ವಿಶ್ವಕಪ್: ವಿಂಡೀಸ್‌ಗೆ ಅಫ್ಘಾನಿಸ್ತಾನ ಆಘಾತ

ಕೆರಿಬಿಯನ್ ಪಡೆಗೆ 6 ರನ್ ಸೋಲು

ನಾಗ್ಪುರ, ಮಾ.27: ಹ್ಯಾಟ್ರಿಕ್ ಗೆಲುವಿನ ಮೂಲಕ ವಿಶ್ವಕಪ್‌ನ ಸೆಮಿಫೈನಲ್‌ಗೆ ತಲುಪಿರುವ ವೆಸ್ಟ್‌ಇಂಡೀಸ್ ತಂಡ ರವಿವಾರ ಇಲ್ಲಿ ನಡೆದ ತನ್ನ ಕೊನೆಯ ಸೂಪರ್-10 ಪಂದ್ಯದಲ್ಲಿ ಅಫ್ಘಾನಿಸ್ತಾನದ ವಿರುದ್ದ ಆಘಾತಕಾರಿ ಸೋಲನುಭವಿಸಿದೆ.

ರವಿವಾರ ಇಲ್ಲಿ ಗೆಲ್ಲಲು 124 ರನ್ ಸುಲಭ ಸವಾಲು ಪಡೆದಿದ್ದ ವಿಂಡೀಸ್ ತಂಡ ಅಫ್ಘಾನ್‌ನ ಕರಾರುವಾಕ್ ಬೌಲಿಂಗ್‌ಗೆ ತತ್ತರಿಸಿ 20 ಓವರ್‌ಗಳಲ್ಲಿ ಕೇವಲ 8 ವಿಕೆಟ್ ನಷ್ಟಕ್ಕೆ 117 ರನ್ ಗಳಿಸಿದ್ದು, 6 ರನ್ ಅಂತರದಿಂದ ಸೋತಿದೆ. ಪಾಕ್‌ನ ಮಾಜಿ ನಾಯಕ ಇಂಝಮಮ್ ಉಲ್ ಹಕ್ ಗರಡಿಯಲ್ಲಿ ಪಳಗಿರುವ ಅಫ್ಘಾನ್ ಟೂರ್ನಿಯುದ್ದಕ್ಕೂ ಗಮನಾರ್ಹ ಪ್ರದರ್ಶನ ನೀಡಿದ್ದು, ರವಿವಾರ ತನ್ನ ಕೊನೆಯ ಪಂದ್ಯದಲ್ಲಿ ವಿಂಡೀಸ್‌ಗೆ ಸೋಲುಣಿಸಿ ಟೂರ್ನಿಯಲ್ಲಿ ಚೊಚ್ಚಲ ಗೆಲುವು ದಾಖಲಿಸಿತು. ಔಟಾಗದೆ 48 ರನ್ ಗಳಿಸಿದ್ದ ನಜೀಬುಲ್ಲಾ ಝದ್ರಾನ್, ಸ್ಪಿನ್ನರ್ ರಶೀದ್ ಖಾನ್(2-26) ಹಾಗೂ ಮುಹಮ್ಮದ್ ನಬಿ(2-26) ತಲಾ 2 ವಿಕೆಟ್ ಪಡೆದು ಅಫ್ಘಾನ್ ಗೆಲುವಿನಲ್ಲಿ ಪ್ರಮುಖ ಪಾತ್ರವಹಿಸಿದರು.

