡ ಮನಸ್ಸು, ಜ್ಞಾನ ಅರ್ಜನೆಗೆ ತಡೆಯಿಲ್ಲದೆ ಸತ್ಯ ವಿವೇಕವನ್ನು ಕಳೆದುಕೊಳ್ಳದ ವಾತಾವರಣ ಇರಬೇಕಾಗಿದೆ ಎಂದರು.

*ಇಂಡಿಯಾ ಬುಕ್ ಆಫ್ ರೆಕಾರ್ಡ್ ಗೌರವ:-

ಶ್ರೀಕ್ಷೇತ್ರ ಧರ್ಮಸ್ಥಳದ ಮಂಜೂಷಾ ವಸ್ತುಸಂಗ್ರಹಾಲಯಕ್ಕೆ ಇಂಡಿಯಾ ಬುಕ್ ಆಫ್ ರೆಕಾರ್ಡ್ಸ ಮುಖ್ಯ ತೀರ್ಪಗಾರ :ಡಾ. ಪ್ರದೀಪ್ ಭಾರದ್ವಾಜ್ ಪ್ರಶಸ್ತಿ ಫಲಕವನ್ನು ಗೌರವ ಪ್ರದಾನ ಮಾಡಿ ಮಾತನಾಡುತ್ತಾ,ಸುಮಾರು 27,000 ತಾಳೆಗರಿ ಗ್ರಂಥಗಳ ಸಂಗ್ರಹ ಹಾಗೂ ಸುಮಾರು 25,000ಕ್ಕೂ ಅಧಿಕ ಅಪರೂಪದ ಪುಸ್ತಕಗಳನ್ನು ಪ್ರಾಚೀನ ಮೋಟಾರು ಕಾರು ಗಳು ವಸ್ತುಗಳನ್ನು ಹೊಂದಿರುವ ಧರ್ಮ ಸ್ಥಳ ಕ್ಷೇತ್ರದ ಮಂಜೂಷಾ ವಸ್ತು ಸಂಗ್ರಹಾಲಯ ಇಂಡಿಯಾ ಬುಕ್ ಆಫ್ ರೆಕಾರ್ಡ್ಸ ಮೂಲಕ ಜಾಗತಿಕ ದಾಖಲೆಯ ಮನ್ನಣೆ ಪಡೆದಿದೆ ಎಂದರು. ಮಂಜೂಷಾ ವಸ್ತು ಸಂಗ್ರಹಾ ಲಯದ ಮಹತ್ವದ ಕುರಿತು ಪುಷ್ಪದಂತ, ಕ್ಯುರೇಟರ್ ಅವರಿಂದ ಮಾಹಿತಿ ನೀಡಿದರು.

ಸಮಾರಂಭದಲ್ಲಿ ಸಂಶೋಧಕ ಡಾ ಜಿ. ಬಿ. ಹರೀಶ, ಡಾ.ಜೋಸೆಫ್ ಎನ್. ಎಮ್, ಬಿಜಾಪುರದ ಮೆಹತಾಬ ಇಬ್ರಾಹಿಮ್ ಸಾಬ ಕಾಗವಾಡ (ರಾಷ್ಟ್ರೀಯ ಬಸವ ಭೂಷಣ ಪ್ರಶಸ್ತಿ ಪುರಸ್ಕೃತ ಶಿಕ್ಷಕ) ಉಪನ್ಯಾಸ ನೀಡಿದರು.

ಸ್ವಾಗತ ಸಮಿತಿ ಉಪಾಧ್ಯಕ್ಷರು ಡಿ. ಸುರೇಂದ್ರ ಕುಮಾರ್ ವೇದಿಕೆಯಲ್ಲಿ ಉಪಸ್ಥಿತರಿದ್ದರು. ಅಜಯ್, ನಿರ್ದೇಶಕರು ರುಡ್‌ ಸೆಟ್ ನ ನಿರ್ದೇಶಕ ಅಜಯ್ ವಂದಿಸಿದರು.ಡಾ. ಶ್ರೀಧರ ಭಟ್ ಸಭಾ ಕಾರ್ಯಕ್ರಮ ನಿರೂಪಿಸಿದರು.