ಮಕ್ಕಳ ಊಟದ ಬಾಕ್ಸ್ ತುಂಬಿಸುವುದು ಕಷ್ಟವೆನಿಸುತ್ತಿದೆಯೇ? ಈ ಬದಲಾವಣೆ ಮಾಡಿ ನೋಡಿ

ಸಂಸ್ಕರಿತ ಆಹಾರ, ಸಕ್ಕರೆ ಹೆಚ್ಚಿರುವ ಆಹಾರವನ್ನು ಹೆಚ್ಚು ಪೋಷಕಾಂಶಭರಿತವಾಗಿ ಬದಲಿಸುವುದು ಸುಲಭವಲ್ಲ. ಆದರೆ ನಿಮ್ಮ ಮಗುವಿನ ಊಟದ ಡಬ್ಬಿಯನ್ನು ಫೈಬರ್ ಮತ್ತು ಪ್ರೊಟೀನ್ ಸೇವನೆಯ ಮೂಲಕ ಹೆಚ್ಚು ಉತ್ಕೃಷ್ಟಗೊಳಿಸಬಹುದು ಮತ್ತು ಅವರು ಸೇವಿಸುವಂತಹ ಆಹಾರವನ್ನೇ ನೀಡಬಹುದು ಎನ್ನುವುದು ನಿಮಗೆ ಗೊತ್ತೆ?

ಊಟದ ಡಬ್ಬಿಯನ್ನು ಆರೋಗ್ಯಕರವಾಗಿ ತುಂಬುವುದು ಹೇಗೆ ಎನ್ನುವುದು ಬಹಳಷ್ಟು ಮಂದಿಯ ಆಶಯವಾಗಿರುತ್ತದೆ. ಕೆಲವೊಮ್ಮೆ ಆಹಾರ ಸೇವನೆಯಲ್ಲಿ ಬಹಳ ಚ್ಯೂಸಿಯಾಗಿರುವವರಿಗೆ ಊಟದ ಡಬ್ಬಿ ತುಂಬಿಸುವುದು ಇನ್ನೂ ಕಷ್ಟ. ಸಂಸ್ಕರಿತ ಆಹಾರ, ಸಕ್ಕರೆ ಹೆಚ್ಚಿರುವ ಆಹಾರವನ್ನು ಹೆಚ್ಚು ಪೋಷಕಾಂಶಭರಿತವಾಗಿ ಬದಲಿಸುವುದು ಸುಲಭವಲ್ಲ. ಆದರೆ ನಿಮ್ಮ ಮಗುವಿನ ಲಂಚ್ ಬಾಕ್ಸ್ ಅನ್ನು ಫೈಬರ್ ಮತ್ತು ಪ್ರೊಟೀನ್ ಸೇವನೆಯ ಮೂಲಕ ಹೆಚ್ಚು ಉತ್ಕೃಷ್ಟಗೊಳಿಸಬಹುದು ಮತ್ತು ಅವರು ಸೇವಿಸುವಂತಹ ಆಹಾರವನ್ನೇ ನೀಡಬಹುದು ಎನ್ನುವುದು ನಿಮಗೆ ಗೊತ್ತೆ? ಮಾಧ್ಯಮಗಳಿಗೆ ಈ ಬಗ್ಗೆ ವಿವರ ನೀಡಿರುವ ಕ್ಲಿನಿಕಲ್ ಪೌಷ್ಠಿಕ ತಜ್ಞೆ ಮತ್ತು ಸನ್ಬ್ರಿಡ್ಜ್ ಗ್ರಾಹಕರ ತಜ್ಞೆ ಸಾಕ್ಷಿ ಲಾಲ್ವಾನಿ, ಊಟದ ಡಬ್ಬಿಯಲ್ಲಿ ಸುಲಭವಾಗಿ ಪರಿಗಣಿಸಬಹುದಾದ ವಿವರಗಳನ್ನು ನೀಡಿದ್ದಾರೆ.

