ಮಂಗಳೂರು: ಮಲಬಾರ್ ಗೋಲ್ಡ್ನಲ್ಲಿ ʼನುವಾ ಡೈಮಂಡ್ಸ್’ ಸಂಗ್ರಹ ಅನಾವರಣ
ಮಂಗಳೂರು, ಜು.5: ಮಲಬಾರ್ ಗೋಲ್ಡ್ ಆ್ಯಂಡ್ ಡೈಮಂಡ್ಸ್ ಮೈನ್ ಎಂಬ ಸಬ್ ಬ್ರಾಂಡಿನ ನೂತನ ಸಂಗ್ರಹ ʼನುವಾ ಡೈಮಂಡ್ಸ್ʼ ಆಭರಣಗಳ ಸಂಗ್ರಹವನ್ನು ಶನಿವಾರ ನಗರದ ಪಳ್ನೀರ್ನಲ್ಲಿರುವ ಮಲಬಾರ್ ಗೋಲ್ಡ್ ಆ್ಯಂಡ್ ಡೈಮಂಡ್ಸ್ ಮಳಿಗೆಯಲ್ಲಿ ಅನಾವರಣಗೊಳಿಸಲಾಯಿತು.
ಪ್ರೊಫೆಷನಲ್ ಮೇಕಪ್ ಆರ್ಟಿಸ್ಟ್ ಅಕ್ಷತ ಶೆಟ್ಟಿಗಾರ್ ಹಾಗೂ ಶಿಪಾಲಿ ಪೂಜಾರಿ ಕೇಕ್ ಕತ್ತರಿಸಿ ನೂತನ ನೂಹ ಡೈಮಂಡ್ಸ್ ಆಭರಣಗಳನ್ನು ಅನಾವರಣಗೊಳಿಸಿದರು.
ಬಳಿಕ ಮಾತನಾಡಿದ ಅಕ್ಷತ ಶೆಟ್ಟಿಗಾರ್ ಹೆಣ್ಣು ಮಕ್ಕಳಿಗೆ ಶೃಂಗಾರವೇ ಮುಖ್ಯ. ಅದರಲ್ಲೂ ಡೈಮಂಡ್ಸ್ ಆಭರಣಗಳೆಂದರೆ ತುಂಬಾ ಅಚ್ಚು ಮೆಚ್ಚು. ಮಲಬಾರ್ ಗೋಲ್ಡ್ನಲ್ಲಿ ಮಹಿಳೆಯರಿಗೆ ಇಷ್ಟವಾಗುವ ಡೈಮಂಡ್ ಆಭರಣಗಳ ಸಂಗ್ರಹವೇ ಇದೆ. ಈ ಸಂಸ್ಥೆಯು ವ್ಯವಹಾರದ ಜೊತೆ ಜನಪರ ಕಾರ್ಯಕ್ರಮ ಗಳನ್ನು ಕೂಡ ನಡೆಸುತ್ತಿದೆ ಎಂದು ಶ್ಲಾಘಿಸಿದರು.
ಮತ್ತೋರ್ವ ಶಿಪಾಲಿ ಪೂಜಾರಿ ನ್ಯಾಚುರಲ್ ಡೈಮಂಡ್ಸ್ ಜ್ಯುವೆಲ್ಲರಿಯಾಗಿರುವ ನುವಾ, ಸಮುದ್ರದ ಅಲೆ, ಹೂವು, ಕಟ್ಟಡದ ಆರ್ಕಿಟೆಕ್ಟ್ ರೀತಿಯಲ್ಲಿ ತಯಾರಿಸಲಾಗಿದೆ. ಇದರಲ್ಲಿ ತುಂಬಾ ಸಂಗ್ರಹವಿದ್ದು, ಯಾವುದೇ ಶುಭ ಕಾರ್ಯಕ್ರಮಗಳಿಗೂ ಈ ಆಭರಣವನ್ನು ಧರಿಸಬಹುದಾಗಿದೆ ಎಂದರು.
ಈ ಸಂದರ್ಭ ಮಲಬಾರ್ ಗೋಲ್ಡ್ ಮಂಗಳೂರು ಶಾಖೆಯ ಮುಖ್ಯಸ್ಥ ಶರತ್ ಚಂದ್ರ, ನಝೀರ್ ಅಹ್ಮದ್, ರಘುರಾಮ್ ಸಿ.ಎಸ್., ಫರಾನ್, ಗಿರೀಶ್ ರೈ, ಸಮೀರ್ ಉಪಸ್ಥಿತರಿದ್ದರು.
