ಅಲ್ ಮದೀನಾ ಹೆಣ್ಮಕ್ಕಳ ಪಿಯು ಕಾಲೇಜು: ವಿವಿಧ ಕ್ಲಬ್ ಗಳ ಉದ್ಘಾಟನೆ

ಮಂಜನಾಡಿ: ಇಲ್ಲಿನ ಅಲ್ ಮದೀನಾ ಹೆಣ್ಮಕ್ಕಳ ಪಿಯು ಕಾಲೇಜಿನಲ್ಲಿ 2025-26ನೇ ಸಾಲಿನ ವಿದ್ಯಾರ್ಥಿನಿಯರ ಪಠ್ಯೇತರ ಚಟುವಟಿಕೆಗಳಿಗಾಗಿ ವಿವಿಧ ಕ್ಲಬ್ ಗಳಿಗೆ ಚಾಲನೆ ನೀಡಲಾಯಿತು.

ಅಲ್ ಮದೀನಾ ಸಂಸ್ಥೆಯ ಪ್ರಧಾನ ಕಾರ್ಯದರ್ಶಿ ಅಬ್ದುಲ್ ಖಾದಿರ್ ಸಖಾಫಿ ಉದ್ಘಾಟನಾ ಸಮಾರಂಭದ ಅಧ್ಯಕ್ಷತೆ ವಹಿಸಿ ದಿಕ್ಸೂಚಿ ಭಾಷಣ ಮಾಡಿದರು.

ಅಲ್ ಮದೀನಾ ಎಕ್ಸಿಕ್ಯೂಟಿವ್ ಡೈರಕ್ಟರ್ ಮುಹಮ್ಮದ್ ಕುಂಞಿ ಅಮ್ಜದಿ ಉದ್ಘಾಟಿಸಿದರು.

ಅಕಾಡಮಿಕ್ ಡೈರಕ್ಟರ್ ಅಬೂಸ್ವಾಲಿಹ್ ಅಝ್ಹರಿ, ಬರಹಗಾರ ಅಬ್ದುರ್ರಝ್ಝಾಕ್ ನಾವೂರು, ಉಪನ್ಯಾಸಕ ಮುನೀರ್ ಸಖಾಫಿ ಅಲ್ ಕಾಮಿಲ್ ಭಾಷಣಗೈದರು.

ಅಲ್ ಮದೀನಾ ಇಂಗ್ಲೀಷ್ ಮೀಡಿಯಂ ಸ್ಕೂಲ್ ಮುಖ್ಯೋಪಾಧ್ಯಾಯ ಮನ್ಸೂರ್ ಹಿಮಮಿ, ಶರೀಅತ್ ಉಪನ್ಯಾಸಕ ಹಾಫಿಳ್ ಶಂಸುದ್ದೀನ್ ನಈಮಿ ಉಪಸ್ಥಿತರಿದ್ದರು.

ಬಳಿಕ ನಡೆದ ಕ್ಲಬ್ ಹೆಸರು ಹಾಗೂ ಲೋಗೋ ಅನಾವರಣ ಸಭೆಯಲ್ಲಿ ಪ್ರಾಂಶುಪಾಲೆ ಸಂಗೀತಾ, ಉಪನ್ಯಾಸಕಿಯರಾದ ಚೇತನಾ, ಸುಷ್ಮಾ, ಅಕ್ಷತಾ, ದಿವ್ಯಾ, ಮೋಕ್ಷಿತಾ, ದಿಲ್ಶಾನ್ ಬಾನು ಉಪಸ್ಥಿತರಿದ್ದರು.

ಇಕೋ ಕ್ಲಬ್ ನ ಪ್ರಧಾನ ಕಾರ್ಯದರ್ಶಿಯಾಗಿ ಖದೀಜಾ ನಿಹಾ, ಜೊತೆ ಕಾರ್ಯದರ್ಶಿಯಾಗಿ ಮಿಸ್ರಿಯಾ, ಸ್ಪೋರ್ಟ್ ಕ್ಲಬ್ ಪ್ರಧಾನ ಕಾರ್ಯದರ್ಶಿಯಾಗಿ ಆಯಿಶಾ ಸಹ್ಲಾ ಹಾಗೂ ಫಾಯಿಝಾ, ಸಾಯನ್ಸ್ ಪ್ರಧಾನ ಕಾರ್ಯದರ್ಶಿಯಾಗಿ ಸಫಿಯಾ ಹಾಗೂ ಸಹ ಕಾರ್ಯದರ್ಶಿಯಾಗಿ ಫಾತಿಮಾ ಇಫ್ತಿಶಾಮಾ ಹಾಗೂ ಫಾತಿಮಾ ನಿಹಾ, ಫೈನ್ ಆರ್ಟ್ ಆಂಡ್ ಲಿಟರೇಚರ್ ಕ್ಲಬ್ ಪ್ರಧಾನ ಕಾರ್ಯದರ್ಶಿಯಾಗಿ ಶೈಮಾ ಹಾಗೂ ಸಹ ಕಾರ್ಯದರ್ಶಿಯಾಗಿ ಹನೂನ ಆಯ್ಕೆಯಾದರು.

ವಿದ್ಯಾರ್ಥಿನಿ ನಫೀಸತ್ ಸನಾ ಪ್ರಾರ್ಥಿಸಿದರು. ಖದೀಜಾ ನಿಹಾ ಸ್ವಾಗತಿಸಿದರು. ವಿದ್ಯಾರ್ಥಿ ನಾಯಕಿ ಫಾತಿಮತ್ ಮುನೀಝಾ ಕಾರ್ಯಕ್ರಮ ನಿರೂಪಿಸಿದರು. ಫಾತಿಮತ್ ಶಮೀಮಾ ವಂದಿಸಿದರು.