ವಿಂಡೀಸ್‌ನ ಪರ ಡ್ವೇಯ್ನಾ ಬ್ರಾವೊ 28 ರನ್ ಗಳಿಸಿ ಅಗ್ರ ಸ್ಕೋರರ್ ಎನಿಸಿಕೊಂಡರು. ಚಾರ್ಲ್ಸ್(22), ರಾಮ್ದೀನ್(18) ಹಾಗೂ ಬ್ರಾತ್‌ವೇಟ್(13) ಎರಡಂಕೆಯ ಸ್ಕೋರ್ ದಾಖಲಿಸಿದರು. 4ನೆ ವಿಕೆಟ್‌ಗೆ 41 ರನ್ ಜೊತೆಯಾಟ ನಡೆಸಿದ ಬ್ರಾವೊ ಹಾಗೂ ರಾಮ್ದೀನ್ ವಿಂಡೀಸ್‌ಗೆ ಗೆಲುವಿನ ವಿಶ್ವಾಸ ಮೂಡಿಸಿದ್ದರು. ಆದರೆ, ಶಿಸ್ತುಬದ್ಧ ಬೌಲಿಂಗ್ ಸಂಘಟಿಸಿದ ಅಫ್ಘಾನ್ ತಂಡ ವಿಂಡೀಸ್‌ನ್ನು 8 ವಿಕೆಟ್ ನಷ್ಟಕ್ಕೆ 117 ರನ್‌ಗೆ ನಿಯಂತ್ರಿಸಲು ಯಶಸ್ವಿಯಾಯಿತು.

ಅಫ್ಘಾನಿಸ್ತಾನ 123/7: ಇದಕ್ಕೆ ಮೊದಲು ವೆಸ್ಟ್‌ಇಂಡೀಸ್ ಸ್ಪಿನ್ನರ್ ಸ್ಯಾಮುಯೆಲ್ ಬದ್ರಿ(3-14) ಹಾಗೂ ವೇಗದ ಬೌಲರ್ ಆ್ಯಂಡ್ರೆ ರಸ್ಸಲ್(2-23) ದಾಳಿಗೆ ಸಿಲುಕಿದ ಅಫ್ಘಾನಿಸ್ತಾನ ತಂಡ ವಿಶ್ವಕಪ್‌ನ ಸೂಪರ್ 10ರ ತನ್ನ ಕೊನೆಯ ಪಂದ್ಯದಲ್ಲಿ ಕೇವಲ 123 ರನ್ ಗಳಿಸಿತು.

ಇಲ್ಲಿನ ವಿದರ್ಭ ಕ್ರಿಕೆಟ್ ಅಸೋಸಿಯೇಶನ್ ಸ್ಟೇಡಿಯಂನಲ್ಲಿ ಟಾಸ್ ಜಯಿಸಿದ ವಿಂಡೀಸ್ ತಂಡ ಅಫ್ಘಾನಿಸ್ತಾನವನ್ನು ಬ್ಯಾಟಿಂಗ್‌ಗೆ ಆಹ್ವಾನಿಸಿತು. ಕೆಳ ಕ್ರಮಾಂಕದಲ್ಲಿ ಔಟಾಗದೆ 48 ರನ್(40 ಎಸೆತ, 4 ಬೌಂಡರಿ, 1 ಸಿಕ್ಸರ್) ಗಳಿಸಿದ ನಜೀಬುಲ್ಲಾ ಝದ್ರಾನ್ ಅಫ್ಘಾನ್ ತಂಡದ ಸ್ಕೋರ್‌ನ್ನು 120ರ ಗಡಿ ದಾಟಿಸಿದರು.

ಅಫ್ಘಾನ್ ಪರ ಆರಂಭಿಕ ದಾಂಡಿಗ ಮುಹಮ್ಮದ್ ಶೆಹಝಾದ್(24), ನಾಯಕ ಅಸ್ಘರ್ ಸ್ಟಾನಿಕ್‌ಝೈ(16) ಎರಡಂಕೆ ಸ್ಕೋರ್ ದಾಖಲಿಸಿದರು. ಅಫ್ಫಾನ್ ಸ್ಪರ್ಧಾತ್ಮಕ ಸ್ಕೋರ್ ದಾಖಲಿಸಲು ನೆರವಾದ ನಜೀಬುಲ್ಲಾ ಝದ್ರಾನ್ ಪಂದ್ಯಶ್ರೇಷ್ಠ ಪ್ರಶಸ್ತಿ ಪಡೆದರು.