ಪೊಟ್ಯಾಟೊ ಚಿಪ್ಸ್ ಮಕ್ಕಳ ಪ್ರಿಯವಾದ ಆಹಾರ. ಆದರೆ ಅವುಗಳಲ್ಲಿ ಕಾರ್ಬೋಹೈಡ್ರೇಟ್, ಸಂಸ್ಕರಿತ ಸ್ಟಾರ್ಚ್ ಮತ್ತು ಅತ್ಯಧಿಕ ಪ್ರಮಾಣದಲ್ಲಿ ರಿಫೈನ್ಡ್ ಎಣ್ಣೆಗಳಿರುತ್ತವೆ. “ಇದರ ಬದಲಿಗೆ ಹುರಿದ ಕಮಲದ ಬೀಜಗಳು (ಮಖಾನಾ) ಅಥವಾ ಗರಿ ಗರಿಯಾದ ಹುರಿದ ಕಡಲೆಗಳು ಅದೇ ತೃಪ್ತಿಕರವಾದ ಕ್ರಂಚ್ ಅನ್ನು ನೀಡುತ್ತವೆ. ಮಕ್ಕಳ ಹೊಟ್ಟೆ ತುಂಬಿಸಲು ಪ್ರೊಟೀನ್, ಫೈಬರ್ ಮತ್ತು ಕಬ್ಬಿಣದಿಂದ ತುಂಬಿರುತ್ತವೆ” ಎನ್ನುತ್ತಾರೆ ಸಾಕ್ಷಿ.

ಮಾರುಕಟ್ಟೆಯಲ್ಲಿ ಲಭ್ಯವಿರುವ ಹೆಚ್ಚಿನ ಜ್ಯೂಸ್ ಗಳು ಮತ್ತು ಪಾನೀಯಗಳು ಸಕ್ಕರೆಯಂಶವನ್ನು ತುಂಬಿಕೊಂಡಿರುತ್ತವೆ. ಮಕ್ಕಳಿಗೆ ಅನಾರೋಗ್ಯಕರ ಆಯ್ಕೆಯಾಗಿರುತ್ತವೆ. ಅದರ ಬದಲಿಗೆ ಕರುಳಿಗೆ ಸ್ನೇಹಿಯಾಗಿರುವ ಪ್ರೊಬಯಾಟಿಕ್ ಗಳಿಂದ ಬದಲಿಸಬಹುದು. ಅಂದರೆ, ತಣ್ಣಗಾದ, ಲಘುವಾಗಿ ಉಪ್ಪುಸಹಿತ ಮಜ್ಜಿಗೆ, ಬೆರ್ರಿ ಮತ್ತು ಪುದೀನ ಚೂರುಗಳಿಂದ ತುಂಬಿದ ನೀರು ಮೊದಲಾದ ಪರ್ಯಾಯಗಳನ್ನು ಅನುಸರಿಸಬಹುದಾಗಿದೆ.

ವೈಟ್ ಬ್ರೆಡ್ (ಮೈದಾ) ಸ್ಯಾಂಡ್ ವಿಚ್ ಗಳನ್ನು ನೀಡಬೇಡಿ. ಬದಲಾಗಿ ಬಹುಧಾನ್ಯ/ಗೋಧಿ ಪರಾಠ ನೀಡಬಹುದು. ಬಿಳಿ ಬ್ರೆಡ್ ರಕ್ತದಲ್ಲಿನ ಸಕ್ಕರೆಯನ್ನು ಹೆಚ್ಚಿಸುತ್ತದೆ ಮತ್ತು ನಿಮಿಷಗಳಲ್ಲಿ ಜೀರ್ಣವಾಗುತ್ತದೆ. ಪೂರ್ಣ ಧಾನ್ಯದ ರ್ಯಾ ಪ್‌ ಗಳು ಅಥವಾ ರಾಗಿ/ಮಲ್ಟಿಗ್ರೇನ್ ಪರಾಠಗಳು ಮಧ್ಯಾಹ್ನದ ಉದ್ದಕ್ಕೂ ಸ್ಥಿರವಾದ, ಗಮನವರ್ಧಕ ಮೆದುಳಿನ ಶಕ್ತಿ ಒದಗಿಸುವ ಸಂಕೀರ್ಣ ಕಾರ್ಬೋಹೈಡ್ರೇಟ್ಗಳನ್ನು ನೀಡುತ್ತವೆ. ವೇಗವಾದ, ರುಚಿಕರವಾದ ಪರಿಹಾರಕ್ಕಾಗಿ ಜೇನುತುಪ್ಪದೊಂದಿಗೆ ಸಿಹಿಗೊಳಿಸಿದ ಶುದ್ಧ ಹಣ್ಣಿನ ಸ್ಪ್ರೆಡ್ ಗಳ ಜೊತೆಗೆ ಊಟದ ಡಬ್ಬಿಗಳಲ್ಲಿ ತುಂಬಬಹುದು.

