ಗಾಝಾ: ನಿರಾಶ್ರಿತರ ಶಿಬಿರದಲ್ಲಿ ಸ್ಫೋಟ; ಹಲವರು ಮೃತ್ಯು

ಗಾಝಾ, ಅ.31: ಉತ್ತರ ಗಾಝಾದ ಜಬಾಲಿಯಾ ನಿರಾಶ್ರಿತರ ಶಿಬಿರದಲ್ಲಿ ಮಂಗಳವಾರ ನಡೆದ ಸ್ಫೋಟದಲ್ಲಿ ಕನಿಷ್ಟ 47 ಮಂದಿ ಮೃತಪಟ್ಟಿದ್ದು ಇತರ ಹಲವರು ಗಾಯಗೊಂಡಿದ್ದಾರೆ ಎಂದು ಎಎಫ್ಪಿ ಸುದ್ಧಿಸಂಸ್ಥೆ ವರದಿ ಮಾಡಿದೆ.

ಜಬಾಲಿಯಾದ ಜನನಿಬಿಡ ನಿರಾಶ್ರಿತರ ಶಿಬಿರದಲ್ಲಿ ನಡೆದ ಸ್ಫೋಟದ ಸ್ಥಳದಲ್ಲಿ ಕುಸಿದು ಬಿದ್ದ ಅವಶೇಷಗಳಡಿಯಿಂದ ಕನಿಷ್ಟ 47 ಮೃತದೇಹಗಳನ್ನು ಹೊರತೆಗೆದಿರುವ ವೀಡಿಯೊ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿದೆ. ಗಾಝಾದಲ್ಲಿರುವ 8 ನಿರಾಶ್ರಿತರ ಶಿಬಿರಗಳ ಪೈಕಿ ಅತೀ ದೊಡ್ಡ ಶಿಬಿರವಾಗಿರುವ ಜಬಾಲಿಯಾ ಶಿಬಿರದಲ್ಲಿ 1,16,000 ಲಕ್ಷ ಫೆಲೆಸ್ತೀನೀಯರು ನೋಂದಾಯಿಸಿಕೊಂಡಿರುವುದಾಗಿ ವಿಶ್ವಸಂಸ್ಥೆ 2023ರ ಜುಲೈಯಲ್ಲಿ ಹೇಳಿದೆ.