ಸ್ಕೋರ್ ವಿವರ

ಅಫ್ಘಾನಿಸ್ತಾನ: 20 ಓವರ್‌ಗಳಲ್ಲಿ 123/7

ಮುಹಮ್ಮದ್ ಶಹಝಾದ್ ಸಿ ಬೆನ್ ಬಿ ಬದ್ರೀ 24

ಉಸ್ಮಾನ್ ಘನಿ ಬಿ ಬದ್ರಿ 4

ಅಸ್ಘರ್ ಸ್ಟಾನಿಕ್‌ಝೈ ಸಿ ಬ್ರಾವೊ ಬಿ ಬದ್ರಿ 16

ಗುಲ್ಬದ್ದೀನ್ ನೈಬ್ ಸಿ ಬ್ರಾವೊ ಬಿ ಸಮ್ಮಿ 8

ಸಮೀವುಲ್ಲಾ ಶೆನ್ವಾರಿ ಸಿ ಸಮ್ಮಿ ಬಿ ಬೆನ್ 1

ನಜೀಬುಲ್ಲಾ ಝದ್ರಾನ್ ಔಟಾಗದೆ 48

 ಮುಹಮ್ಮದ್ ನಬಿ ಸಿ ಸ್ಯಾಮುಯೆಲ್ಸ್ ಬಿ ರಸ್ಸಲ್ 9

ಶಫೀಕುಲ್ಲಾ ಸಿ ಫ್ಲೆಚರ್ ಬಿ ರಸ್ಸಲ್ 4

ರಶೀದ್ ಖಾನ್ ಔಟಾಗದೆ 6

ಇತರ 3

 ವಿಕೆಟ್ ಪತನ: 1-8, 2-33, 3-50, 4-52, 5-56, 6-90

ಬೌಲಿಂಗ್ ವಿವರ:

ರಸ್ಸಲ್ 4-0-23-2

ಬದ್ರಿ 4-0-14-3

ಬ್ರಾತ್‌ವೇಟ್ 2-0-21-0

ಬೆನ್ 4-0-18-1

ಬ್ರಾವೊ 4-0-28-0

ಸಮ್ಮಿ 2-0-17-1

ವೆಸ್ಟ್‌ಇಂಡೀಸ್: 20 ಓವರ್‌ಗಳಲ್ಲಿ 117/8

ಚಾರ್ಲ್ಸ್ ಬಿ ಹಮೀದ್ ಹಸನ್ 22

ಲೂಯಿಸ್ ಸಿ ರಶೀದ್ ಬಿ ಅಮಿರ್ ಹಂಝ 0

ಫ್ಲೆಚರ್ ಔಟಾಗದೆ 10

ಸ್ಯಾಮುಯೆಲ್ಸ್ ಬಿ ರಶೀದ್ ಖಾನ್ 5

ರಾಮ್ದೀನ್ ಸ್ಟಂ. ಶಹಝಾದ್ ಬಿ ರಶೀದ್‌ಖಾನ್ 18

ಬ್ರಾವೊ ಎಲ್‌ಬಿಡಬ್ಲು ನಬಿ 28

ರಸ್ಸಲ್ ರನೌಟ್ 7

ಸಮ್ಮಿ ಸಿ ಶೆನ್ವಾರಿ ಬಿ ನೈಬ್ 6

ಬ್ರಾತ್‌ವೇಟ್ ಸಿ ನಜೀಬುಲ್ಲಾ ಬಿ ನಬಿ 13

ಬದ್ರಿ ಔಟಾಗೆ 2

ಇತರ 5

ವಿಕೆಟ್ ಪತನ: 1-17, 2-33, 2-34, 3-38, 4-79, 5-89, 6-98, 7-107, 8-114.

ಬೌಲಿಂಗ್ ವಿವರ: ಅಮೀರ್ ಹಂಝ 4-0-9-1

ಮುಹಮ್ಮದ್ ನಬಿ 4-0-26-2

ಹಮೀದ್ ಹಸನ್ 2.4-0-19-1

ರಶೀದ್ ಖಾನ್ 4-0-26-2

ಸಮೀವುಲ್ಲಾ ಶೆನ್ವಾರಿ 4-0-22-0

ಗುಲ್ಬದಿನ್ ನೈಬ್ 1.2-0-14-1.

ಪಂದ್ಯಶ್ರೇಷ್ಠ: ನಜೀಬುಲ್ಲಾ ಝದ್ರಾನ್