ಚಾಕೋಲೇಟ್ ನೀಡುವ ಬದಲಾಗಿ ಖರ್ಜೂರ, ಓಟ್ಸ್ ಮತ್ತು ಬೀಜಗಳನ್ನು ಸಣ್ಣ ಉಂಡೆ ಮಾಡಿ ನೀಡಬಹುದು. ಆರೋಗ್ಯಕರ ಕೊಬ್ಬುಗಳು ಮತ್ತು ಆಂಟಿಆಕ್ಸಿಡಂಟ್ ಗಳಿಂದ ತುಂಬಿದ ಸಿಹಿಗಾಗಿ ಡಾರ್ಕ್ ಚಾಕೋಲೇಟ್ ನಲ್ಲಿ ಅದ್ದಿದ ಬಾದಾಮಿ ನೀಡಿ. ಡೀಪ್ ಫ್ರೈಡ್ ತಿನಿಸುಗಳು ಅಥವಾ ಏರ್ಫ್ರೈ ಮಾಡಿದ ಟ್ರೀಟ್ ಗಳಿಗೆ ಸ್ಮಾರ್ಟ್ ಅಡುಗೆ ವಿಧಾನಗಳನ್ನು ಬಳಸಿ. ಡೀಪ್ ಫ್ರೈ ಮಾಡಿದ ಆಹಾರಗಳು ಎಣ್ಣೆಯ ಸ್ಪಂಜುಗಳಾಗಿ ಬದಲಾಗುತ್ತವೆ. ಅವುಗಳನ್ನು ಸ್ಯಾಚುರೇಟೆಡ್ ಕೊಬ್ಬುಗಳು ಮತ್ತು ಉರಿಯೂತದ ಸಂಯುಕ್ತಗಳ ಜೊತೆಗೆ ಪ್ಯಾಕ್ ಮಾಡುತ್ತದೆ.

ಫ್ರೈಯರ್ ಗೆ ಬದಲಿಸುವುದರಿಂದ ಕ್ಯಾಲರಿಗಳನ್ನು ಕಡಿತಗೊಳಿಸುತ್ತದೆ ಮತ್ತು ಮಕ್ಕಳು ಇಷ್ಟಪಡುವ ಗರಿಗರಿತನವನ್ನು ಖಚಿತಪಡಿಸುತ್ತದೆ. ಅಡುಗೆ ಮಾಡುವಾಗ, ಸಾಂಪ್ರದಾಯಿಕ ಸಸ್ಯಜನ್ಯ ಎಣ್ಣೆಗಳನ್ನು ಕಡಿಮೆ ಹೀರಿಕೊಳ್ಳುವ, ಹೆಚ್ಚಿನ ಹೊಗೆ ಬಿಂದುವನ್ನು ಹೊಂದಿರುವ ಎಣ್ಣೆಗಳೊಂದಿಗೆ (ಆಲಿವ್, ಫ್ಲ್ಯಾಕ್ಸ್ ಸೀಡ್ ಮತ್ತು ರೈಸ್ ಬ್ರಾನ್ ಎಣ್ಣೆಗಳು) ಬದಲಿಸಿ. ಇವು ಅಡುಗೆ ಸಮಯದಲ್ಲಿ ಸ್ಥಿರತೆ, ಸುವಾಸನೆ ಮತ್ತು ಒಟ್ಟು ಆಹಾರದ ಗುಣಮಟ್ಟ ಕಾಪಾಡಿಕೊಳ್ಳಲು ಸಹಾಯ ಮಾಡುತ್ತದೆ. ಇದು ಭಾರತೀಯ ಅಡುಗೆ ಶೈಲಿಗಳಿಗೆ, ವಿಶೇಷವಾಗಿ ಹುರಿಯುವಾಗ, ವಿಶ್ವಾಸಾರ್ಹ ಆಯ್ಕೆಯಾಗಿದೆ.